برداشت

تحریر: حارث نواز

ﺻﺪﺭ ﺍﯾﻮﺏ ﺧﺎﻥ ﭘﺎﮐﺴﺘﺎﻥ ﮐﮯ ﭘﮩﻠﮯ ﻣﻠﭩﺮﯼ ﮈﮐﭩﯿﭩﺮ ﺗﮭﮯ، ﻭﮦ ﺭﻭﺯﺍﻧﮧ ﺳﮕﺮﯾﭧ ﮐﮯ ﺩﻭ ﺑﮍﮮ ﭘﯿﮑﭧ ﭘﯿﺘﮯ ﺗﮭﮯ، ﺭﻭﺯ ﺻﺒﺢ ﺍﻥ ﮐﺎ ﺑﭩﻠﺮ ﺳﮕﺮﯾﭧ ﮐﮯ ﺩﻭ ﭘﯿﮑﭧ ﭨﺮﮮ ﻣﯿﮟ ﺭﮐﮫ ﮐﺮ ﺍﻥ ﮐﮯ ﺑﯿﮉ ﺭﻭﻡ ﻣﯿﮟ ﺁ ﺟﺎﺗﺎ ﺗﮭﺎ ﺍﻭﺭ ﺻﺪﺭ ﺍﯾﻮﺏ ﺳﮕﺮﯾﭧ ﺳﻠﮕﺎ ﮐﺮ ﺍﭘﻨﯽ ﺻﺒﺢ ﮐﺎ ﺁﻏﺎﺯ ﮐﺮﺗﮯ ﺗﮭﮯ، ﻭﮦ ﺍﯾﮏ ﺩﻥ ﻣﺸﺮﻗﯽ ﭘﺎﮐﺴﺘﺎﻥ ﮐﮯ ﺩﻭﺭﮮ ﭘﺮ ﺗﮭﮯ، ﻭﮨﺎﮞ ﺍﻥ ﮐﺎ ﺑﻨﮕﺎﻟﯽ ﺑﭩﻠﺮ ﺍﻧﮩﯿﮟ ﺳﮕﺮﯾﭧ ﺩﯾﻨﺎ ﺑﮭﻮﻝ ﮔﯿﺎ، ﺟﻨﺮﻝ ﺍﯾﻮﺏ ﺧﺎﻥ ﮐﻮ ﺷﺪﯾﺪ ﻏﺼﮧ ﺁﯾﺎ ﺍﻭﺭ ﺍﻧﮩﻮﮞ ﻧﮯ ﺑﭩﻠﺮ ﮐﻮ ﮔﺎﻟﯿﺎﮞ ﺩﯾﻨﺎ ﺷﺮﻭﻉ ﮐﺮ ﺩﯾﮟ۔

ﺟﺐ ﺍﯾﻮﺏ ﺧﺎﻥ ﮔﺎﻟﯿﺎﮞ ﺩﮮ ﺩﮮ ﮐﺮ ﺗﮭﮏ ﮔﺌﮯ ﺗﻮ ﺑﭩﻠﺮ ﻧﮯ ﺍﻧﮩﯿﮟ ﻣﺨﺎﻃﺐ ﮐﺮ ﮐﮯ ﮐﮩﺎ ’’ﺟﺲ ﮐﻤﺎﻧﮉﺭ ﻣﯿﮟ ﺍﺗﻨﯽ ﺑﺮﺩﺍﺷﺖ ﻧﮧ ﮨﻮ ﻭﮦ ﻓﻮﺝ ﮐﻮ ﮐﯿﺎ ﭼﻼﺋﮯ ﮔﺎ، ﻣﺠﮭﮯ ﭘﺎﮐﺴﺘﺎﻧﯽ ﻓﻮﺝ ﺍﻭﺭ ﺍﺱ ﻣﻠﮏ ﮐﺎ ﻣﺴﺘﻘﺒﻞ ﺧﺮﺍﺏ ﺩﮐﮭﺎﺋﯽ ﺩﮮ ﺭﮨﺎ ﮨﮯ‘‘۔

(جاری ہے)

