جڑواں شہروں میں گیس پریشر میں کمی کے بعد کمپریسر کے استعمال میں خطرناک حد تک اضافہ
شہریوں کا متعلقہ اداروں سے غیر قانونی کمپریسرز کے استعمال، انسٹالیشن اور خرید و فروخت میں ملوث افراد کے خلاف کارروائی کرنے کا مطالبہ
بدھ 20 جنوری 2016 19:15
اسلام آباد ۔ 20 جنوری (اُردو پوائنٹ اخبارتازہ ترین - اے پی پی۔20 جنوری۔2016ء) جڑواں شہروں راولپنڈی/اسلام آباد میں رواں موسم سرما کے دوران گیس پریشر میں کمی کے بعد کمپریسر کے استعمال میں خطرناک حد تک اضافہ ہو چکا ہے اور کمپریسر کا استعمال غیر قانونی ہونے کے ساتھ ساتھ حادثات کا باعث بھی بن رہا ہے، شہریوں نے متعلقہ اداروں سے غیر قانونی کمپریسرز کے استعمال، کمپریسرز انسٹالیشن اور خرید و فروخت میں ملوث افراد کے خلاف سخت کارروائی کرنے کا مطالبہ کیا ہے۔
بدھ کو ”اُردو پوائنٹ اخبارتازہ ترین - اے پی پی۔20 جنوری۔2016ء“ کے سروے کے مطابق راولپنڈی/اسلام آباد کے اکثر علاقوں میں گیس پریشر کم ہونے کی شکایات ہیں اور ان علاقوں میں گیس بہت سے صارفین پریشر میں اضافہ کیلئے کمپریسرز کا غیر قانونی استعمال کر رہے ہیں۔(جاری ہے)
کمپریسرز کے استعمال سے نہ صرف وہ اپنے اور اپنے اہل خانہ کی زندگیوں کو خطرے میں ڈالے ہوئے ہیں بلکہ وہ دیگر صارفین کو ان کے حق سے بھی محروم کر رہے ہیں۔
کمپریسرز کا استعمال غیر قانونی ہے تاہم متعلقہ ادارے کمپریسرز استعمال کرنے والوں کے خلاف کوئی کارروائی نہیں کر رہے۔ کمپریسرز کی فروخت اور تنصیب آزادانہ طور پر کی جا رہی ہے اور منافع خور ری اسمبلڈ کمپریسرز کو فروخت کر کے شہریوں کی زندگیوں سے کھیل رہے ہیں۔ چک بازار صدر، مری روڈ اور راجہ بازار کی کباڑی مارکیٹوں میں یہ کمپریسرز دستیاب ہیں اور ان پر کوئی روک ٹوک نہیں۔ جی سکس کی رہائشی نسرین اختر نے کہا کہ کمپریسرز کے استعمال سے پہلے جو تھوڑی بہت گیس آتی تھی اب وہ بھی نہیں آ رہی۔ انہوں نے کئی مرتبہ کمپریسر کا استعمال کرنے والے اپنے ہمسایوں کو اس سے باز رکھنے کی کوشش کی لیکن وہ ایسا نہیں کر رہے اور نہ ہی کوئی متعلقہ محکمہ کمپریسر کے بے جا استعمال پر کوئی کارروائی کرتا ہے۔ وفاقی دارالحکومت کے دیگر سیکٹروں جی سیون، جی ایٹ، جی نائن، ٹین اور الیون کے رہائشیوں نے بھی اسی قسم کی شکایت کا اظہار کیا ہے جبکہ نام نہ ظاہر کرنے کی شرط پر جی نائن کی رہائشی خاتون نے کہا کہ وہ کمپریسر کا استعمال خوشی سے تو نہیں کر رہیں، گیس پریسر کی کمی کی وجہ سے انہیں ایسا کرنا پڑا۔ انہیں کمپریسر باآسانی بازار سے دستیاب ہو گیا اور کسی قسم کی پوچھ گچھ کا سامنا نہیں کرنا پڑا۔ راولپنڈی کینٹ کی رہائشی خاتون ارم طارق نے بتایا کہ بڑھتے ہوئے کمپریسرز کے استعمال کی وجہ سے انہیں شدید مشکلات کا سامنا ہے وہ اکثر گیس آنے کا انتظار کرتی رہتی ہیں، بعض اوقات کمپریسرز کے استعمال کی وجہ سے چولہا بجھ جاتا ہے اور گیس کا اخراج شروع ہو جاتا ہے جو انتہائی خطرناک ہے اور انہیں کھانا تیار کرتے ہوئے کچن میں ہی رہنا پڑتا ہے تاکہ گیس کی آنکھ مچولی کی وجہ سے ہونے والے کسی بھی بڑے حادثہ سے بچا جا سکے۔ شہریوں نے ایس این جی پی ایل اور وفاقی و صوبائی قانون نافذ کرنے والے اداروں کی توجہ اس طرف مبذول کراتے ہوئے اپیل کی کہ وہ کمپریسرز کا استعمال تنصیب اور فروخت کرنے والوں کے خلاف کارروائی کریں تاکہ وہ اس اذیت سے چھٹکارہ حاصل کر سکیں۔متعلقہ عنوان :
اسلام آباد میں شائع ہونے والی مزید خبریں
نیکٹا اور یو این او ڈی سی کے تعاون سے ’’ضم شدہ اضلاع میں دہشت گردی کو سمجھنے ،چیلنجز اور قابل عمل آپشنز‘‘ ..
اراکین کے نام ای سی ایل سمیت دیگر فہرستوں میں ڈالے جانے کی تفصیلات فراہم نہ کر کے اپوزیشن غیر سنجیدگی ..
ایوان بالا میں پاکستان براڈ کاسٹنگ کارپوریشن (ترمیمی) آرڈیننس 2023 پیش کر دیا گیا
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
سینیٹ میں پاکستان نیشنل شپنگ کارپوریشن (ترمیمی) آرڈیننس 2023 پیش کر دیا گیا
ایوان بالا میں پاکستان پوسٹل سروسز مینجمنٹ بورڈ (ترمیمی) آرڈیننس 2023 پیش
سینیٹ میں نجکاری کمیشن (ترمیمی) بل آرڈیننس 2023 پیش کر دیا گیا
نارتھ پنجاب ، آزادکشمیر اور گلگت بلتستان میں 33 دفاتر میں نئے پاسپورٹس کے اجراء اور تجدید کے لئے تمام ..
ڈپٹی سپیکر قومی اسمبلی سید غلام مصطفیٰ شاہ سے پولیٹیکل قونصلر یو کے ہائی کمشنر زوئی ویئر کی ملاقات
وفاقی محتسب کی معائنہ ٹیم کا ایکسا ئزاینڈ ٹیکسیشن آ فس کا دورہ
ایوان بالا میں موشن پکچرز (ترمیمی) بل 2023 پیش
ایوان بالا میں تشکیل عدالت خصوصی (سمندر پار پاکستانیوں کی جائیداد) بل 2023 پیش
اسلام آباد سے متعلقہ
پاکستان کی تازہ ترین خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
بجلی کی قیمت میں 2روپے 94پیسے فی یونٹ مزید اضافے کا امکان
-
ملک میں سیمنٹ کی ریٹیل قیمتوں میں معمولی کمی ریکارڈ
-
موبائل فونز کی مقامی تیاری کے بعد قیمتوں میں نمایاں کمی
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت