چکوال: دو کم عمر لڑکیوں کا ریپ ، ملزمان گرفتار
تازہ ترین : 1

چکوال: دو کم عمر لڑکیوں کا ریپ ، ملزمان گرفتار

ایک بچی کو اس کے سوتیلے والد ، دوسری کو قریبی رشتہ دار نے ہوس کا نشانہ بنایا ، ملزمان نے اعتراف جرم کرلیا ، پولیس

چکوال: دو کم عمر لڑکیوں کا ریپ ، ملزمان گرفتار
چکوال (اُردو پوائنٹ اخبارتازہ ترین۔ 17 اگست2017ء) صوبہ پنجاب کے شہر چکوال میں دو کم عمر لڑکیوں کو ان کے اپنے ہی قریبی رشتہ داروں نے ریپ کا نشانہ بنایا جنہیں گرفتار کرلیا گیا۔پولیس حکام کا کہنا ہے کہ چکوال سے متصل خائیوال گاں کی ایک 8 سالہ بچی کو اس کے سوتیلے والد نے جنسی تشدد کا نشانہ بنایا۔پولیس نے بتایا کہ یہ واقعہ 13 اگست کو پیش آیا، لیکن صدمے سے دوچار خاندان نے ملزم اور علاقے کے بااثر افراد کے دبا کی وجہ سے رپورٹ میں تاخیر کی اور اس واقعے کی رپورٹ گذشتہ روز (16 اگست کو) درج کرائی گئی۔

پولیس کا کہنا ہے کہ اس جرم کا ارتکاب کرنے والے شخص کو گرفتار کرلیا گیا اور اس نے اپنے جرم کا اعتراف بھی کرلیا۔ملزم راولپنڈی میں ایک سیکیورٹی فراہم کرنے والی کمپنی کے ساتھ بطور گارڈ ملازمت کرتا ہے اور اس نے متاثرہ بچی کی والدہ سے 3 سال قبل ہی شادی کی تھی۔اسٹیشن ہاس افسر (ایس ایچ او) تھانہ صدر نے تصدیق کی کہ ملزم کو گرفتار کر لیا گیا۔

ان کا مزید کہنا تھا کہ ملزم نے اپنا جرم قبول کرلیا ہے لیکن پھر بھی مزید کارروائی کے لیے میڈیکل رپورٹ کا انتظار کیا جارہا ہے۔چکوال شہر میں اسی طرح کا ایک اور واقعہ پیش آیا جہاں ایک 12 سالہ بچی کو اس کے قریبی رشتہ دار نے ریپ کا نشانہ بنایا۔ملزم متاثرہ بچی کو اپنے ساتھ مظفر گڑھ لے گیا جہاں اس نے لڑکی کو ریپ کا نشانہ بنایا، بعد ازاں بچی کے والدین نے اپنی مدد آپ کے تحت اپنی بیٹی کو تلاش کیا اور ملزم کو پکڑ کر مقامی پولیس کے حوالے کردیا۔

ملزم ایک شادی شدہ شخص ہے جس نے اپنی 12 سالہ رشتہ دار بچی کے ساتھ ریپ کرنے کا اعتراف بھی کرلیا۔اسٹیشن ہاس افسر (ایس ایچ او) تھانہ کاظم آباد زراعت بلوچ کا کہنا تھا کہ لڑکی کی میڈیکل رپورٹ سے تصدیق ہوئی ہے کہ اسے ریپ کا نشانہ بنایا گیا۔

مزید متعلقہ خبریں پڑھئیے‎ :

وقت اشاعت : 17/08/2017 - 16:06:42

اس خبر پر آپ کی رائے‎

متعلقہ عنوان :