ﺑﭩﻠﺮ ﮐﯽ ﺑﺎﺕ ﺍﯾﻮﺏ ﺧﺎﻥ ﮐﮯ ﺩﻝ ﭘﺮ ﻟﮕﯽ، ﺍﻧﮩﻮﮞ ﻧﮯ ﺍﺳﯽ ﻭﻗﺖ ﺳﮕﺮﯾﭧ ﺗﺮﮎ ﮐﺮ ﺩﯾﺎ ﺍﻭﺭ ﭘﮭﺮ ﺑﺎﻗﯽ ﺯﻧﺪﮔﯽ ﺳﮕﺮﯾﭧ ﮐﻮ ﮨﺎﺗﮫ ﻧﮧ ﻟﮕﺎﯾﺎ۔

ﺁﭖ ﻧﮯ ﺭﺳﺘﻢ ﺯﻣﺎﻥ ﮔﺎﻣﺎ ﭘﮩﻠﻮﺍﻥ ﮐﺎ ﻧﺎﻡ ﺳﻨﺎ ﮨﻮﮔﺎ۔ ﮨﻨﺪﻭﺳﺘﺎﻥ ﻧﮯ ﺁﺝ ﺗﮏ ﺍﺱ ﺟﯿﺴﺎ ﺩﻭﺳﺮﺍ ﭘﮩﻠﻮﺍﻥ ﭘﯿﺪﺍ ﻧﮩﯿﮟ ﮐﯿﺎ، ﺍﯾﮏ ﺑﺎﺭ ﺍﯾﮏ ﮐﻤﺰﻭﺭ ﺳﮯ ﺩﮐﺎﻧﺪﺍﺭ ﻧﮯ ﮔﺎﻣﺎ ﭘﮩﻠﻮﺍﻥ ﮐﮯ ﺳﺮ ﻣﯿﮟ ﻭﺯﻥ ﮐﺮﻧﮯ ﻭﺍﻻ ﺑﺎﭦ ﻣﺎﺭ ﺩﯾﺎ۔ ﮔﺎﻣﮯ ﮐﮯ ﺳﺮ ﺳﮯ ﺧﻮﻥ ﮐﮯ ﻓﻮﺍﺭﮮ ﭘﮭﻮﭦ ﭘﮍﮮ، ﮔﺎﻣﮯ ﻧﮯ ﺳﺮ ﭘﺮ ﻣﻔﻠﺮ ﻟﭙﯿﭩﺎ ﺍﻭﺭ ﭼﭗ ﭼﺎﭖ ﮔﮭﺮ ﻟﻮﭦ ﮔﯿﺎ۔

ﻟﻮﮔﻮﮞ ﻧﮯ ﮐﮩﺎ ’’ﭘﮩﻠﻮﺍﻥ ﺻﺎﺣﺐ ﺁﭖ ﺳﮯ ﺍﺗﻨﯽ ﮐﻤﺰﻭﺭﯼ ﮐﯽ ﺗﻮﻗﻊ ﻧﮩﯿﮟ ﺗﮭﯽ، ﺁﭖ ﺩﮐﺎﻧﺪﺍﺭ ﮐﻮ ﺍﯾﮏ ﺗﮭﭙﮍ ﻣﺎﺭ ﺩﯾﺘﮯ ﺗﻮ ﺍﺱ ﮐﯽ ﺟﺎﻥ ﻧﮑﻞ ﺟﺎﺗﯽ‘‘۔ ﮔﺎﻣﮯ ﻧﮯ ﺟﻮﺍﺏ ﺩﯾﺎ ’’ﻣﺠﮭﮯ ﻣﯿﺮﯼ ﻃﺎﻗﺖ ﻧﮯ ﭘﮩﻠﻮﺍﻥ ﻧﮩﯿﮟ ﺑﻨﺎﯾﺎ، ﻣﯿﺮﯼ ﺑﺮﺩﺍﺷﺖ ﻧﮯ ﭘﮩﻠﻮﺍﻥ ﺑﻨﺎﯾﺎ ﮨﮯ ﺍﻭﺭ ﻣﯿﮟ ﺍﺱ ﻭﻗﺖ ﺗﮏ ﺭﺳﺘﻢ ﺯﻣﺎﻥ ﺭﮨﻮﮞ ﮔﺎ ﺟﺐ ﺗﮏ ﻣﯿﺮﯼ ﻗﻮﺕ ﺑﺮﺩﺍﺷﺖ ﻣﯿﺮﺍ ﺳﺎﺗﮫ ﺩﮮ ﮔﯽ‘‘۔

ﻗﻮﺕ ﺑﺮﺩﺍﺷﺖ ﻣﯿﮟ ﭼﯿﻦ ﮐﮯ ﺑﺎﻧﯽ ﭼﯿﺌﺮﻣﯿﻦ ﻣﺎﺅﺯﮮ ﺗﻨﮓ ﺍﭘﻨﮯ ﺩﻭﺭ ﮐﮯ ﺗﻤﺎﻡ ﻟﯿﮉﺭﺯ ﺳﮯ ﺁﮔﮯ ﺗﮭﮯ، ﻭﮦ 75 ﺳﺎﻝ ﮐﯽ ﻋﻤﺮ ﻣﯿﮟ ﺳﺮﺩﯾﻮﮞ ﮐﯽ ﺭﺍﺕ ﻣﯿﮟ ﺩﺭﯾﺎﺋﮯ ﺷﻨﮕﮭﺎﺋﯽ ﻣﯿﮟ ﺳﻮﺋﻤﻨﮓ ﮐﺮﺗﮯ ﺗﮭﮯ ﺍﻭﺭ ﺍﺱ ﻭﻗﺖ ﭘﺎﻧﯽ ﮐﺎ ﺩﺭﺟﮧ ﺣﺮﺍﺭﺕ ﻣﻨﻔﯽ ﺩﺱ ﮨﻮﺗﺎ ﺗﮭﺎ۔ ﻣﺎﺅ ﺍﻧﮕﺮﯾﺰﯼ ﺯﺑﺎﻥ ﮐﮯ ﻣﺎﮨﺮ ﺗﮭﮯ ﻟﯿﮑﻦ ﺍﻧﮩﻮﮞ ﻧﮯ ﭘﻮﺭﯼ ﺯﻧﺪﮔﯽ ﺍﻧﮕﺮﯾﺰﯼ ﮐﺎ ﺍﯾﮏ ﻟﻔﻆ ﻧﮩﯿﮟ ﺑﻮﻻ۔

ﺁﭖ ﺍﻥ ﮐﯽ ﻗﻮﺕ ﺑﺮﺩﺍﺷﺖ ﮐﺎ ﺍﻧﺪﺍﺯﺍ ﻟﮕﺎﺋﯿﮯ ﮐﮧ ﺍﻧﮩﯿﮟ ﺍﻧﮕﺮﯾﺰﯼ ﻣﯿﮟ ﻟﻄﯿﻔﮧ ﺳﻨﺎﯾﺎ ﺟﺎﺗﺎ ﺗﮭﺎ، ﻭﮦ ﻟﻄﯿﻔﮧ ﺳﻤﺠﮫ ﺟﺎﺗﮯ ﺗﮭﮯ ﻟﯿﮑﻦ ﺧﺎﻣﻮﺵ ﺭﮨﺘﮯ ﺗﮭﮯ، ﺑﻌﺪﺍﺯﺍﮞ ﺟﺐ ﻣﺘﺮﺟﻢ ﺍﺱ ﻟﻄﯿﻔﮯ ﮐﺎ ﺗﺮﺟﻤﮧ ﮐﺮﺗﺎ ﺗﮭﺎ ﺗﻮ ﻭﮦ ﺩﻝ ﮐﮭﻮﻝ ﮐﺮ ﮨﻨﺴﺘﮯ ﺗﮭﮯ۔

ﻗﻮﺕ ﺑﺮﺩﺍﺷﺖ ﮐﺎ ﺍﯾﮏ ﻭﺍﻗﻌﮧ ﮨﻨﺪﻭﺳﺘﺎﻥ ﮐﮯ ﭘﮩﻠﮯ ﻣﻐﻞ ﺑﺎﺩﺷﺎﮦ ﻇﮩﯿﺮ ﺍﻟﺪﯾﻦ ﺑﺎﺑﺮ ﺑﮭﯽ ﺳﻨﺎﯾﺎ ﮐﺮﺗﮯ ﺗﮭﮯ۔

ﻭﮦ ﮐﮩﺘﮯ ﺗﮭﮯ ﺍﻧﮩﻮﮞ ﻧﮯ ﺯﻧﺪﮔﯽ ﻣﯿﮟ ﺻﺮﻑ ﮈﮬﺎﺋﯽ ﮐﺎﻣﯿﺎﺑﯿﺎﮞ ﺣﺎﺻﻞ ﮐﯽ ﮨﯿﮟ۔ ﺍﻥ ﮐﯽ ﭘﮩﻠﯽ ﮐﺎﻣﯿﺎﺑﯽ ﺍﯾﮏ ﺍﮊﺩﮬﮯ ﮐﮯ ﺳﺎﺗﮫ ﻟﮍﺍﺋﯽ ﺗﮭﯽ، ﺍﯾﮏ ﺟﻨﮕﻞ ﻣﯿﮟ ﺑﯿﺲ ﻓﭧ ﮐﮯ ﺍﯾﮏ ﺍﮊﺩﮬﮯ ﻧﮯ ﺍﻧﮩﯿﮟ ﺟﮑﮍ ﻟﯿﺎ ﺍﻭﺭ ﺑﺎﺑﺮ ﮐﻮ ﺍﭘﻨﯽ ﺟﺎﻥ ﺑﭽﺎﻧﮯ ﮐﯿﻠﺌﮯ ﺍﺱ ﮐﮯ ﺳﺎﺗﮫ ﺑﺎﺭﮦ ﮔﮭﻨﭩﮯ ﺍﮐﯿﻠﮯ ﻟﮍﻧﺎ ﭘﮍﺍ۔

ﺍﻥ ﮐﯽ ﺩﻭﺳﺮﯼ ﮐﺎﻣﯿﺎﺑﯽ ﺧﺎﺭﺵ ﺗﮭﯽ۔ ﺍﻧﮩﯿﮟ ﺍﯾﮏ ﺑﺎﺭﺧﺎﺭﺵ ﮐﺎ ﻣﺮﺽ ﻻﺣﻖ ﮨﻮﮔﯿﺎ، ﺧﺎﺭﺵ ﺍﺱ ﻗﺪﺭ ﺷﺪﯾﺪ ﺗﮭﯽ ﮐﮧ ﻭﮦ ﺟﺴﻢ ﭘﺮ ﮐﻮﺋﯽ ﮐﭙﮍﺍ ﻧﮩﯿﮟ ﭘﮩﻦ ﺳﮑﺘﮯ ﺗﮭﮯ۔ ﺑﺎﺑﺮ ﮐﯽ ﺍﺱ ﺑﯿﻤﺎﺭﯼ ﮐﯽ ﺧﺒﺮ ﭘﮭﯿﻠﯽ ﺗﻮ ﺍﻥ ﮐﺎ ﺩﺷﻤﻦ ﺷﺒﺎﻧﯽ ﺧﺎﻥ ﺍﻥ ﮐﯽ ﻋﯿﺎﺩﺕ ﮐﯿﻠﺌﮯ ﺁ ﮔﯿﺎ۔ ﯾﮧ ﺑﺎﺑﺮ ﮐﯿﻠﺌﮯ ﮈﻭﺏ ﻣﺮﻧﮯ ﮐﺎ ﻣﻘﺎﻡ ﺗﮭﺎ ﮐﮧ ﻭﮦ ﺑﯿﻤﺎﺭﯼ کی ﺣﺎﻟﺖ ﻣﯿﮟ ﺍﭘﻨﮯ ﺩﺷﻤﻦ ﮐﮯ ﺳﺎﻣﻨﮯ ﺟﺎﺋﮯ۔

ﺑﺎﺑﺮ ﻧﮯ ﻓﻮﺭﺍً ﭘﻮﺭﺍ ﺷﺎﮨﯽ ﻟﺒﺎﺱ ﭘﮩﻨﺎ ﺍﻭﺭ ﺑﻦ ﭨﮭﻦ ﮐﺮ ﺷﺒﺎﻧﯽ ﺧﺎﻥ ﮐﮯ ﺳﺎﻣﻨﮯ ﺑﯿﭩﮫ ﮔﯿﺎ، ﻭﮦ ﺁﺩﮬﺎ ﺩﻥ ﺷﺒﺎﻧﯽ ﺧﺎﻥ ﮐﮯ ﺳﺎﻣﻨﮯ ﺑﯿﭩﮭﮯ ﺭﮨﮯ، ﭘﻮﺭﮮ ﺟﺴﻢ ﭘﺮ ﺷﺪﯾﺪ ﺧﺎﺭﺵ ﮨﻮﺋﯽ ﻟﯿﮑﻦ ﺑﺎﺑﺮ ﻧﮯ ﺧﺎﺭﺵ ﻧﮩﯿﮟ ﮐﯽ۔ ﺑﺎﺑﺮ ﺍﻥ ﺩﻭﻧﻮﮞ ﻭﺍﻗﻌﺎﺕ ﮐﻮ ﺍﭘﻨﯽ ﺩﻭ ﺑﮍﯼ ﮐﺎﻣﯿﺎﺑﯿﺎﮞ ﻗﺮﺍﺭ ﺩﯾﺘﺎ ﺗﮭﺎ ﺍﻭﺭ ﺁﺩﮬﯽ ﺩﻧﯿﺎ ﮐﯽ ﻓﺘﺢ ﮐﻮ ﺍﭘﻨﯽ ﺁﺩﮬﯽ ﮐﺎﻣﯿﺎﺑﯽ ﮐﮩﺘﺎ ﺗﮭﺎ۔

ﺩﻧﯿﺎ ﻣﯿﮟ ﻟﯿﮉﺭﺯ ﮨﻮﮞ، ﺳﯿﺎﺳﺘﺪﺍﻥ ﮨﻮﮞ، ﺣﮑﻤﺮﺍﻥ ﮨﻮﮞ، ﭼﯿﻒ ﺍﯾﮕﺰﯾﮑﭩﻮ ﮨﻮﮞ ﯾﺎ ﻋﺎﻡ ﺍﻧﺴﺎﻥ، ﺍﻥ ﮐﺎ ﺍﺻﻞ ﺣﺴﻦ ﺍﻥ ﮐﯽ ﻗﻮﺕ ﺑﺮﺩﺍﺷﺖ ﮨﻮﺗﯽ ﮨﮯ۔ ﺩﻧﯿﺎ ﻣﯿﮟ ﮐﻮﺋﯽ ۤﺷﺎﺭﭦ ﭨﻤﭙﺮﮈ، ﮐﻮﺋﯽ ﻏﺼﯿﻠﮧ ﺍﻭﺭ ﮐﻮﺋﯽ ﺟﻠﺪ ﺑﺎﺯ ﺷﺨﺺ ﺗﺮﻗﯽ ﻧﮩﯿﮟ ﮐﺮ ﺳﮑﺘﺎ۔ ﺩﻧﯿﺎ ﻣﯿﮟ ﻣﻌﺎﺷﺮﮮ، ﻗﻮﻣﯿﮟ ﺍﻭﺭ ﻣﻠﮏ ﺑﮭﯽ ﺻﺮﻑ ﻭﮨﯽ ﺁﮔﮯ ﺑﮍﮬﺘﮯ ﮨﯿﮟ ﺟﻦ ﻣﯿﮟ ﻗﻮﺕ ﺑﺮﺩﺍﺷﺖ ﮨﻮﺗﯽ ﮨﮯ۔

ﺟﻦ ﻣﯿﮟ ﺩﻭﺳﺮﮮ ﺍﻧﺴﺎﻥ ﮐﯽ ﺭﺍﺋﮯ، ﺧﯿﺎﻝ ﺍﻭﺭ ﺍﺧﺘﻼﻑ ﮐﻮ ﺑﺮﺩﺍﺷﺖ ﮐﯿﺎ ﺟﺎﺗﺎ ﮨﮯ ﻟﯿﮑﻦ ﺑﺪﻗﺴﻤﺘﯽ ﺳﮯ ﮨﻤﺎﺭﮮ ﻣﻠﮏ، ﮨﻤﺎﺭﮮ ﻣﻌﺎﺷﺮﮮ ﻣﯿﮟ ﻗﻮﺕ ﺑﺮﺩﺍﺷﺖ ﻣﯿﮟ ﮐﻤﯽ ﺁﺗﯽ ﺟﺎ ﺭﮨﯽ ﮨﮯ۔ ﮨﻢ ﻣﯿﮟ ﺳﮯ ﮨﺮ ﺷﺨﺺ ﮨﺮ ﻭﻗﺖ ﮐﺴﯽ ﻧﮧ ﮐﺴﯽ ﺷﺨﺺ ﺳﮯ ﻟﮍﻧﮯ ﮐﯿﻠﺌﮯ ﺗﯿﺎﺭ ﺑﯿﭩﮭﺎ ﮨﮯ۔ ﺷﺎید ﯾﮧ ﻗﻮﺕ ﺑﺮﺩﺍﺷﺖ ﮐﯽ ﮐﻤﯽ ﮨﮯ۔