اسلام آباد کے تعلیمی اداروں میں منشیات کا استعمال ہو رہا ہے، سینٹ کمیٹی میں انکشاف
قائد اعظم یونیورسٹی کے طلباء میں منشیات کا استعمال اور جرائم میں اضافہ ہو رہا ہے ،حکومت انسداد منشیات فورس اور پولیس کی چوکیاں قائم کرے، وائس چانسلر قائمہ کمیٹی کا افغانستان سے منشیات سمگلنگ، دہشتگردی کارروائیوں کی مذمتی قرارداد پارلیمنٹ میں لانے ،ملوث افراد کیخلاف سخت قانون سازی کا فیصلہ
جمعرات 15 دسمبر 2016 11:05
اسلام آباد(اُردو پوائنٹ اخبارآن لائن۔15دسمبر۔2016ء ) سینٹ کی قائمہ کمیٹی برائے داخلہ و انسداد منشیات نے افغانستان سے پاکستان اور دنیابھر میں منشیات کی سمگلنگ اور یہاں دہشتگردی کی کارروائیوں کی مذمتی قرارداد پارلیمنٹ میں لانے کا فیصلہ کرتے ہوئے منشیات کے دھندہ میں ملوث افراد کے خلاف سخت قانون سازی کا فیصلہ کیا ہے۔ نارکوٹکس کنٹرول ڈویژن کے حکام نے قائمہ کمیٹی کو بریفنگ میں انکشافات کیے کہ اسلام آباد کے تعلیمی اداروں میں منشیات کا استعمال ہو رہا ہے جبکہ قائد اعظم یونیورسٹی کے وائس چانسلر کے مطابق یونیورسٹی میں طلباء میں افسوسناک حد تک منشیات کا استعمال اور جرائم میں اضافہ ہو رہا ہے ،حکومت یہاں انسداد منشیات فورس اور پولیس کی چوکیاں قائم کرے ۔
یونیورسٹی کی زمینیں واگزار کرائی جائیں ۔(جاری ہے)
غیر قانونی رہائشی کالونیاں سیکورٹی رسک ہیں ۔انسداد منشیات کنٹرول ڈویژن کے مطابق ایک سروے کے مطابق 4 سکولزمیں منشیات کی سپلائی اور استعمال ہو رہا ہے جس میں 3 سرکاری سکولز اور ایک نجی تعلیمی ادارہ شامل ہے ۔30 اپریل 2016 ء تک 155 افراد پکڑے گئے 136 افراد مجرم رجسٹرڈ ہوئے ۔کوئٹہ ،کراچی ،اسلام آباد اور دیگر شہروں میں مختلف تعلیمی اداروں میں تقریبات ، ٹیبلو، ڈرامے اور واک جیسے پروگرامز منعقد کر کے سٹوڈنٹس میں آگاہی مہم چلائی جا رہی ہے ۔
قائمہ کمیٹی نے چیئرمین سی ڈی اے سے اسلام آباد کی حدود میں غیر قانونی ہاؤسنگ سوسائٹیز کی فہرست اور کتنے این او سی ،لے آؤٹ کی منظوری ہوئی، کتنی زمین ہاؤسنگ سوسائٹیز نے ناجائز ہتھیائی اور سرکاری اداروں کو ان سوسائٹیز کے مالکان نے کیسے اربوں روپے کانقصان پہنچایا کی مکمل تفصیلات آئندہ اجلاس میں طلب کر لی ہیں ۔ چیئرمین سی ڈی اے و میئر اسلام آباد شیخ انصر نے بتایاکہ خلاف ضابطہ الاٹ کیے گئے پلاٹ پر گرینڈ حیات اپارٹمنٹس وہوٹلز کا تعمیراتی کام بند کرا دیا گیا ہے اس کی لیز کینسل کر دی گئی ہے ۔ مخالف پارٹی نے عدالت سے حکم امتناعی لے رکھا ہے ، ایف آئی اے نے ا س سلسلہ میں اپنی تحقیقات مکمل کر لی ہیں ، عدالت میں سی ڈی اے کی طرف سے وکیل پیش ہو کر ٹھوس دلائل سے حکم امتناعی ختم کرائے گا۔جبکہ قائمہ کمیٹی کی طرف سے آئندہ اجلاس میں متاثرین کو ان کی انوسٹمنٹ محفوظ بنانے کا پلان سی ڈی اے سے طلب کر لیا گیا ہے۔ چیئرمین قائمہ کمیٹی سینیٹر رحمٰن ملک نے کہا افغانستان سے ایک طرف پاکستان میں دہشتگردی کی کارروائیاں کی جارہی ہیں دوسری طرف منشیات کی سپلائی بھی دھڑا دھڑ ہو رہی ہے نہ صرف پاکستان متاثر ہو رہاہے بلکہ دنیا بھر میں افغانستان سے سپلائی لائن ہے انسانوں کا قتل کیا جا رہا ہے منشیات کے دھندے کی جتنی مزمت کی جائے کم ہے۔ افغان ٹرانزٹ ٹریڈ کے نام پر اور نیٹو سپلائی میں بھی ایسے شواہد اور شکایات پائی گئیں اس پر تمام اراکین کمیٹی کی ایماء پر ایک مزمتی قرارداد پارلیمنٹ میں پیش کی جائے گی ۔ قانون کی عمل داری کو یقینی بنایا جائے گا، آئندہ اجلاس میں کسٹم حکام اور دیگر اداروں کو بھی طلب کیا جائے گا منشیات کی روک تھام کے لیے سخت اقدامات کیے جائیں گے ۔ یہ ہماری نسلوں کو تباہ کرنے کا مکروہ دھندہ ہے ۔ سینیٹر طاہر مشہدی نے کہا گزشتہ دنوں میں لاہور کی ایک یونیورسٹی میں منشیات کے استعمال سے ایک طالب علم جاں بحق ہو گیا جاوید عباسی نے کہا ایک این جی او نے جو حقائق پیش کیے ہیں اپنی رپورٹ میں وہ اگر غلط ہیں تو اس پر پابندی عائد کی جائے ، لیکن انسداد منشیات کنٹرول ڈویژن کی طرف سے حقائق کشاء رپورٹ پیش ہونے پر قائمہ کمیٹی میں سکوت طاری ہوگیا کہ اسلام آباد کے تعلیمی اداروں میں سپلائی لائنیں پکڑی گئیں ، چار افراد گرفتار ہوئے جن کے پیچھے درجنوں لوگ ہیں ، تحقیقات جاری ہیں ۔ قائد اعظم یونیورسٹی میں منشیات کے استعمال اور دھندہ بارے بات کرتے ہوئے ڈین فیکلٹی سائنسز ڈاکٹر وسیم نے کہا یونیورسٹی میں طلباء میں تین کیٹیگریز کی منشیات استعمال ہو رہی ہے ، ایک شراب ، دوسری چرس ، تیسری ایک ٹیبلٹ ہے جو 12 سے 15 ہزار تک کی لاہور سے منگوائی جا رہی ہیں ۔ایچ ای سی نے سیکورٹی کے لیے کروڑوں روپے فنڈز دئیے جن سے 200 سے زائد سیکورٹی گارڈ اپنے اسلحہ خریدا اور باؤنڈری وال بنانا چاہتے ہیں لیکن اس میں سی ڈی اے کا شعبہ انوائرمنٹ رکاوٹ ڈال رہا ہے ، چیئرمین قائمہ کمیٹی نے چیئرمین سی ڈی اے کو فوری یہ باؤنڈری وال اور زمین کا معاملات ، سیکورٹی کیمروں کو سیف سٹی پراجیکٹ میں شامل کرنے کے احکامات دیئے ، یونیورسٹی انتظامیہ نے بتایا کہ 200 خفیہ کمرے لگائے گئے ہیں ، جبکہ سی ڈی اے کی طرف سے مزید بڑھانے کی چیئرمین سی ڈی اے نے یقین دہانی کرائی ۔ سیکرٹری نارکوٹکس نے بتایا کہ قائد اعظم یونیورسٹی میں مختلف اداروں کے ساتھ منشیات کے مافیا کے خلاف ایک کومبنگ آپریشن کیا جائے گا۔ انہوں نے قائمہ کمیٹی سے درخواست کی کہ ایک پلاٹ بھی سی ڈی اے سے دلوایا جائے ہم وہاں انسداد منشیات ادارہ بحالی اور دیگر دفاتر بنانا چاہتے ہیں اس پر چیئرمین قائمہ کمیٹی کی طرف سے چیئرمین سی ڈی اے کو کہا گیا تو انہوں نے یقین دہانی کرائی کہ جگہ جلد فراہم کر دی جائے گی۔ چیئرمین قائمہ کمیٹی سینیٹر رحمٰن ملک نے کہا ہاؤسنگ سوسائٹیز کی جعلسازیوں اور لوٹ کھسوٹ ، غیر قانونی اقدامات میں ملوث سوسائٹیز کی فہرست جلد آئندہ اجلا س میں پیش کی جائے ۔جن سوسائٹیز نے سی ڈی اے کے بائی لاز اور ماسٹر پلان اور قانون کی خلاف ورزی کی ہے ان کے خلاف بے لاگ کارروائی ہونی چاہیئے ، اگر 15 ایکڑ زمین لی گئی ہے تو 30 ایکر کی فائلیں فروخت کر دی گئی ہیں ۔ایف آئی اے اس سلسلہ میں چیئرمین سی ڈی اے سے ملاقات کرے تفصیلات لے کر آئندہ اجلاس میں حاضر ہوں ۔مزید متعلقہ خبریں پڑھئیے :
جمعرات 15 دسمبر 2016 کی مزید خبریں
-
ڈبلیو ڈبلیو ای کی تاریخ میں پہلی بار پاکستانی ریسلر ان ایکشن ،پہلا میچ بلانتیجہ ختم ہوگیا
-
اسلام آباد کے تعلیمی اداروں میں منشیات کا استعمال ہو رہا ہے، سینٹ کمیٹی میں انکشاف
-
