دیربالا،تار پتار بازار میں شارٹ سرکٹ سے آتشزدگی، 60دکانیں جل کر خاکستر

پیر 19 دسمبر 2016 11:34

دیربالا (اُردو پوائنٹ اخبارتازہ ترین - آئی این پی۔ 19 دسمبر2016ء) خیبر پختو نخوا کے ضلع دیربالا کے ایک مصروف بازار میں آگ لگنے سی60 سے زائد دکانیں جل گئیں ۔ فائربریگیڈ وقت پر نہ پہنچنے کے باعث نقصان زیادہ ہوگیا ۔ پولیس کے مطابق عشیری درہ کے علاقے تارپتار کے مصروف بازارمیں آگ شارٹ سرکٹ سے لگی جس نے دیکھتے ہی دیکھتے درجنوں دکانوں کو اپنی لپیٹ میں لے لیا۔

(جاری ہے)

پولیس کا کہنا ہے کہ اب تک60 سے زائد دکانیں مکمل طور پر جل چکی ہیں۔ عینی شاہد اور مقامی تاجر احسان اللہ کا کہنا ہے کہ فائر بریگیڈ کے وقت پر نہ پہنچنے کے باعث تاجروں کو کروڑوں روپے کا نقصان پہنچا ۔ آگ پر قابو پانے کے لیے مقامی افراد نے اپنی مدد آپ کے تحت کوشش کی بعد میں دکانداروں نے احتجاج کیا اور کہا کہ فائر بریگیڈ کا عملہ تاخیر سے پہنچا ورنہ نقصان سے بچ سکتے تھے۔

دیر میں شائع ہونے والی مزید خبریں