حاکم اور محکوم

"اعمالُکم عُمّالُکم" (تمہارے اعمال تمہارے حاکم ہیں) کی تشریح دورِ ملوکیت میں "جیسے عوام ویسے حکمران" کہہ کر اس مقصد کیلئے کی گئی کہ عوام سے حکمرانوں کی عیش و عشرت کی بابت پوچھنے کی اخلاقی جرات چھین لی جائے اور ان کے ہاتھ حکمرانوں  کے ایوانوں اور گریبانوں تک نہ پہنچ سکیں۔ حالانکہ یہ اصول انفرادی اصلاح کیلئے ہے۔ اجتماعی اصول یہ ہے کہ "الناس علی دینِ ملوکھم" (لوگ اپنے حکمرانوں کے دین پر ہوتے ہیں)۔

۔۔۔۔ اور اس کی سندِ مزید یہ ہے کہ " تم میں سے ہر شخص راعی ہے اور اس کی رعیت کے بارے میں اس سے سوال کیا جائے گا"۔

(جاری ہے)

جب اصلاح اوپر کی منزل سے شروع ہوتی ہے تو زیریں طبقے از خود اصلاح کا زینہ اور قرینہ ڈھونڈ لیتے ہیں۔ کسی شعبے کا سربراہ اگر دیانتدار ہے تو اس کا عملہ بددیانت ہونا افورڈ نہیں کر سکتا۔ اگر حکمران بددیانت ہوں تو عوام کو امانتوں میں خیانت کی سند اور نظیر مل جاتی ہے۔ انصاف اوپر سے، اور احسان نیچے سے شروع کیا جائے تو ہی اجتماعی طور پر درجہِ عدل تک رسائی ممکن ہے، بصورتِ دیگر انصاف کا بلڈوزر عوام کو کچلنے کیلئے اور احسان کا گلدستہ حکمرانوں کو نوازنے کیلئے استمعال ہوتا ہے۔۔۔۔۔ اور قانون کی کتابوں میں اس ظلم کا قانونی جواز تلاش کیا جاتا ہے!!

ادارہ اردوپوائنٹ کا مضمون نگار کی رائے سے متفق ہونا ضروری نہیں ہے۔