نئی دہلی(اُردو پوائنٹ اخبارآن لائن۔21دسمبر۔2016ء)بھارت میں ہم جنس پرستی کو جرم کی فہرست سے نکالنے کیلئے کوششیں جاری مگر مسلمان علماء، پنڈت، راہب پادری نے ہم جنس پرستی کیخلاف سرجوڑ لئے۔برطانوی نشریاتی ادارے کی رپورٹ کے مطابق دنیا کے بہت سے ممالک کی طرح انڈیا میں ہم جنس پرستی ابھی تک قابل تعزیر جرم ہے لیکن ایک عرصے سے اسے جرم کے زمرے سے نکالنے کی کوششیں بھی جاری ہیں۔
2009میں دہلی ہائی کورٹ نے برطانوی عہد کے اس قانون کو ہندوستانی آئین میں دیے جانے والے بنیادی حقوق کے منافی قرار دیا تھا۔اس کے بعد2013میں سپریم کورٹ نے تعزیرات ہند کی دفعہ 377کے تحت دہلی ہائی کورٹ کے فیصلے کو بدلتے ہوئے اسے جرم کی فہرست میں برقرار رکھا تھا۔ہم جنس پرستی کو جرم کی فہرست سے نکالنے کے لیے2015میں کانگریس کے رکن پارلیمان ششی تھرور کی جانب سے پارلیمان میں ایک بل پیش کیا گیا جسے 24کے مقابلے میں 71ووٹوں سے شکست کا سامنا رہا۔
(جاری ہے)
انڈیا میں اس پر بحث ابھی جاری ہے لیکن رواں سال کے اوائل میں سپریم کورٹ نے اس پر از سر نو غور کرنے کا فیصلہ کیا ہے۔یہ ایک ایسا موضوع ہے جس پر مولوی، پنڈت، راہب پادری سب سر میں سر ملاتے نظر آتے ہیں۔لکھن کی معروف یونیورسٹی ندو العلما کے نوجوان عالم ہوں یا ایک جدید یونیورسٹی کے طالب علم انھیں ہم جنس پرستی قبول نہیں اور وہ اسے غیر فطری عمل، سماج کے لیے مہلک اور چند بھٹکے ہوئے افراد کا وطیرہ بتاتے ہیں۔
ندو العلما کے عالم محمد فرمان ندوی کہتے ہیں کہ یہ غیر فطری عمل ہے اور اسے سماج کے دانشور طبقے کو روکنا چاہیے ورنہ اس کے سماج پر منفی اور مہلک اثرات پڑیں گے۔غیر فطری سے ان کی کیا مراد ہے؟ اس سوال کے جواب میں انھوں نے کہا کہ 'انسان صدیوں سے پاؤں سے چلتا آ رہا ہے، کسی کو آپ نے سر کے بل چلتے نہیں دیکھا۔ یا پھر انسان منہ سے کھا رہا ہے ناک سے کھانا رائج نہیں اسی طرح اللہ نے افزائش نسل کے لیے خاتون اور مرد بنائے ہیں اور یہ سب فطری ہیں۔
اس کے خلاف جانا غیر فطری عمل ہے۔لیکن ہم جنس پرستوں کے لیے کام کرنے والے محمد عارف کا کہنا ہے کہ 'ہم جنس پرستی بھی فطری ہے، اس پر ان کا زور نہیں وہ اسی طرح پیدا ہوئے ہیں۔ان کے مطابق لکھن میں یا پھر کسی دوسری جگہ لوگوں میں کم از کم اتنی بیداری پیدا ہوئی ہے کہ وہ سر عام ان کی مخالفت میں سڑکوں پر نہیں اترتے ہیں۔کیا مسلمانوں میں ہی ہم جنس پرستی کا رجحان زیادہ ہے؟ اس سوال کے جواب میں انھوں نے کہا: 'مسلمانوں میں خواجہ سراں یا ہیجڑوں کو قبول کیا جاتا ہے جبکہ ہندوستان کے دوسرے مذاہب میں ایسا نہیں ہے۔
