عالیہ بھٹ مداح کی بد تمیزی پر بھڑک اٹھی

مداح نے اداکارہ کا ہاتھ پکڑلیا جس پر انہوں نے ہنگامہ کھڑا کردیا اور مداح کو خوب جھاڑ پلائی

جمعہ 23 دسمبر 2016 10:30

جودھپور( اُردو پوائنٹ اخبارآن لائن۔23دسمبر۔2016ء ) بالی ووڈ اداکارہ عالیہ بھٹ کا ممبئی واپسی پر مداح نے ہاتھ پکڑلیا جس پر اداکارہ غصے سے آگ بگولہ ہوگئیں اورنوجوان کو جھاڑ پلادی۔

(جاری ہے)

بھارتی معاشرے میں خواتین سے جنسی زیادتی اور بد سلوکی کے واقعات آئے روز ہوتے رہتے ہیں اور انہیں تشدد کا سامنا بھی کرنا پڑتا ہے جب کہ بھارتی معاشرے میں خواتین سے چھیڑخانی سے کوئی بھی طبقہ محفوظ نہیں ہے اور یہی وجہ ہے کہ اب بالی ووڈ کی مشہور ومعروف اداکارہ بھی چھیڑخانی کاشکار ہوگئی ہیں۔

بھارتی میڈیا رپورٹس کے مطابق اداکارہ عالیہ بھٹ امریکی فیشن اینڈ اسٹائل میگزین ”ووگ“ کی شوٹنگ کے بعد بھارتی شہر جودھ پورسے ممبئی واپس آتے ہوئے ایئرپورٹ پر مداحوں کی بھیڑ میں پھنس گئیں جہاں ایک نوجوان مداح نے اداکارہ کا ہاتھ پکڑلیا جس پر اداکارہ سیخ پاہوگئیں۔ عالیہ بھٹ نے ہاتھ پکڑنے والے مداح کی خوب خبر لی اور سب کے سامنے ڈانٹنا شروع کردیا جس پر سیکورٹی اہلکاروں کو مداخلت کرنا پڑی اور معاملے کو رفع دفع کرایا۔

Facebook Twitter Google + Share on Whatsapp

عالیہ بھٹ مداح کی بد تمیزی پر بھڑک اٹھی

مداح نے اداکارہ کا ہاتھ پکڑلیا جس پر انہوں نے ہنگامہ کھڑا کردیا اور مداح کو خوب جھاڑ پلائی

جمعہ 23 دسمبر 2016 کی مزید خبریں