افغان حکومت امن چاہتی ہے تو طالبان کو اقتدار میں شریک اور افغانستان میں بھارتی اثرورسوخ کو روکے،پرویز مشرف،
پاکستان نے بھارت کا مقابلہ کرنے کیلئے افغان سرزمین پر طالبان جیسے گروپوں کی حمایت کی، امریکہ اور اتحادی ہمارے خدشات کو نہ سمجھ سکے تو مجبوراً ان گروپوں پر انحصار کرنا پڑا، آرمی چیف سمیت فوج نے درپردہ میرا ساتھ دیا ہے، امریکی جریدے کوانٹرویو
بدھ 25 فروری 2015 20:42
کراچی(اردو پوائنٹ تازہ ترین اخبار. 25 فروری 2015ء) سابق صدر پرویز مشرف نے کہا ہے کہ افغان حکومت اگر امن چاہتی ہے تو وہ طالبان کو اقتدار میں شریک اور افغانستان میں بھارتی اثرورسوخ کو روکے،پاکستان نے بھارت کا مقابلہ کرنے کیلئے افغان سرزمین پر طالبان جیسے گروپوں کی حمایت کی،کیونکہ امریکہ اور اتحادی ہمارے خدشات کو نہیں سمجھ سکے،آرمی چیف سمیت فوج نے درپردہ میرا ساتھ دیا ہے۔
امریکی جریدے وال سٹریٹ جرنل کو دیئے گئے انٹرویو میں انہوں نے کہا کہ افغان صدر اشرف غنی کی آمد سے افغان حکومت اور طالبان کے درمیان مفاہمتی کا ایک نیا موقع ملا ہے اشرف غنی متوازن شخص ہیں اور میرے خیال میں وہ ایک بڑی امید ہیں پاکستان اور بھارت دونوں کو چاہیے کہ وہ افغانستان میں ایک دوسرے کیخلاف پراکسی وار بند کردیں ۔(جاری ہے)
انہوں نے کہا کہ پاکستان کے دشمنوں کا افغان سرزمین پر مقابلہ کرنا ہوتا ہے اگر کوئی ہمارا دشمن ہے تو ہم یقیناً اس کا مقابلہ کرینگے اس مقصد کیلئے طالبان اور دیگر عسکری گروپوں کی افزائش میں پاکستان کا کردار موجود تھا ۔
اس ضمن میں جب دفتر خارجہ سے رابطہ کیا گیا تو انہوں نے کسی تبصرے سے گریز کیا جبکہ بھارتی وزارت امور خارجہ کے ترجمان سید اکبر الدین نے کہا کہ یہ صحرا کی آوازیں ہیں جن کا جواب دینے کی ضرورت نہیں یہ آوازیں صرف میڈیا میں جگہ بنانے کیلئے دی جاتی ہیں ۔ پرویز مشرف نے کہا کہ دنیا کو یہ سمجھنا چاہیے کہ ہم ملا عمر کا چہرہ پسند نہیں کرتے لیکن یہ دیکھنا ہوگا کہ ان کے دور میں افغان عوام کی زندگی کیسی تھی ۔ ہمیں پشتونوں کو ساتھ لے کر چلنا ہوگا اگر طالبان امن چاہتے ہیں تو پھر انہیں صدر اشرف غنی کو اقتدار میں شریک کرنا ہوگا اور اس مقصد کیلئے طریقہ کار مرتب کیاجاسکتا ہے ۔ انہوں نے کہا کہ افغان سرزمین پر بھارت جیسے دشمن کا مقابلہ کرنا ہماری مجبوری تھی پاکستان کا مفاد ہمیں سب سے پہلے عزیز ہے لیکن یہ ایساف کے مفاد میں تھا یا نہیں اس کے بارے میں میں کچھ نہیں جانتا مشرف نے کہا کہ بھارت نے افغانستان کے اندر بلوچ علیحدگی پسندوں کو ہتھیار ، اسلحہ اور تربیت فراہم کی بلوچستان کی سرحد افغانستان سے ملتی ہے اور یہ لوگ بلوچستان میں آکر طویل عرصہ سے مسلح تحریک چلا رہے ہیں امریکہ اور اس کے اتحادی پاکستان کی مجبوریوں کو نہیں سمجھ سکے جس سے پاکستان افغانستان میں دیگر عسکری گروپوں پر انحصار کرنے پر مجبور ہوا تاکہ اپنے مفادات کا تحفظ کرسکے ۔ حقانی گروپ کے بارے میں پرویز مشرف نے کہا کہ وہ 1980 ء کی دہائی کے بہترین جنگجو تھے اور وہ سوویت یونین کیخلاف جہاد کے دوران ہمارے چیمپئن بنے ۔ ایک اور سوال کے جواب میں پرویز مشرف نے اعتراف کیا کہ موجودہ آرمی چیف سمیت فوج نے درپردہ رہ کر ان کی حمایت کی ہے ۔ انہوں نے کہا کہ یہ لوگ مجھے جانتے ہیں اور تنہا نہیں چھوڑ سکتے میں سوچ بھی نہیں سکتا کہ فوج میرے ساتھ نہیں ہوگی ۔کراچی میں شائع ہونے والی مزید خبریں
سندھ حکومت کا ٹیکس چوروں کے نام اخبارات میں شائع کرانے کا فیصلہ
سندھ میں یکم مئی کو یوم مزدور پر چھٹی کا اعلان
اے وی ایل سی پولیس نے موٹرسائیکل چوری اور سرقہ شدہ موٹرسائیکلوں کی پارٹس خریدنے والے کباڑیوں سمیت 6 ملزمان ..
سالڈ ویسٹ مینجمنٹ بورڈ اور سوئیپ پروجیکٹ کے اشتراک سے بین الاقوامی معیار کے طرز پرماڈرن جی ٹی ایس کی ..
اسٹاک مارکیٹ میں تیزی معاشی بحالی کی طرف پہلا قدم ہے‘محمود مولوی
پی ایس او کا مالی سال 2024کے نو ماہ میں 13.4ارب روپے کا منافع
مہنگی بجلی ،لوڈشیڈنگ ،اًوربلنگ نے عوام کی مشکلات میں اضافہ کردیا، محمد سلیم عطاری
جماعت اسلامی رہنمائوں کی جانب سے پروفیسر عبدالغنی فاروق کے انتقال پر تعزیت کا اظہار
جماعت اسلامی سندھ کامختلف ادویات کی قلت اور بلیک میں زیادہ قیمت میں فروخت پرتشویش کا اظہار
گیلپ،جامعہ ہمدرد ،جامعہ کراچی اور اتالیق فانڈیشن کی اشتراک سے چار روزہ ورکشاپ کی اختتامی تقریب
سرسید یونیورسٹی کے ستائیسویں کانووکیشن کے موقع پر 1100 سے زائدطلبا و طالبات کو ڈگریاں تفویض کی گئیں
ایران سے اچھے تعلقات خطے کے مفاد میں ہیں اور ملک کو بھڑان سے نکالنے میں معاون ہوں گے،شہنیلہ خانزادہ
کراچی سے متعلقہ
پاکستان کی تازہ ترین خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