اداروں پر مکمل اعتماد ہے ، سپریم کورٹ کو پانامہ کا کیس کا جلد فیصلہ کرنا چاہئے ، جہانگیر ترین
تحریک انصاف کے جن لوگوں نے (ن) لیگ کو ووٹ دیا ہے انکے خلاف سخت ایکشن لیا جائے گا ملک ظہیر عباس کھوکھر اور اعجازڈیال کی پارٹی خدمات کی جنتی بھی تعریف کی جائے کم ہے، لاہوررول کے نئے ذمہ داروں کو مبارکباد پیش کرتا ہے ، عبدالعلیم خان
لاہور(اُردو پوائنٹ اخبارآن لائن۔24دسمبر۔2016ء)تحریک انصاف کے سیکرٹری جہانگیر خان ترین نے کہاکہ جنوری میں پانامہ کیس پر سپریم کورٹ میں دوبارہ سماعت شروع ہو رہی ہے ، ہمیں اداروں پر مکمل اعتماد ہے ، امید ہے سپریم کورٹ پانامہ کا کیس کا جلد فیصلہ دے گی، تحریک انصاف کے جن لوگوں نے (ن) لیگ کو ووٹ دیا ہے ان کے خلاف سخت ایکشن لیا جائے گا۔تقریب میں عبدالعلیم خان، اعجازاحمدچوہدری، شعیب صدیقی ، ان خیالات کا اظہار انہوں نے پاکستان تحریک انصاف رورل لاہور کے صدر ملک ظہیر عباس کھوکھر اورجنرل سیکرٹری اعجازڈیال کی طرف سے چیئرمین سیکرٹریٹ میں لاہور رورل کی باڈی، مردوں اور خواتین کی ایڈوائزری کونسل میں نوٹفیکشن دینے کی تقریب میں کیا، تحریک انصاف کے سیکرٹری جنرل جہانگیرترین خان نے میڈیا کے نمائندوں سے خطاب کرتے ہوئے کہاکہ پانامہ لیکس پر وزیراعظم اور ان کی فیملی کو جواب دیناہوگا، وزیراعظم بری طرح پانامہ کیس میں پھنس چکے ہیں ان کا بچنا ناممکن ہے،انہوں نے کہاکہ(ن) لیگ کے درباری جتنا مرضی پروپیگنڈہ کر لیں وہ وزیراعظم کو پانامہ کیس سے نہیں بچاسکتے، ملک ترقی کی راہ پر اسوقت گامزن ہوگا جب ادارے صحیح کام کریں گے اور عوام کو انصاف ملے گا، انہوں نے کہاکہ اب پارٹی تمام تیاری جنرل الیکشن کے منصوبے کے تحت کی جائے گی اور اس کے لئے ابھی سے کام شروع کر دیا ہے، تقریب میں رورل لاہور کے عہدیداروں میں نوٹفیکشن بھی تقسیم کئے اورنئی ذمہ داری ملنے پر تما م عہدیداروں کو مبار کباد پیش کی ، انہوں نے کہاکہ عہدہ لے کر آپ گھر میں نہ بیٹھیں بلکہ یونین کونسل لیول تک تنظیم کو جلد مکمل کریں، اپنے اپنے علاقے اور حلقے میں پولنگ ایجنٹوں پر خاص توجہ دیں اور پارٹی کے سرگرم کارکنوں کو پولنگ ایجنٹوں کے لئے تیار ی کروائیں اور خاص کر خواتین پولنگ ایجنٹوں کی تیاری پر توجہ دینا بہت ضروری ہے ، انہوں نے کہاکہ اپنے حلقے کے تجربے سے یہ بات کہتا ہوں کہ الیکشن کی تیاری میں خواتین کا اہم رول ہوتا ہے کیونکہ خواتین ڈورٹو ڈور کیمپین کر کے پارٹی کے منشور کو پھیلانے میں اپنا اہم رول ادا کرتی ہیں، انہوں نے مزید کہاکہ تحریک انصاف کے جن لوگوں نے (ن) لیگ کو ووٹ دیا ان کے خلاف سخت ایکشن لیا جائے گااور اس سلسلے میں تمام ریجنل صدور کو ہدایات جا ری کردی گئیں کہ جلد ازجلد رپورٹ بھجوائیں اوران کے خلاف ایکشن لیاجائے ۔
(جاری ہے)
مزید متعلقہ خبریں پڑھئیے :
متعلقہ عنوان :