اس لیے دوسرے مذاہب کے ہیجڑے یا ہم جنس پرست اپنے تحفظ کے تحت اپنا نام بدل کر خود کو مسلم ظاہر کرتے ہیں۔جبکہ انھی کی طرح ایک دوسرے ہم جنس پرست نوجوان نے بتایا کہ انھیں مشکلات کا سامنا ہے۔ انھوں نے نام نہ ظاہر کرنے کی صورت میں کہا کہ 'اگر کسی کے گھر اس فطرت یا میلان کا کوئی بچہ پیدا ہو جائے تو اسے طرح طرح سے ستایا جاتا ہے۔ان کا دعوی ہے کہ 'ایسے افراد کو زدو کوب کیا جاتا ہے یہاں تک کہ انھیں عاق یعنی وراثت کے حق سے بے دخل بھی کر دیا جاتا ہے۔
ندو العلما کے نوجوان عالم دین کا کہنا ہے کہ ہم جنس پرستی غیر فطری ہے اور اگر اس پر روک نہیں لگائی گئی تو دنیا میں تباہی آئے گی۔انھوں نے راہ چلتے ایک لڑکے کی جانب اشارہ کرتے ہوئے کہا کہ وہ ہم جنس پرست میلان رکھتا ہے۔ ہم نے جب دریافت کیا کہ انھوں نے کیسے پہچانا تو ان کا کہنا تھا 'اس کی چال بتاتی ہے کہ وہ زنانہ صفت ہے اور وہ کسی مرد ساتھی کے ساتھ زیادہ خوش رہ سکتا ہے۔
جبکہ لکھن میں قائم ایک یونیورسٹی کے طالب علم ارپن شکلا کا کہنا ہے کہ یہ غیر فطری عمل ہے اور وہ کسی طرح اس کے حق میں نہیں ہیں۔انھوں نے مزید کہاکہجہاں تک لکھن کا سوال ہے تو اکثر و بیشتر افراد اس کے خلاف ہیں معدودے چند لوگ اس کے حق میں ہوسکتے ہیں تو اس سے کوئی فرق نہیں پڑتا۔اسی یونیورسٹی کی طالبہ دویہ کا کہنا ہے کہ انھیں اس سے کوئی فرق نہیں پڑتا کیونکہ جمہوریت میں سب کو اپنی طرح سے جینے کا حق حاصل ہے۔
نوجوان طالبہ دویہ کا خیال ہے کہ جمہوریت میں سب کو مساوی حقوق حاصل ہیں اس لیے انھیں ہم جنس پرستی کے میلان رکھنے والوں سے کوئی فرق نہیں پڑتا۔ان کا خیال ہے کہ ہم جنس پرستی میں صرف لڑکوں یا صرف لڑکیوں کے تعلیمی ادارے سے بھی اضافہ ہوتا ہے اور اس کے نتیجے میں کسی لڑکے کی لڑکے میں کسی لڑکی کی لڑکی میں دلچسپی پیدا ہوسکتی ہے۔ چنانچہ وہ مخلوط تعلیمی نظام کے حق ہیں۔
جبکہ ان کی ساتھی سائمہ کا کہنا ہے کہ 'نوجوان اس کے بارے میں منفی نظریات نہیں رکھتے بلکہ معمر افراد اس کے خلاف ہیں۔ان کا خیال ہے کہ وقت کے ساتھ فکر بدل رہی ہے اور لوگ سرعام اس کی مخالف میں بات کرنے سے گریز کر رہے ہیں جبکہ نوجوان نسل کو اس موضوع پر بات کرنے سے کوئی پرہیز نہیں۔عارف آنے والے دنوں میں لکھن میں ہم جنس پرستوں کی ایک پریڈ نکالنا چاہتے ہیں اور اس کے لیے وہ سماج کی نبض جاننے کے لیے کوشاں ہیں۔ اب یہ وقت ہی بتائے گا کہ کیا وہ ایسی کوئی پریڈ لکھن میں نکالنے میں کامیاب ہوتے ہیں یا نہیں۔
