صوبائی حکومت انتخابی منشور کے مطابق سرکاری دفاتر سے عوام کو ہر ممکنہ سہولیات کی فراہمی کے لیئے عملی طور پر کوشاں ہے، سردار علی امین خان گنڈہ پور
منگل 24 فروری 2015 23:22
ڈیرہ اسماعیل خان( اردو پوائنٹ تازہ ترین اخبار. 24 فروری 2015ء )صوبائی وزیر مال سردار علی امین خان گنڈہ پور نے کہا ہے کہ صوبائی حکومت انتخابی منشور کے مطابق سرکاری دفاتر سے عوام کو ہر ممکنہ سہولیات کی فراہمی کے لیئے عملی طور پر کوشاں ہے، صوبہ میں حق حصول خدمات کے ایکٹ ( رائیٹ ٹو پبلک سروسز ایکٹ)کا نفاذ اس کی عملی مثال ہے، جس سے سرکاری محکمہ جات کو براہ راست عوام کے لیئے خادم کے روپ میں پیش کیا جا رہا ہے ان خیالات کااظہار انہوں نے خیبر پختونخواہ حق حصول خدمات کے قانون سے متعلق آگہی سیمینار سے خطاب کے دوران کیا، سیمینار سے رائیٹ ٹو پبلک سروسز کمشن کے چیف کمشنر عظمت حنیف خان اورکزئی، ڈپٹی کمشنر نثار محمد خان نے بھی خطاب کیا، کمشنر رائیٹ ٹو سروسز سلیم خان، ایڈ من آفیسر مجیب الرحمان خان کے علاوہ ڈی پی اوڈیرہ صادق حسین بلوچ ‘سرکاری محکمہ جات کے حکام، اہلکاروں، معززین شہر، خواتین اور طلبہ کی بڑی تعداد سیمینار میں موجود تھی، صوبائی وزیر مال نے کہا کہ عمران خان نے سترہ سال اس ملک میں نظام بدلنے اور عوام کو استحصالی طبقات سے نجات دلانے کی جدو جہد کی ہے، یہ ایک مسلمہ حقیقت ہے کہ ماضی میں سیاسی مداخلت نے اداروں کی کارکردگی کو بری طرح متاثر کیا اور ادارے عوام کے خادم بننے کے بجائے عوام کے حاکم اور عوام کے لیئے مشکلات کا باعث بننے لگے، صوبائی حکومت نے اپنی اولین توجہ صوبہ میں عوام کو سہولیات کی فراہمی پر مرکوز کی،ا س ضمن میں صوبہ میں عوامی بہبود سے متعلق تیس قوانین کی منظوری دی گئی جس میں محکمہ جات کی خدمات کو عوام کے لیئے یقینی بنانا بھی شامل ہے ، انہوں نے کہا کہ گڈ گورننس کے بغیر کوئی بھی حکومت عوامی توقعات پر پورا نہیں اتر سکتی، پولیس اور محکمہ مال میں کرپشن کا رونا اس لیئے بھی زیادہ رویا جاتا ہے کہ وہاں عوام اپنی جیب سے رشوت دیتے ہیں مگر عوام ملک لوٹنے والے دیگر لٹیرے محکموں کی کرپشن پر اس لیئے خاموشی اختیار کرلیے ہیں کہ وہاں کرپشن عوام کی زاتی جیب پر ڈاکہ مار کر نہیں کی جاتی شہریوں کو یہ سوچ بدلنی ہوگی، سرکاری محکمہ جات میں سرکاری فنڈز میں کرپشن بھی عوام کے حقوق پر ڈاکہ ڈالنے کے مترادف ہے اور صوبائی حکومت براہ راست یا بلواسطہ ہر قسم کی کرپشن کی روک تھام کے لیئے کوشاں ہے، انہوں نے کہا کہ سرکاری ملازمین بھی ہمارے ہی بھائی ہیں، ہم اس حوالے سے قانون سازی کررہے ہیں کہ کسی بھی افسر کو اس بات کا ڈر نہ ہو کہ اگر اس نے ایم پی اے یا وزیر کی بات نہ مانی تو اسے ٹرانسفر کردیا جائے گا جب افسران سیاسی افراد کے دباؤ سے آزاد نہیں ہوں گے وہ عوام کی درست انداز میں خدمت نہیں کرسکیں گے، انہوں نے کہا کہ عوام انفرادی سوچ سے باہر نکل کر اجتماعی سوچ اپنائیں، کرپشن اور بد عنوانی کی نشاندہی کریں، انہوں نے کہا کہ اس ملک میں یہ روایت ڈالی گئی کہ صدر، وزیر اعظم، وزراء ، بااثر افراد کروڑوں روپے کی کرپشن کرکے معافی مانگ لیں تو ان کو معاف کردیا جاتا ہے اور ایک سپاہی یا پٹواری کو پانچ سو پرپھانسی لگانے کی باتیں کی جاتی ہیں، جب تک عوام کو ان کے حقوق نہیں ملیں گے بہتری کی توقع نہیں رکھنی