گورنر سندھ خرابی صحت کی بنا پر مزارِ قائد پر حاضری نہ دے سکے

پیر 26 دسمبر 2016 09:43

کراچی(اُردو پوائنٹ اخبارآن لائن۔26دسمبر۔2016ء) گورنر سندھ جسٹس ریٹائرڈ سعید الزماں صدیقی خرابی صحت کی وجہ سے بابائے قوم کے یوم پیدائش پر مزارِ قائد پر حاضری نہیں دے سکے۔ میڈیا رپورٹ کے مطابق گورنر سندھ جسٹس ریٹائرڈ سعید الزماں صدیقی بدستور علیل ہیں جس کی وجہ سے وہ یوم قائد کے موقع پر ان کے مزار پر بھی حاضری نہیں دے سکے اور کئی برس بعد وزیر اعلیٰ سندھ مراد علی شاہ ان کے بغیر اپنی کابینہ کے ہمراہ بابائے قوم کے مزار پر پہنچے۔

(جاری ہے)

گورنر ہاوٴس کے ترجمان کا کہنا ہے کہ گورنر سندھ جسٹس ریٹائرڈ سعید الزماں صدیقی کو معالجین نے آرام کا مشورہ دیا ہے، ڈاکٹروں نے دوبارہ چیسٹ انفیکشن ہوجانے کے خدشہ کے پیش نظر گورنر سندھ کو مزارِ قائد جانے سے منع کیا، جس کی وجہ سے وہ مزارِ قائد پر حاضری نہیں دے سکیں گے تاہم ان کی جانب سے بابائے قوم کے مزار پر ان کا سرکاری عملہ پھولوں کی چادر چڑھائے گا۔واضح رہے کہ گورنر سندھ مقرر کئے جانے کے بعد سے ہی جسٹس ریٹائرڈ سعید الزمان صدیقی علیل ہیں اور وہ ایک ماہ سے زائد عرصے تک اسپتال میں زیر علاج رہے ہیں۔

متعلقہ عنوان :