کورنگی جمعہ بازار کی این او سی کینسل ہونے کے باوجود غیر قانونی بازار لگایا جا رہا ..
تازہ ترین : 1

کورنگی جمعہ بازار کی این او سی کینسل ہونے کے باوجود غیر قانونی بازار لگایا جا رہا ہے ، اعظم خان درانی

کراچی(اُردو پوائنٹ اخبار تازہ ترین۔یکم اپریل۔2015ء)پاکستان پیپلز پارٹی سندھ کونسل کے رکن اعظم خان درانی نے محکمہ بیورو آف سپلائی پرائسز اور K.M.C کے محکمہ E&IP کی جانب سے ڈپٹی کمشنر کورنگی کے سرکاری احکامات نہ ماننے کو حکومت کی رٹ کو چیلنج کرنے کے مترادف قرار دیتے ہوئے کہا کہ کورنگی نمبر5 عید گاہ اکبری گراؤنڈ کے جمعہ بازار آرگنائزر کے خلاف اہلیان علاقہ اور بازار کے غریب اسٹال ہولڈر ز نے علاقہ کے ڈپٹی کمشنر کو ٹریفک جام اور آرگنائزر کی اسٹال ہولڈرز کے ساتھ ظلم و زیادتیوں کے خلاف تحریری شکایتیں کی اور ڈپٹی کمشنر نے آرگنائزر کو وارننگ لیٹر جاری کیا لیکن اس کے باوجود وہ آرگنائزر ان شکایت کو دور کرنے میں ناکام رہا پھر ڈپٹی کمشنر کورنگی نے مورخہ 10-03-2015 کو آرگنائزر جمعہ بازار عید گاہ اکبری گراؤنڈ کو بازار لگانے کا اجازت نامہ N.O.Cمنسوخ کرنے کے احکامات جاری کئے لیکن بیورو آف سپلائی پرائسز اور K.M.Cکے محکمہ E&IP کے افسران نے ڈپٹی کمشنر کے ان احکامات کو بالائے طاق رکھتے ہوئے اس بازار کے لئے اپنے اپنے محکموں کے اجازت نامے اب تک منسوخ نہیں کیے اور گذشتہ دو ہفتے سے اس مقام پر N.O.C نہ ہونے کے باوجود غیر قانونی جمعہ بازار لگایا جا رہا ہے۔

اعظم درانی نے وزیر اعلیٰ سندھ اور صوبائی وزیر بلدیات سے مطالبہ کیا ہے کہ ان افسران کے خلاف محکمہ جاتی کاروائی عمل میں لائی جائے جو ڈسٹرکٹ انتظامیہ کے سرکاری احکامات پر عمل داری کے بجائے ان کی دھجیاں اڑا رہے ہیں۔ اعظم درانی نے ڈپٹی کمشنر کورنگی سے بھی مطالبہ کیا ہے کہ وہ اپنے احکامات کی عملداری کے لئے ضروری اقدامات کریں ۔

وقت اشاعت : 01/04/2015 - 20:48:12

اپنی رائے کا اظہار کریں