امریکی صدارتی انتخابات میں ڈونلڈ ٹرمپ کے منتخب ہونے کے بعد سے ہراسانی کے واقعات میں اضافہ ہوا ہے ،سدرن پاورٹی لا سینٹر

ٹرمپ کو حالات کی ذمہ داری قبول کرنی چاہیے، اور نفرت اور تعصب کو شدت سے مسترد کرنا چاہیے، ادارہ انسانی حقوق

جمعرات 1 دسمبر 2016 10:42

واشنگٹن ( اُردو پوائنٹ اخبارآن لائن۔1دسمبر۔2016ء )انسانی حقوق کے ایک ممتاز ادارے نے کہا ہے کہ اسے امریکی صدارتی انتخابات میں ڈونلڈ ٹرمپ کے منتخب ہونے کے بعد سے ہراسانی کے نو سے زائد واقعات کا علم ہوا ہے۔سدرن پاورٹی لا سینٹر (ایس پی ایل سی) نے نومنتخب صدر پر زور دیا ہے کہ وہ 'ہراسانی کو کچلنے کے لیے سختی سے کام کریں۔'انھوں نے ٹرمپ سے یہ بھی کہا ہے کہ وہ 'ان برادریوں کی طرف ہاتھ بڑھائیں جنھیں انھوں نے زخم پہنچائے ہیں۔

ادارے نے ٹرمپ کے صدر منتخب ہونے کے بعد سے دو رپورٹیں شائع کی ہیں۔ ان میں سے ایک میں ایس ایل سی ایل نے اساتذہ کی یونین کے نمائندوں اور انسانی حقوق کے گروپس کے ساتھ مل کر اس بات بات کا جائزہ لیا ہے کہ ڈونلڈ ٹرمپ کی تقاریر اور اقدامات نے امریکی معاشرے کو کس طرح متاثر کیا ہے۔

(جاری ہے)

اس کے علاوہ ایس پی ایل سی نے سوشل میڈیا، اخباری رپورٹوں کا بھی جائزہ لیا ہے۔

ادارے نے کہا ہے: 'ٹرمپ کو حالات کی ذمہ داری قبول کرنی چاہیے، اور نفرت اور تعصب کو شدت سے مسترد کرنا چاہیے۔''دس دن بعد' نامی رپورٹ میں ایس پی ایل سی نے اقلیتوں کے خلاف ہونے والے سینکڑوں واقعات کی نشان دہی کی ہے، جن میں تشدد اور دھمکانے کے واقعات شامل ہیں۔ ان میں سے بعض ڈونلڈ ٹرمپ کی فتح سے براہِ راست منسلک ہیں۔ایس پی ایل سی کے فیلو مارک پوٹوک نے بی بی سی کو بتایا: 'ان میں سے بہت سے جرائم کا تعلق ڈونلڈ ٹرمپ کی انتخابی مہم سے ہے، کیوں کہ دیواروں پر جو تحریریں لکھی گئی یا جو نعرے لگائے گئے ان میں براہِ راست ڈونلڈ ٹرمپ کا ذکر کیا گیا۔

'ایسے بہت سے واقعات سامنے آئے ہیں جن میں سیاہ فاموں کو بس کے پچھلے حصے میں جانے کو کہا گیا تھا۔ امریکہ میں ماضی میں نسلی تعصب کے تحت سیاہ فاموں کو بس کے اگلے حصے میں بیٹھنے کی اجازت نہیں تھی۔ایک چرچ کے باہر 'صرف سفید فاموں کے لیے' اور 'ٹرمپ نیشن' کے الفاظ لکھے گئے، جب کہ ایک ہم جنس پرست مرد کو ایک کار سے کھینچ کر باہر نکالا گیا اور حملہ آور نے کہا کہ 'صدر نے کہا ہے کہ ہم تمھیں قتل کر سکتے ہیں۔

'ایک اور رپورٹ میں ادارے نے دس ہزار تعلیمی پروفیشنلز کا سروے کر کے معلوم کیا کہ 90 فیصد سے زیادہ لوگوں نے بتایا کہ ٹرمپ کی فتح کے بعد سے سکول کا ماحول منفی طور پر متاثر ہوا ہے۔امیریکن فیڈریشن آف ٹیچرز کے صدر رینڈی وائنگارٹن نے کہا: 'یہ وقت ہے کہ نومنتخب امریکی صدر اپنی آواز موثر طریقے سے استعمال کریں اور اپنے نام پر ہونے والے ان نفرت انگیز اقدامات کی غیرمبہم الفاظ میں مذمت کریں۔'

Facebook Twitter Google + Share on Whatsapp

مزید متعلقہ خبریں پڑھئیے‎ :

افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا

جمعہ 19 اپریل 2024 - 20:41

پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے

جمعہ 19 اپریل 2024 - 18:54

لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا

جمعہ 19 اپریل 2024 - 18:10

یہ کوئی عام الیکشن نہیں، جمہوریت اور دستور کو بچانا ہے، راہول گاندھی

جمعہ 19 اپریل 2024 - 18:10

حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ

جمعہ 19 اپریل 2024 - 17:40

سپیکر پرلازم ہے کہ وہ آئین اور قانون کی پاسداری کریں،عمر ایوب

جمعہ 19 اپریل 2024 - 12:23

امریکی صدارتی انتخابات میں ڈونلڈ ٹرمپ کے منتخب ہونے کے بعد سے ہراسانی کے واقعات میں اضافہ ہوا ہے ،سدرن پاورٹی لا سینٹر

ٹرمپ کو حالات کی ذمہ داری قبول کرنی چاہیے، اور نفرت اور تعصب کو شدت سے مسترد کرنا چاہیے، ادارہ انسانی حقوق

مزید متعلقہ خبریں پڑھئیے‎ :

متعلقہ عنوان :

جمعرات 1 دسمبر 2016 کی مزید خبریں