مفتی اعظم کی توہین کے الزام میں سعودی ملزمان کے مقدمہ کی کارروائی شروع

بدھ 9 نومبر 2016 11:51

ریاض (اُردو پوائنٹ اخبارآن لائن۔9نومبر۔2016ء)سعودی عرب کے پراسیکیوٹر جنرل نے ایک فوجداری عدالت میں متعدد ملزمان کے خلاف فرد جرم پیش کی ہے جن پر مفتی اعظم کی توہین سمیت دیگر خلاف قانون سرگرمیوں میں ملوث ہونے کے الزامات عائد کیے گئے ہیں۔

(جاری ہے)

غیر ملکی خبر رساں ادارے کے مطابق سعودی عرب کی فوج داری عدالت میں پیش کردہ فرد جرم میں ایک ملزم پر شہریوں میں خوف و ہراس پھیلانے، غیرقانونی تنظیم تشکیل دینے، سعودی عرب کے عدالتی اور سیکیورٹی اداروں کے خلاف اشتعال انگیز مواد شائع کرانے اور ایک نجی انسانی حقوق کے ادارے پر حملے کی سازش تیار کرنے جیسے الزامات عاید کیے گئے ہیں۔

پراسیکیوٹر جنرل نے ایک ملزم کے کے خلاف پیش کردہ فرد جرم میں الزام عاید کیا ہے کہ ملزم سعودی عرب کے علماء کی توہین کا مرتکب ہوا ہے۔ سعودی قیادت کی شان میں گستاخی کے ساتھ ساتھ وہ پڑوسی ملک کے اندرونی معاملات میں مداخلت کی سازشوں میں شامل رہا ہے۔ اس کے علاوہ ملزم نے سوشل میڈیا پر سعودی عرب کے مفتی اعظم کی شان میں بھی گستاخی کا ارتکاب کیا۔