پاکستان کرکٹ ٹیم کو کووارٹر فائنل تک رسائی کیلئے تمام میچز جیتنا ہوں گے
تازہ ترین : 1
پاکستان کرکٹ ٹیم کو کووارٹر فائنل تک رسائی کیلئے تمام میچز جیتنا ہوں ..

پاکستان کرکٹ ٹیم کو کووارٹر فائنل تک رسائی کیلئے تمام میچز جیتنا ہوں گے

کراچی(اردپوائنٹ۔تازہ ترین اخبار ۔26 فروری 2015)پاکستان کی ورلڈکپ میں مسلسل دو ناکامیوں اور آئرلینڈ کی مسلسل دو کامیابیوں نے گرین شرٹس کا کوارٹر فائنل تک رسائی کا سفر مزید دشوار بنادیا ہے تاہم پاکستان اپنے بقیہ تمام میچز جیت کر ناک آوٴٹ مرحلے تک رسائی ممکن بناسکتا ہے۔اعدادوشمارکے مطابق آسٹریلیا اور نیوزی لینڈ میں جاری کرکٹ ورلڈکپ میں ہندوستان کے بعد آئرلینڈ کی مسلسل دونوں میچز میں کامیابی نے قومی کرکٹ ٹیم کی مشکلات میں مزید اضافہ کردیا ہے۔

بھارت نے اپنے پہلے میچ میں پاکستان کو 76 رنز سے شکست دی جبکہ دوسرے میچ میں بھارتی ٹیم نے ٹورنامنٹ فیورٹ جنوبی افریقہ کو 130 رنز کے واضح مارجن سے ہرایا۔ آئرلینڈ کی ٹورنامنٹ میں اب تک کارکردگی بہترین رہی ہے جہاں یورپی ٹیم اب تک ویسٹ انڈیز اور متحدہ عرب امارات کو شکست دے چکی ہے۔پاکستان کو کوارٹرفائنل تک رسائی یقینی بنانے کے لئے اب بقیہ چاروں میچز جیتنا ہوں گے۔

گرین شرٹس کو زمبابوے، یواے ای کے ساتھ جنوبی افریقا اور پھر آخری گروپ میچ میں آئرلینڈ کو زیر کرنا ہوگا۔ایک بھی میچ میں ناکامی کے بعد صورتحال پاکستان کے ہاتھ سے نکل جائے گی اور معاملہ رن ریٹ پر آئیگا۔ پاکستان کا رن ریٹ بھی گروپ بی میں سب سے خراب ہے۔قومی ٹیم ورلڈکپ میں تیسرا میچ یکم مارچ کو برسبین میں زمبابوے کے خلاف کھیلے گی۔

وقت اشاعت : 26/02/2015 - 12:04:52

متعلقہ عنوان :

قارئین کی رائے :

  • زاھد میرپورخاص کی رائے : 27/02/2015 - 17:37:15

    پاکستانی ٹیم کی ٹکٹ کٹادین اور واپس بیھج دین

    اس رائے کا جواب دیں

اپنی رائے کا اظہار کریں