کراچی، سانحہ بلدیہ ٹاوٴن کا اہم ملزم عبد الرحمن عرف بھولا 19دسمبر تک ریمانڈ پر پولیس کے حوالے
-
پی آئی اے کے اے ٹی آر طیارے گراؤنڈ
-
کیپٹن(ر) صفدر قومی اسمبلی اجلاس میں بجھے بجھے رہے
-
شیخ رشید اور طلال چوہدری کی خاموشی
-
وزیر اعلیٰ پرویز خٹک نے نوشہرہ میں شمسی توانائی کے پینلز کی فراہمی کے منصوبے کا باضابطہ افتتاح کردیا
-
خیبرپختونخوا کے مطالبات کا اثر پڑ گیا
-
لاہور، لمز یونیورسٹی میں پر اسرار طور پر مردہ پائے گئے طالب علم کی پوسٹ مارٹم رپورٹ سامنے آگئی
-
اسٹیٹ بینک نے پارلیمنٹ کو معاف کردہ قرضوں بارے معلومات کی فراہمی سے کبھی انکار نہیں کیا،بیان
-
شیخ رشید نے نیوایئرپورٹ کے پاس عوام کا پیسہ جمع کر کے اراضی خریدی، شکیل اعوان
-
ٹرمپ پر حملے کی کوشش کرنے والے نوجوان کو قید کی سزا
-
ون چائنا پالیسی کو چیلنج کیا تو آبنائے تائیوان میں امن متاثر ہو گا،چین
-
بھارت منسوخ کئے گئے نوٹ دبئی میں فرنیچر اور ڈیکوریشن اشیاء بنانے کیلئے استعمال ہونگے
-
بینک نے 20 لاکھ ڈالر دیے اور میں نے لٹا دیے،لیوک بریٹ مور
-
میرے پاس موجود معلومات سے مودی خوفزدہ ہیں ، راہول گاندھی کا انکشاف
-
بھارتی ٹی وی شو کرائم پیٹرول میں پولیس افسر کا کردار ادا کرنے والے کملیش پانڈے نے خودکشی کرلی
-
بھارت: گائے کے گوشت پر ہنگامہ، امریکا کوتشویش
-
چین ، فیکٹری میں آتشزدگی ، 5 افراد جھلس کر ہلاک ، 4 زخمی
-
امریکی ریاست کیلیفورنیا میں پولیس نے ایک غیر مسلح 73 سالہ بزرگ شہری کو گولی مار کر ہلاک کر دیا
-
تحریک انصاف کی ا ایوان میں بولنے کی اجازت نہ دینے پر شدید ہنگامہ اور نعرے بازی ،سپیکر ڈائس کا گھیراؤ ،ایجنڈے کی کاپیاں پھاڑ دیں ،چور ،چور کے نعرے
-
نیا بلوچستان ہی نیا پاکستان ،اقتدار تک پہنچنے کا واحد راستہ عوامی خدمت ہے،نوازشریف
-
پاکستان کا مقامی طور پرتیار کردہ جدید ترین کروز میزائل بابر ٹو کا کامیاب تجربہ
-
کراچی ملک کا معاشی حب ، پائیدار امن کے حصول تک آپریشنز جاری رکھے جائینگے ،آرمی چیف
-
حکومت نے اگلے چیف جسٹس کواپناچیف جسٹس کہہ کراسے متنازعہ بنادیاہے ،خورشیدشاہ
-
آرمی چیف سے افغانستان میں امریکی فوج کے سربراہ جنرل جان نکلسن کی ملاقات
-
ہارٹ آف ایشیاء کانفرنس میں شرکت سے پاکستان کے وقار میں اضافہ ہوا،سرتاج عزیز
-
نیب میں اعلیٰ عہدوں پرتقرریوں میں بے ضابطگیوں کا معاملہ
-
باراوربنچ کی ذمہ داری انصاف کی فراہمی ہے ،وقت اچھاگزرے تووقت کاپتہ ہی نہیں چلتا،چیف جسٹس انورظہیرجمالی
-
میجرجنرل سعید ڈی جی رینجرزسندھ میجرجنرل ندیم انجم آئی جی ایف سی بلوچستان تعینات
-
الیکشن کمیشن، عمران خان ،جہانگیر ترین اور کیپٹن صفدر کے خلاف نااہلی ریفرنسز کی سماعت آج ہوگی
-
جنید جمشید کی میت لیکر سی ون تھرٹی طیار کراچی پہنچ گیا
-
کرپشن کی چوری کھا کر جوان ہونے والا کرپشن کی بات کرتا ہے انہیں بات کرنے سے پہلے آئینہ دیکھنا چاہئے،سعد رفیق
-
آئندہ انتخابات کی تیاری ،تحریک انصاف کا امید واروں کے انتخاب کے لیئے باضابطہ پارلیمانی بورڈ کی تشکیل کا فیصلہ
-
سپیکرنے اپوزیشن کی تحریک استحقاق اپنے چیمبر میں کیسے نمٹا دی، عمران خان
-
لاہور، لیپ ٹاپ پالیسی تبدیل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.