وزیراعظم سینیئر قانون دان اشتر اوصاف علی کو معاون خصوصی برائے قانون، بیرسٹر ظفر ..
تازہ ترین : 1

وزیراعظم سینیئر قانون دان اشتر اوصاف علی کو معاون خصوصی برائے قانون، بیرسٹر ظفر اللہ خان کو معاون خصوصی برائے پارلیمانی امور مقرر کردیا

اسلام آباد (اردو پوائنٹ تازہ ترین اخبار. 25 فروری 2015ء) وزیراعظم محمد نواز شریف نے سینیئر قانون دان اشتر اوصاف علی کو معاون خصوصی برائے قانون جبکہ بیرسٹر ظفر اللہ خان کو معاون خصوصی برائے پارلیمانی امور مقرر کردیا ہے۔ ان دونوں کا عہدہ وزیر مملکت کے برابر ہوگا۔ درج بالا افراد کی تعیناتی کے باقاعدہ نوٹفیکیشن بھی جاری کردیئے گئے ہیں۔ بدھ کے روز جائنٹ سیکرٹری حکومت پاکستان کابینہ ڈویژن کی جانب سے دو نوٹیفکیشن جاری کئے گئے ہیں جس کے تحت 1973 ء کے قانون ‘ رولز آف بزنس کے تحت معروف قانون دان اشتر اوصاف علی کو وزیراعظم کا معاون خصوصی برائے قانون مقرر کیا ہے جن کا عہدہ وزیر مملکت کے برابر ہوگا۔

ان کا یہ نوٹیفکیشن فوری طور پر نافذ العمل ہوگا اسی طرح سے بیرسٹر ظفر الله خان کو وزیراعظم کا معاون خصوصی برائے پارلیمانی امور مقرر کیا گیا ہے ان کا عہدہ بھی وزیر مملکت کے برابر ہوگا اور نوٹیفکیشن تقرری کے حوالے سے فوری طور پر نافذ العمل ہوگا۔

وقت اشاعت : 25/02/2015 - 21:14:47

متعلقہ عنوان :

اپنی رائے کا اظہار کریں