ندیم نصرت ایم کیوایم رابطہ کمیٹی کے سینئر ڈپٹی کنوینر مقرر
تازہ ترین : 1

ندیم نصرت ایم کیوایم رابطہ کمیٹی کے سینئر ڈپٹی کنوینر مقرر

الطاف حسین نے رابطہ کمیٹی کے اس فیصلے کی توثیق کردی

کراچی‘ ( اردپوائنٹ۔تازہ ترین اخبار ۔25 فروری 2015 )متحدہ قومی موومنٹ کی رابطہ کمیٹی اور ایم کیوایم کے سینئر رکن ندیم نصرت کو متفقہ طور پر ایم کیوایم کی رابطہ کمیٹی کا سینئر ڈپٹی کنوینر مقررکردیا ہے، ایم کیوایم کے قائد الطاف حسین نے رابطہ کمیٹی کے اس فیصلے کی توثیق کردی ہے۔یہ فیصلہ تنظیم نو کے سلسلے میں ایم کیوایم کی رابطہ کمیٹی پاکستان اور لندن کے اراکین کے مشترکہ اجلاس میں کیا گیا ، ندیم نصرت گزشتہ ستمبر تک ایم کیو ایم کی رابطہ کمیٹی کے سینئر ڈپٹی کنوینر کے عہدے پر فائز تھے تاہم بے پناہ تنظیمی مصروفیات کے باعث وہ شدید علیل ہوگئے تھے اور علاج کے لیے امریکہ چلے گئے تھے۔

امریکہ میں کئی مہینے علاج کے بعد ان کی صحت میں قدرے بہتری آگئی ہے اور ڈاکٹروں نے انہیں دوبارہ کام کرنے کی اجازت دیدی ہے، جس کے بعد وہ امریکہ سے لندن پہنچ گئے ہیں اور انہوں نے اپنی ذمہ داریاں سنبھال لی ہیں۔ڈاکٹر نصرت شوکت اور کیف الوریٰ رابطہ کمیٹی کے جوائنٹ انچارجز کی حیثیت سے حسب معمول کام کرتے رہیں گے۔

مزید متعلقہ خبریں پڑھئیے‎ :

وقت اشاعت : 25/02/2015 - 13:18:32

اپنی رائے کا اظہار کریں