شاہین یونین کو کراچی پورٹ ٹرسٹ کا ریفرنڈم جیتنے پر مبارکباد
تازہ ترین : 1

شاہین یونین کو کراچی پورٹ ٹرسٹ کا ریفرنڈم جیتنے پر مبارکباد

کراچی (اُردو پوائنٹ اخبار تازہ ترین۔21مارچ۔2015ء)نیشنل لیبر فیڈریشن پاکستان کے مرکزی صدر شمس الرحمن سواتی اور سیکرٹری جنرل رانا محمود علی خان نے این ایل ایف اور KPTایمپلائزشمع یونین کی حمایت یافتہ شاہین یونین کو کراچی پورٹ ٹرسٹ کا ریفرنڈم جیتنے پر مبارکباد پیش کی ہے ۔گزشتہ روز ہونے والے ریفرنڈم میں این ایل ایف کی حمایت یافتہ یونین نے ایم کیوایم ورکرزفرنٹ یونین کو عبرت ناک شکست دی تھی جبکہ چارسال سے ایم کیوایم نے ٹرسٹ میں ریفرنڈم نہیں ہونے دیا اور اپنی اجارہ داری قائم کر رکھی تھی جس پر نیشنل لیبر فیڈریشن کی شمع یونین نے ہائی کورٹ کے ذریعے ریفرنڈم کی منظوری لی تھی ۔

مزدوررہنماؤں نے ایم کیوایم کی حمایت یافتہ یونین کی شکست پرتبصرہ کرتے ہوئے کہا کہ کراچی میں تبدیلی کا آغاز ہوگیا ہے۔ KPT کے انتخاب کے بعد کراچی میں عزیز آباد سے قومی اسمبلی کا ضمنی الیکشن بھی جماعت اسلامی ہی جیتے گی۔اُنہوں نے این ایل ایف اور جماعت اسلامی کی حمایت یافتہ یونین کی فتح کو خوش آئند قراردیتے ہوئے اسے کراچی کے امن کے لیے سنگ میل قرار دیا اور توقع ظاہرکی کہ نومنتخب سی بی اے سن کوٹہ سمیت مزدوروں کے دیگر مسائل حل کرنے ساتھ ادارے کی نجکاری کے خلاف ایک موثر آواز بن کرابھرے گی

وقت اشاعت : 21/03/2015 - 17:11:57

متعلقہ عنوان :

اپنی رائے کا اظہار کریں