تازہ ترین : 1
تازہ ترین خبریں (2016-11-03)
پاناما اسکینڈل تمام نظریں سپریم کورٹ پر- وزیراعظم نوازشریف سمیت ملک کی کئی اعلی سیاسی شخصیات کا مستقبل عدالت کے ہاتھ میں ہے-اعلی عدلیہ کی مداخلت سکینڈل پر غیر جانبدارانہ تحقیقات کے لیے عمران خان کی مضبوط مہم کی فتح ہے- پی ٹی آئی کی اخلاقی فتح شریف حکومت کے لیے اچھا شگون ثابت نہیں ہوگی۔عمران خان دارالحکومت بند کرنے میں کامیاب نہ ہوئے ہوں، مگر بوکھلائی ہوئی انتظامیہ نے اسلام آباد بند کرکے دکھا دیا۔ نواز شریف کے اپنے اعصاب پر قابو کھو دینے کے پیچھے وجہ ان کی سیاسی قوت کا مرکز داو پر لگنا ہے۔ عمران خان ان کے لیے مزید خطرناک دشمن اس لیے بھی ہیں کیوں کہ وہ پنجاب کی اسٹیبلشمنٹ - جو تین دہائیوں سے صوبے میں شریف خاندان کے سیاسی اثر و رسوخ کے پیچھے حقیقی طاقت ہے کو تقسیم کر دینا چاہتے ہیں۔ تجزیاتی رپورٹ پاناما اسکینڈل کے حل کے لیے اب تمام نظریں سپریم کورٹ کی پانچ رکنی بینچ پر مرکوز ہیں۔بلاشبہ ملک کی سب سے بڑی عدالت کے لیے یہ معاملہ ایک بڑا ہی سنجیدہ چیلنج ہے۔ اس مسئلے نے ایک ایسا سیاسی طوفان پیدا کر دیا ہے جس سے موجودہ سیاسی نظام درہم برہم ہونے کا خطرہ لاحق ہے۔پہلے تو عدالت اس معاملے سے پیچھے رہی، مگر متعلقہ ریاستی اداروں کی جانب سے اسکینڈل، جس میں وزیر اعظم کا گھرانہ شامل ہے، کے معاملے پر کارروائی میں ناکامی کے بعد بالآخر چیف جسٹس انور ظہیر جمالی نے مداخلت کا فیصلہ کر لیا ہے۔ اس کیس کا نتیجہ ہی ملک کے سیاسی مستقل کی راہ متعین کرے گا۔ مگر اب بھی اس معاملے ... مزید