وزیراعلیٰ سندھ نے ننگرپارکر میں ایک ہی خاندان کے تین افراد کے قتل کا نوٹس لے لیا، ..
تازہ ترین : 1

وزیراعلیٰ سندھ نے ننگرپارکر میں ایک ہی خاندان کے تین افراد کے قتل کا نوٹس لے لیا، ملزمان کی فوری گرفتاری کا حکم

کراچی(اُردو پوائنٹ اخبار تازہ ترین۔04 اپریل۔2015ء وزیراعلیٰ سندھ سید قائم علی شاہ نے ضلع تھرپارکر کے شہر ننگرپارکر کے علاقے ڈھورائی میں ایک ہی خاندان کے 3افراد کے بہیمانہ قتل کا نوٹس لیتے ہوئے ڈپٹی انسپکٹر جنرل پولیس میرپورخاص کو واقعے میں ملوث مجرموں کو فوری طور پر گرفتار کرنے کے احکامات جاری کئے ہیں،تاکہ اس اندوہناک قتل میں ملوث مجرموں کومثالی سزا دلائی جا سکے۔وزیراعلیٰ سندھ نے تھرپارکر کے پرامن علاقے میں اس بدقسمت واقعے کو افسوسناک قرار دیتے ہوئے کہا کہ اس میں ملوث مجرموں کو ہر صورت میں انصاف کے کٹہڑے میں لایا جائے گا۔ انہوں نے ڈی آئی جی پولیس اور کمشنر میرپورخاص کو اس واقعے کی تمام پہلوں سے تحقیقات کرکے تفصیلی رپورٹ پیش کرنے کی ہدایت بھی جاری کی ہے۔

مزید متعلقہ خبریں پڑھئیے‎ :

وقت اشاعت : 04/04/2015 - 22:52:39

متعلقہ عنوان :

اپنی رائے کا اظہار کریں