گلشن اقبال میں پولیس کا سرچ آپریشن 8 مطلوب ملزمان گرفتار،
تازہ ترین : 1

گلشن اقبال میں پولیس کا سرچ آپریشن 8 مطلوب ملزمان گرفتار،

بھاری مقدار میں اسلحہ برآ مد

کراچی(اُردو پوائنٹ اخبار تازہ ترین۔20مارچ۔2015ء)کراچی کے علاقے گلشن اقبال میں پولیس نے سرچ آپریشن کیا ہے، جس کے نتیجے میں 8مطلوب ملزمان سمیت متعدد افراد کو زیر حراست میں لے بھی لیا گیا ہے۔ پولیس نے آپریشن کے دوران بھاری مقدار میں اسلحہ بھی برآمد کیا ہے۔ ایس پی گلشن اقبال عابد قائم خانی کے مطابق علی الصبح گلشن اقبال میں 13اے، 13بی، 13ڈی، ضیاء کالونی، نعمان کمپلیکس، جیلانی اسٹیشن، وسیم باغ، ممتاز منزل، بیت المکرم، عزیز بھٹی اور اطراف علاقوں میں جرائم پیشہ افراد کی موجودگی کی اطلاع پر آپریشن کیا گیا، آپریشن کے دوران علاقے کے داخلی اور خارجی راستے بند کرکے، گھر گھر تلاشی کی گئی، آپریشن کے دوران قتل، ڈکیتی اور دیگر جرائم میں مطلوب 8ملزمان کو گرفتار کیا گیا، جبکہ متعدد مشتبہ افراد کو حراست میں لیکر بھاری مقدار میں اسلحہ اور گولیاں برآمد کرلی گئیں ہیں۔

وقت اشاعت : 20/03/2015 - 14:11:33

متعلقہ عنوان :

اپنی رائے کا اظہار کریں