تحریک انصاف کے سب سے تگڑے گروپ نے بغاوت کردی

پی ٹی آئی کا ٹکٹ ملے نہ ملے ہم ہر صورت الیکشن میں حصہ لیں گے، چوہدری نذیر جٹ میں پارٹی کے کسی پارلیمانی بورڈ یا اسحاق خاں خاکوانی کو نہیں مانتا میرا رابطہ براہ راست عمران خان سے ہے انہوں نے ٹکٹ دیا پھر بھی اگر نہ دیا تو پھر بھی ہمارا گروپ قومی اسمبلی کی دو اور صوبائی اسمبلی کی دو نشستوں پر الیکشن میں بھرپور حصہ لے گا، صحافیوں سے گفتگو

جمعرات 7 جون 2018 22:10

تحریک انصاف کے سب سے تگڑے گروپ نے بغاوت کردی

بورے والا :(اُردو پوائنٹ اخبارتازہ ترین - آئی این پی۔ 07 جون2018ء) پی ٹی آئی کے راہنماء سابق ایم این اے چوہدری نذیر احمد جٹ نے کہا ہے کہ پی ٹی آئی کا ٹکٹ ملے نہ ملے ہم ہر صورت الیکشن میں حصہ لیں گے میں پارٹی کے کسی پارلیمانی بورڈ یا اسحاق خاں خاکوانی کو نہیں مانتا میرا رابطہ براہ راست عمران خان سے ہے انہوں نے ٹکٹ دیا پھر بھی اگر نہ دیا تو پھر بھی ہمارا گروپ قومی اسمبلی کی دو اور صوبائی اسمبلی کی دو نشستوں پر الیکشن میں بھرپور حصہ لے گا این اے 163سے اسحاق خاں خاکوانی کے مقابلہ میںمیں خود اور میری بیٹی عارفہ نذیر جٹ این اے 162سے عائشہ نذیر جٹ ،پی پی 230سے انکے پینل میں عبدالحمید بھٹی سابق ایم پی اے اور پی پی 229سے امیدوار ہونگا ان خیالات کا اظہار انہوں نے مقامی صحافیوں سے گفتگو کرتے ہوئے کیا انہوں نے کہا کہ میرا اللہ تعالیٰ کی ذات پر مکمل بھروسا ہے اور اگر اللہ کو ہماری کامیابی منظور نہ ہوئی تو عمران خان کا ٹکٹ بھی ہمیں کامیاب نہیں کرواسکتا میں نے آج تک جو بھی فیصلہ کیا ہے اپنی سوچ کے مطابق کیا ہے دلچسپ امر یہ ہے کہ چوہدری نذیر احمد جٹ جعلی ڈگری کیس میں نااہل ہونے کے باوجود الیکشن میں حصہ لینے کا دعوی کر رہے ہیں۔