آزادی اپنے آپ کو قانون کا پابند کرنے کا درس دیتی ہے، ڈپٹی کمشنر ڈاکٹر عمر جہانگیر

پیر 14 اگست 2017 21:46

چکوال(اُردو پوائنٹ اخبارتازہ ترین - آئی این پی۔ 14 اگست2017ء) ڈپٹی کمشنر ڈاکٹر عمر جہانگیر نے کہا ہے کہ آزادی اپنے آپ کو قانون کا پابند کرنے کا درس دیتی ہے، ہم سب کے اندر ایک محمد علی جناح موجود ہے ہمیں اس کو اجاگر کرنے کی ضرورت ہے۔ بروز پیر ان خیالات کا اظہار انہوں نے پیر کے روز گورنمنٹ گرلز کالج چکوال میں آزادی کی اہمیت کے موضوع پر جشن آزادی کے حوالے سے ایک سیمینار سے خطاب کرتے ہوئے کیا۔

(جاری ہے)

سیمینار میں ایڈیشنل ڈپٹی کمشنر جنرل چکوال، ایڈیشنل ڈپٹی کمشنر ریونیو، ڈپٹی ڈائریکٹر جنرل کالجز، اسسٹنٹ کمشنرز، ڈی او مانیٹرنگ، پرنسپل گورنمنٹ گرلزکالج چکوال کے علاوہ پروفیسرز اور طالبات کی ایک کثیر تعداد شریک تھی۔ڈپٹی کمشنر نے مزید کہا کہ کالج کی صفائی اور غیر نصابی سرگرمیوں میں دن بدن بہتری سے انہیں خوشی ہوئی ہے۔ 14اگست پاکستانیوں کیلئے ایک بڑا اہم اور تاریخی ن ہے۔

انہوں نے پرنسپل کو ہدایت کی کہ وہ تحریک آزادی کے دیگر مشاہیر کی تصاویر کو گیلری کا حصہ بنائیں، سیمینار میں طالبات نے جشن آزادی کے حوالے سے قومی و ملی نغمے اور تقاریر کیں جنہیں بہت سراہا گیا۔سیمینار سے ڈپٹی ڈائریکٹر کالجز، پرنسپل اور اساتذہ نے یوم آزادی کے حوالے سے اپنے اپنے خیالات کااظہار کیا۔