ادینزی کے دور دراز پہاڑی علاقے میں مسافروں سے بھری گاڑی کھائی میں گرگئی ،ْچھ افراد جاں بحق ،ْ سولہ زخمی

ہفتہ 6 مئی 2017 16:21

چکدرہ/لوئر دیر (اُردو پوائنٹ اخبارتازہ ترین - این این آئی۔ 06 مئی2017ء) ادینزی کے دور دراز پہاڑی علاقے میں مسافروں سے بھری گاڑی کھائی میں گرگئی جس کے نتیجے میں 6 افرادجاں بحق اور 16افراد زخمی ہوگئے۔

(جاری ہے)

اطلاعات کے مطابق علاقہ تھانہ اسبنڑ گاں شوڑشنگ سے اسبنڑ بازارجاتے ہوئے سواریوں سے بھری پک اپ گاڑی اویشہ کے مقام پر گہری کھائی میں جاگری جس کے نتیجے میں 6جاں بحق اور 16افراد زخمی ہوگئے‘جاں بحق ہونے والوں میں حضرت عثمان ولد طوطی رحمان‘ رحیم داد ولد دلباز خان‘ نوشیر ولد خان باچا‘عثمان ولد رحمان اللہ‘ امانت ولد سیف اللہ سکنہ شوڑشنگ اسبنڑ‘ حبیب اللہ‘ اجمل‘ اور شاہدہ نامی خاتون بھی شامل ہے‘ جبکہ زخمیوں میں عیسی خان ولد امیر حکیم‘ سلمان ولد امیر خان‘ محمد جان ولد‘ نہایت زوجہ نجم خان‘ ناز بی بی زوجہ رحیم باچا‘ سلوک زادہ ولد عزیز الرحمان‘ جلال ولد احسان اللہ‘ جمروز خان ولد صبا خان‘ اجمل ولد نجم خان‘ پارسہ بی بی ولد رضاوغیرہ شامل ہیں زخمیوں کو ڈسٹرکٹ ہیڈ کوارٹر ہسپتال بٹ خیلہ اور تحصیل ہیڈ کوارٹر چکدرہ منتقل کردیاگیا۔