پاکستان کے زرمبادلہ کے ذخائر 15 ارب 94 کروڑ 37 لاکھ ڈالر ہوگئے

جمعرات 26 فروری 2015 19:34

کراچی(اُردو پوائنٹ اخبار تازہ ترین۔26فروری 2015ء) پاکستان کے زرمبادلہ کے ذخائر 15 ارب 94 کروڑ 37 لاکھ ڈالر ہوگئے۔ مرکزی بینک سے جمعرات کو جاری کردہ اعداد و شمار کے مطابق پاکستان کے زرمبادلہ کے ذخائر 20 فروری 2015ء کو اختتام پذیر ہونے والے ہفتہ کے دوران 15 ارب 94 کروڑ 37 لاکھ ڈالر ہوگئے، ان ذخائر میں سے 11 ارب 7 کروڑ 49 لاکھ ڈالر اسٹیٹ بینک آف پاکستان کے پاس جبکہ 4 ارب 86 کروڑ 88 لاکھ ڈالر دیگر بینکوں کے پاس ہیں۔

(جاری ہے)

اعداد و شمار میں مزید بتایا گیا ہے کہ 20 فروری 2015ء کو اختتام پذیر ہونے والے ہفتہ کے دوران اسٹیٹ بینک آف پاکستان کے ذخائر 11 کروڑ 90 لاکھ ڈالر کی کمی سے11 ارب 7 کروڑ 50 لاکھ ڈالر ہو گئے جو کہ گذشتہ ہفتہ کے دوران 11 ارب 19 کروڑ 40 لاکھ ڈالر تھے۔ متذکرہ ہفتہ کے دوران مرکزی بینک نے بیرونی قرضوں اور دیگر سرکاری ادائیگی کی مد میں 16 کروڑ 10 ڈالر کی رقم کی ادائیگی کی جس میں ایس بی اے کے تحت آئی ایم ایف کے 13 کروڑ 60 لاکھ ڈالر کی ادائیگی بھی شامل ہے۔ متذکرہ ہفتہ کے دوران مرکزی بینک کو کثیرالجہتی دوطرفہ اور دیگر ذرائع سے 4 کروڑ 30 لاکھ ڈالر کی رقم بھی موصول ہوئی۔

متعلقہ عنوان :

کراچی میں شائع ہونے والی مزید خبریں