ہنگامہ آرائی کرنیوالے ہمارے کارکن نہیں ، الیکشن میں بیلٹ پیپر پر گو عمران گو ..
تازہ ترین : 1
ہنگامہ آرائی کرنیوالے ہمارے کارکن نہیں ، الیکشن میں بیلٹ پیپر پر گو ..

ہنگامہ آرائی کرنیوالے ہمارے کارکن نہیں ، الیکشن میں بیلٹ پیپر پر گو عمران گو کا نعرہ نکلے گا :الطا ف حسین

کراچی(اُردو پوائنٹ اخبار تازہ ترین۔4اپریل 2015ء) ایم کیو ایم کے قائد الطاف حسین نے کہا ہے کہ کریم آباد میں متحدہ کا کوئی یونٹ نہیں ہے ، تحریک انصاف کے کیمپ پر حملہ کرنے والے متحدہ کے کارکن نہیں علاقہ مکین تھے ۔ پی ٹی آئی کے رہنما اشتعال انگیز تقاریر سے گریز کریں ۔ ایم کیو ایم کے قائد الطاف حسین نے اپنے بیان میں کریم آباد میں پی ٹی آئی کے انتخابی کیمپ پر حملے کی شدید مذمت کی ہے ۔

ان کا کہنا تھا کہ کریم آباد میں متحدہ کا کوئی یونٹ نہیں ہے ، کیمپ پر حملہ کرنے والے متحدہ کے کارکن نہیں عوام ہیں ۔ تحریک انصاف نے زہرا شاہد کے قتل کا الزام ایم کیو ایم پر لگایا جس کا عوام کو شدید صدمہ ہوا ۔ الطاف حسین نے کہا کہ کراچی کے لوگ اس وقت مشکل دور سے گزر رہے ہیں ۔ رابطہ کمیٹی تحریک انصاف کے رہنماؤں سے بات کرے ۔ پی ٹی آئی کے رہنما اشتعال انگیز تقاریر سے گریز کریں ۔ انہوں نے این اے 246 کے عوام سے اپیل کی کہ وہ ایسا کوئی عمل نہ کریں جس سے ماحول میں کشیدگی آئے ۔ انہوں نے کہا کہ ضمنی الیکشن کے دوران ہر بیلٹ پیپر پر گو عمران گو کا نعرہ لکھا ہوا ملے گا ۔

مزید متعلقہ خبریں پڑھئیے‎ :

وقت اشاعت : 04/04/2015 - 11:04:35

متعلقہ عنوان :

اپنی رائے کا اظہار کریں