مسلم لیگ(ن) کے صوبائی نائب صدر علی اکبر گجر کی کراچی کے مختلف علاقوں میں واٹر بورڈ کی طرف سے پانی کی عدم فراہمی کی مذمت
جمعرات 5 مارچ 2015 22:20
کراچی(اُردو پوائنٹ اخبارتازہ ترین - آن لائن۔5 مارچ۔2015ء) مسلم لیگ(ن) کے صوبائی نائب صدر علی اکبر گجر نے کراچی کے مختلف علاقوں میں واٹر بورڈ کی طرف سے پانی کی عدم فراہمی کی مذمت کرتے ہوئے کہا ہے کہ کراچی کو طبقات میں تقسیم کرنے والے حکمران سندھ دھرتی کے ساتھ ظلم کر رہے ہیں․ پاکستان مسلم لیگ(ن) کراچی کے بلدیاتی مسائل کے حل کے لئے خصوصی اقدامات کرے گی․ ہمارے نئے منتخب ہونے والے سینیٹر اور اراکین سندھ اسمبلی کراچی کے ہر شہری کو بلاتفریق پینے کے پانی کی فراہمی یقینی بنانے کے لئے بھرپور کردار ادا کریں گے․ مسلم لیگ(ن) سندھ کے صوبائی نائب صدر علی اکبر گجر پارٹی کے گلشن جمال سیکریٹیریٹ میں مسلم لیگ(ن) ضلع غربی کے رہنماؤں اور کارکنوں کے ایک وفد سے گفتگو کر رہے تھے جس نے مسلم لیگ(ن) ضلع غربی کے نائب صدر سمیر بٹ کی قیادت میں پارٹی رہنماؤں نواز گجر، علی اکبر خان ،چوہدری اقبال، فضل الرحمن آئنگر، حاجی نظر خان آفریدی،حاجی یامین، اشرف اعوان، اکبر بھٹی، محمد اصغر، قیوم اعوان، محمد اسلام ، رضوان خٹک ، صنوبر ستی، شیر عالم خان نے ان سے ملاقات کی ․ مسلم لیگ(ن) ضلع غربی کے وفد کے اراکین نے کراچی ضلع غربی کے اورنگی ٹاؤن ، فرید کالونی، میٹرو ول اور ملحقہ علاقوں میں پینے کے پانی کی بد ترین قلت اور کراچی واٹر بورڈ کی ٹینکر مافیہ کے ساتھ ملی بھگت کی شکایات کرتے ہوئے کہا کہ ضلع غربی کر اچی کے اکثر علاقوں کے عام شہری پینے کا پانی صو بائی حکمرانوں کی مرضی کے بغیر حاصل نہیں کر سکتے․ علی اکبر گجر نے کہا کہ سب سے زیادہ ریوینیو دینے والے شہر کے متوسط طبقے کے ساتھ امتیازی سلوک کر کے پاکستان کی اقتصادی شہہ رگ کو کاٹنے کی سازشیں ناکام بنائی جائیں گی․ شہر قائد کے رہنے والے مختلف طبقات کے ساتھ امتیازی سلوک نے کراچی کے شہریوں کو دوسرے درجے کا شہری بنا دیا ہے․ پاکستان مسلم لیگ(ن) سندھ کے نائب صدر علی اکبر گجر نے کراچی شہر کے مختلف حصوں میں پینے کے پانی کی شدید قلت کو افسوسناک قرار دیتے ہوئے کہا ہے کہ سندھ حکومت نے صوبے کی طرح شہر قائد کو بھی پسند اور ناپسند کی بنیاد پر تقسیم کر کے رکھ دیا ہے․ کراچی کے کچھ حصوں میں واٹر بورڈ کی مہربانیوں کا یہ عالم ہے کے ان علاقوں کی گلیاں اور سڑکیں بھی صاف پانی سے بھری رہتی ہیں جبکہ شہر قائد کے کچھ علاقوں کے ساتھ سوتیلی ماں جیسا سلوک کیا جا رہا ہے․ واٹر بورڈ اور صوبائی محکمہ بلدیات کی ذمہ داری ہے کہ کراچی کے تمام شہریوں کو پینے کے پانی کی وافر مقدار میں بلا ناغہ فراہمی یقینی بنائے لیکن کراچی میں الٹی گنگا بہہ رہی ہے․ واٹر بورڈ اور صوبائی محکمہ بلدیات کی ملی بھگت سے شہر میں واٹر ٹینکرز کے ذریعے پینے کا پانی مہنگے داموں فروخت کے لئے تو کھلے عام دستیاب ہے لیکن وارثان شہر کے لئے واٹر بورڈ کی لائینیں میدان کربلا کی صورت اختیار کر چکی ہیں․ پاکستان مسلم لیگ(ن) سندھ کے نائب صدر علی اکبر گجر نے کہا کہ کراچی سمیت سندھ کے تمام شہریوں کے آئینی بنیادی حقوق کے لئے پارٹی کی صوبائی قیادت اپنے نومنتخب سینیٹرز اور اراکین سندھ اسمبلی کے ساتھ مل کر طویل مدتی اقدامات کی منصوبہ بندی کر رہی ہے تاکہ کراچی کے ہر شہری کو تمام بلدیاتی سہولتوں کی فراہمی یقینی بنائی جا سکے اور اندرون سندھ کے رہنے والوں کو درپیش مسائل کا بھی مستقل بنیادوں پر حل ممکن بنایا جا سکے۔
کراچی میں شائع ہونے والی مزید خبریں
oجامعہ کراچی ایرانی صدر کو پی ایچ ڈی کی اعزازی سند دے گی
ج*کراچی،عربی سکھانے کا سینٹر قائم، اماراتی قونصل جنرل نے افتتاح کردیا
{سندھ ہائیکورٹ، بانی پی ٹی آئی کی سیکیورٹی یقینی بنانے کا حکم
نیب احتساب کی بجائے عملی طور سیاسی انتقام کا ادارہ بن چکا ہے۔جماعت اسلامی
محمد حسین محنتی کا عالمی مجلس ختم نبوت سندھ کے امیر کی وفات پر اظہار تعزیت
جماعت اسلامی کا مسلح ڈکیتیوں کے خلاف ایس ایس پی آفسز کے باہر احتجاجی مظاہرو ں کا اعلان
صوبائی وزیر ثقافت، سیاحت، نوادرات و آرکائیوز سندھ سید ذوالفقار علی شاہ سے اقوام متحدہ کی تعلیمی سائنسی ..
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
اسٹریٹ کرائم کے معاملے پر سیاست سے گریز کیا جائے، تیمور علی مہر
ڈپٹی میئر کراچی سلمان عبداللہ مراد نے بول نیوز دفتر کا دورہ
کپاس کے پیداواری اہداف کا تعین نہیں ہو سکا، اسٹیک ہولڈرز میں تشویش کی لہر
سندھ میں گیس کا ایک اور بڑا ذخیزہ دریافت
کراچی سے متعلقہ
پاکستان کی تازہ ترین خبریں
-
بلوچستان میں طوفانی بارشوں کے باعث ڈیم ٹوٹ گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
صرف 2 گیندوں بعد ہی میچ ختم
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
پی ٹی آئی رہنماء نے الزام لگایا کہ سعودی امداد چوروں کو مضبوط کرنے کی کڑی ہے
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت