سابق امریکی سفیر کا ڈیووس میں جنرل راحیل شریف کے اعزاز میں عشائیہ

پاکستانی حکومت کو اسامہ بن لادن کی موجودگی کا علم نہیں تھا، کیمرون منٹر ایسے الزامات سے پاک امریکہ تعلقات کو بہت نقصان پہنچا ،پاکستان میں سیاسی اصلاحات کو صبر کے ساتھ دیکھنا ہوگا ، سابق سفیر

بدھ 18 جنوری 2017 22:32

ڈیووس(اُردو پوائنٹ اخبارآن لائن۔19جنوری۔2017ء) سابق امریکی سفیر کیمرون منٹر نے کہا ہے کہ پاکستانی حکومت کو اسامہ بن لادن کی موجودگی کا علم نہیں تھا اور اسامہ کے حوالے سے پاکستان پر الزام لگانے والے غلط ہیں۔

(جاری ہے)

سوئٹزرلینڈ کے شہر ڈیووس میں سابق امریکی سفیرکا پاکستان کے سابق جنرل (ر) راحیل شریف کے اعزازمیں دیئے گئے عشائیے میں کہنا تھا کہ حکومت پاکستان کو اسامہ کی موجودگی کا علم نہیں تھا، اسامہ بن لادن کے حوالے سے پاکستان پرالزام لگانے والے غلط ہیں جس کے باعث پاکستان اورامریکا کے تعلقات کو بھی بہت نقصان پہنچا، پاکستان میں جاری سیاسی اصلاحات کو صبرکے ساتھ دیکھنا اور انتظار کرنا ہوگا۔

پاکستان اور امریکا کے درمیان تعلقات کے حوالے سے ان کا کہنا تھا کہ تعلقات میں بہتری کی بہت کوشش کی اوران کوششوں کے اب نتائج سامنے بھی آرہے ہیں۔ ان کا کہنا تھا کہ پاکستان سے ہمیں مثبت تعلق رکھنے ہوں گے جس سے دونوں ممالک کے درمیان بد اعتمادی کی فضا دور کی جاسکتی ہے جب کہ سابق امریکی سفیرکیمرون منٹرنے جنرل (ر) راحیل شریف کی خدمات کو بھی سراہا۔۔