مولانا عبدالغفور کا ڈپٹی سنیٹر منتخب ہونا مذہبی طبقے کیلئے خوش آئند ہے ،مفتی محمد نعیم،

امید ہے وہ اپنے عہدے پر رہ کرملک وملت کے خلاف سازشوں کا سدباب کرنے میں اہم کردار اداکریں گے،مہتمم جامعہ بنوریہ عالمیہ

جمعہ 13 مارچ 2015 22:48

کراچی (اُردو پوائنٹ اخبارتازہ ترین - آن لائن۔13مارچ۔2015ء)جامعہ بنوریہ عالمیہ کے مہتمم وشیخ الحدیث مفتی محمد نعیم نے رضا ربانی کے سنیٹر اور مولانا عبدالغفور حیدری کے ڈپٹی سنیٹر منتخب ہونے پر مبارکباد پیش کرتے ہوئے کہاکہ مولانا عبدالغفور کا ڈپٹی سنیٹر منتخب ہونا مذہبی طبقے کیلئے خوش آئند ہے امید کرتے ہیں وہ اپنے عہدے میں رہ کرملک وملت کے خلاف ہونے والی سازشوں کا سدباب کرنے میں اہم کردار اداکریں گے،جمعہ کو جامعہ بنوریہ عالمیہ سے جاری بیا ن مفتی محمد نعیم نے کہاکہ ایک طرف ملک میں دہشت گردی کے واقعات ہورہے ہیں تو دوسری جانب دہشت گردی کو مذہبی طبقے سے جوڑ کر مذہبی طبقے کا گھیرا تنگ کرنے کی کوشش کی جارہی ہے ایسے میں پارلیمنٹ کے اندر موجود علماء اور مذہبی طبقے کی ذمہداری بنتی ہے کہ وہ ارباب اقتدار کو ایسے اقدامات سے باز رہنے کی تنبہ کریں جن سے ملک کوملت میں انتشار پیدا ہونے کا خطرہ ہوتاہے۔

(جاری ہے)

انہوں نے کہاکہ قادیانی سمیت دیگر لابیاں ملک کو سیکولر بنانے کی کوششوں میں سرگرم عمل ہیں اور توہین رسالت کے قانون کے خلاف سازشیں کرکے ملک سے اسلامی تشخص کو چھینے کی کوششیں کی جارہی ہیں ان کا سدباب کرنا علماء کرام اور مذہبی طبقے کی اولین ذمہ داری ہے۔

کراچی میں شائع ہونے والی مزید خبریں