مجھے لیاری میں قتل کرنے کا منصوبہ بنایا گیا تھا، نبیل گبول
تازہ ترین : 1
مجھے لیاری میں قتل کرنے کا منصوبہ بنایا گیا تھا، نبیل گبول

مجھے لیاری میں قتل کرنے کا منصوبہ بنایا گیا تھا، نبیل گبول

کراچی(اُردو پوائنٹ اخبارتازہ ترین۔13مارچ۔2015ء)سینئر سیاست دان نبیل گبول نے انکشاف کیا ہے کہ انہیں لیاری میں قتل کرنے کا منصوبہ بنایا گیا تھا۔ خیال رہے کہ نبیل گبول نے حال ہی میں متحدہ قومی موومنٹ (ایم کیو ایم) اور قومی اسمبلی کی رکنیت سے استعفیٰ دیا تھا۔ استعفیٰ دینے کے بعد میڈیا گفتگو کرتے ہوئے انہوں نے کہا تھا کہ وہ اور ایم کیو ایم 'مس فٹ' تھے اور وہ قومی سطح پر سیاست کرنا چاہتے ہیں۔

ڈان نیوز سے خصوصی گفتگو میں انہوں نے کہا کہ مجھے قتل کرنے کا ٹاسک "پٹنی" نامی ٹارگٹ کلرکودیاگیا۔ انہوں نے کہا کہ لیاری میں قتل کا منصوبہ اسلئے بنایا گیا تاکہ الزام گینگ وار پر عائد ہو۔ نائن زیرو پر رینجرز کے سرچ آپریشن کے حوالے سے گفتگو کرتے ہوئے انہوں نے کہا کہ اس چھاپے کا علم 'سب' کو تھا اور اسے سینیٹ انتخابات سے قبل ہونا تھا۔ انہوں نے کہا کہ وزیراعلیٰ سندھ سید قائم علی شاہ اور وزیر داخلہ چوہدری نثار علی خان کو چھاپے کے بارے میں پہلے سے ہی علم تھا۔ نبیل گبول نے کہا کہ نائن زیرو پر چھاپہ تو صرف شروعات ہے جبکہ کراچی میں وزیرستان سے بھی زیادہ اسلحہ ہے۔

مزید متعلقہ خبریں پڑھئیے‎ :

وقت اشاعت : 13/03/2015 - 18:27:57

متعلقہ عنوان :

اپنی رائے کا اظہار کریں