سندھ ہائیکورٹ نے ایم کیوایم کے ہتک عزت کے دعویٰ کا جواب داخل نہ کرانے پر عمران ..
تازہ ترین : 1

سندھ ہائیکورٹ نے ایم کیوایم کے ہتک عزت کے دعویٰ کا جواب داخل نہ کرانے پر عمران خان کو 50 ہزار جرمانہ کر دیا

کراچی(اُردو پوائنٹ اخبار تازہ ترین۔16مارچ۔2015ء) سندھ ہائی کورٹ نے ایم کیوایم کی جانب سے دائر ہرجانے کے دعوے کا جواب جمع نہ کرانے پر تحریک انصاف کے چیرمین عمران خان پر50ہزار روپے جرمانہ عائد کردیا۔ پیر کو سندھ ہائی کورٹ کے جج جسٹس شفیع صدیقی نے متحدہ قومی موومنٹ کے رہنما ڈاکٹر فاروق ستار کی جانب سے تحریک انصاف کے چیئرمین عمران خان کے خلاف 5 ارب روپے ہرجانے کے دعوے کی سماعت کی۔

گزشتہ سماعت پر عمران خان کو عدم پیشی پر جواب داخل کرنے کے حق سے محروم کردیا تھا تاہم عدالت نے عمران خان کے وکیل کے پیش ہونے پر اپنا پچھلا حکم واپس لے لیا، عدالت عالیہ نے عمران خان پر 50 ہزار روپے جرمانہ عائد کرتے ہوئے حکم دیا کہ آئندہ سماعت پرتحریری جواب جمع کرائیں۔واضح رہے کہ ایم کیو ایم کے رہنما فاروق ستار نے الطاف حسین کو زہرہ شاہد کے قتل کا براہ راست ذمہ دار ٹھہرانے پر عمران خان کے خلاف 5ارب ہرجانے کا دعویٰ دائر کیا تھا

وقت اشاعت : 16/03/2015 - 14:44:21

اپنی رائے کا اظہار کریں