کرپشن میں ملوث سیکریٹری داخلہ و بلدیات کی نوکری بچانے میں ناکامی پرحکومت سندھ ..
تازہ ترین : 1

کرپشن میں ملوث سیکریٹری داخلہ و بلدیات کی نوکری بچانے میں ناکامی پرحکومت سندھ نے کبیر قاضی کو دونوں عہدے چھوڑنے کی ہدایت کر دی

کراچی (اردو پوائنٹ تازہ ترین اخبار .10 مارچ 2015ء)کرپشن میں ملوث سیکریٹری داخلہ و بلدیات کی نوکری بچانے میں ناکامی پرحکومت سندھ نے کبیر قاضی کو دونوں عہدے چھوڑنے کی ہدایت کر دی ہے۔تفصیلات کے مطابق سندھ کے سیکریٹری داخلہ اور بلدیات کبیر قاضی کو وفاقی حکومت نے ٹریڈ ڈولپمنٹ میں کرپشن کے الزام میں دس روز قبل ملازمت سے فارغ کیا تھا، جسکے بعد وزیرِاعلیٰ سندھ سید قائم علی شاہ نے وزیرِاعظم کو ایک خط لکھ کر کبیر قاضی کو برخاست نہ کرنے اور ملازمت پر برقرار رکھنے کی درخواست کی تھی۔

ذرائع کے مطابق اس خط کے جواب میں وفاقی حکومت نے سندھ حکومت کو لکھا ہے کہ کبیر قاضی کو کرپشن کے الزام میں ملازمت سے فارغ کیا گیا لہذا قانون کے مطابق کبیر قاضی فیڈرل سروس ٹربیونل سے رجوع کریں۔وفاقی حکومت کے جواب کے بعد حکومت سندھ نے کبیر قاضی کو دونوں عہدے چھوڑنے کی ہدایت کردی ہے۔

وقت اشاعت : 10/03/2015 - 22:41:18

متعلقہ عنوان :

اپنی رائے کا اظہار کریں