چاہیے، انہوں نے کہا کہ گذشتہ دو سال کے عرصہ میں محنت کے بعد ہمیں محنتی، مخلص افسران مل رہے ہیں، اضلاع میں محنتی افسران کو ڈھونڈ ڈھونڈ کر تعینات کیا جا رہا ہے انشاء اللہ مستقبل میں اس ضمن میں مذید بہتری عوام کو دیکھنے میں ملے گی، انہوں نے کہا کہ سرکاری اہلکار یہ بات زہن نشین کرلیں کہ آج وہ ملک اور قوم کے لیئے جتنی ایمانداری سے کام کریں گے اس کے ثمرات ان کے بچوں کو ملیں گے، تقریب سے خطاب کرتے ہوئے چیف کمشنر عظمت حنیف اورکزئی نے کہا کہ ہر سرکاری محکمہ عوام کی خدمت کا پابند ہے، صوبائی حکومت نے محکمہ جات کو عوام کے لیے مفید بنانے کے لیئے مختصر عرصہ میں بہترین قوانین بنانے جن میں سرکاری محکمہ جات سے عوام کے لیئے خدمات کا حصول بھی شامل ہے، انہوں نے کہا کہ صوبائی حکومت کے قوانین سرکاری اداروں پر عوام کے ختم ہونے والے اعتماد کی بحالی میں بنیادی کردار ادا کریں گے، انہوں نے کہا کہ ابتداء میں پانچ محکمہ جات پر یہ قانون لاگو کیا گیا تھا جو اب آٹھ محکمہ جات تک توسیع حاصل کرچکا ہے اس میں مزید وسعت بھی لائی جائے گی ، انہوں نے کہا کہ اس ضمن میں پورے صوبے میں آگہی مہم بھی چلائی جا رہی ہے جبکہ ہر ضلع میں دفاتر بھی قائم کئے جائیں گے، انہوں نے کہا کہ پولیس ، محکمہ صحت، محکمہ مال، میونسپل کمیٹی وغیر ہ کو اس بات کا پابند بنایا جا رہا ہے کہ وہ اس قانون کے تحت عوام کے لیئے اپنی خدمات کویقینی بنائیں ، اس موقع پر شرکاء کی جانب سے پوچھے گئے متعدد سوالات کے جوابات بھی دئیے گئے۔
ڈیرہ اسماعیل خان میں شائع ہونے والی مزید خبریں
ڈی پی او ڈیرہ ناصر محمود کا دور افتادہ تھانہ چودھوان کا دورہ
ضمنی انتخاب حلقہ این اے 44 ڈیرہ اسماعیل خان 1 پر 21 اپریل کو ضمنی الیکشن ہونگے
موٹر سائیکل چوری کی متعدد وارداتوں میں ملوث چھ رکنی گینگ گرفتار
فوڈ سیفٹی آفیسرز کا شہر کے مختلف بازاروں کا دورہ ،مختلف دکانوں کی چیکنگ
ڈویژنل انتظامیہ نے حالیہ بارشوں کے حوالے سے متعلقہ ضلعی انتظامیہ ڈیرہ کو اہدایات جاری کردیں ، کمشنرڈیرہ
تھانہ ڈیرہ ٹائون کی حدود کوٹلہ سیدان کے قریب ڈیرہ درابن روڈ پر ٹریفک حادثہ، بچہ جاں بحق
ڈی پی او ڈیرہ کا پروآ سرکل کا دورہ،تھانہ گومل یونیورسٹی اور تھانہ پروآ کا معائنہ کیا
ڈویژنل انتظامیہ نے حالیہ بارشوں کے حوالے سے متعلقہ ضلعی انتظامیہ ڈیرہ ، ٹانک ا ور وزیرستان اپر و لوئر ..
زراعت ودیہی ترقی کو سائنسی بنیادوں پر استوار کرنے کیلئے زرعی ماہرین و سائنسدانوں کو مربوط کاوشیں عمل ..
ڈیرہ اسماعیل خان: پولیس کا منشیات فروش کے گھر پر چھاپہ، لاکھوں روپے مالیت کی منشیات آمد
ایس ایچ او گومل یونیورسٹی کی کامیاب کاروائی،قتل کے مقدمہ میں مطلوب مجرم گرفتار
ڈی پی او ڈیرہ اسماعیل خان کی زیر صدارت آمدہ ضمنی انتخابات کے حوالے سے اہم اجلاس کا انعقاد
ڈیرہ اسماعیل خان سے متعلقہ
پاکستان کی تازہ ترین خبریں
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری
-
صرف 2 گیندوں بعد ہی میچ ختم
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
پی ٹی آئی رہنماء نے الزام لگایا کہ سعودی امداد چوروں کو مضبوط کرنے کی کڑی ہے
-
وفاقی وزیرداخلہ محسن نقوی کی ڈیرہ اسماعیل خان کے علاقے میں کسٹم اہلکاروں پر فائرنگ کے واقعہ کی مذمت
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند