بندر اور کتوں نے ٹرمپ کو ممکنہ امریکی صدر قرار دیدیا

امریکی صدارتی الیکشن میں بس 3 ہی دن باقی، عوامی سرو ے کے ساتھ ساتھ جانوروں کی مدد سے امریکا کے ممکنہ صدر کے بارے میں بھی پیش گوئیوں کا سلسلہ جاری

اتوار 6 نومبر 2016 13:54

واشنگٹن (اُردو پوائنٹ اخبارآن لائن۔6نومبر۔2016ء) امریکی صدارتی الیکشن میں بس 3 ہی دن باقی ہیں، اسی سلسلے میں جہاں ایک طرف لوگوں کا جوش وخروش عروج پر ہے، وہیں جانوروں کی مدد سے امریکا کے ممکنہ صدر کے بارے میں بھی پیش گوئیوں کا سلسلہ جاری ہے۔امریکی عوام صدر کس کو منتخب کرے گی ؟ اس کا فیصلہ آٹھ نومبر کو ہوگا لیکن بندر اور کتوں نے ٹرمپ کو ممکنہ امریکی صدر قرار دیدیا۔

حال ہی میں چین میں بندر کی مدد سے ممکنہ صدر کا پتہ لگانے کی کوشش کی گئی، جس میں بندر نے ریپبلکن پارٹی کے صدارتی امیدوار ڈونلڈ ٹرمپ کو امریکا کا ممکنہ صدر بننے کی پیشگوئی کی۔چین کے شیانہو ایکولوجیکل ٹورازم پارک نے اپنی ویب سائٹ پر کہنا تھا کہ امریکی صدارتی انتخابات میں کون صدر بننے گا؟ یہ معلوم کرنے کیلئے بندر سے رائے لی گئی اور یہ جاننے کے لئے ایک جانب ڈیموکریٹک پارٹی کی امیدوار ہیلری کلنٹن اور دوسری جانب ریپبلکن امیدوار ڈونلڈ ٹرمپ کی تصویر رکھی گئی۔

(جاری ہے)

جب بندر سے جب پوچھا گیا کہ 8 نومبر کو امریکی انتخاب میں کون جیتے گا تو بندر نے ٹرمپ کی تصویر پر لپکتے ہوئے تصویر کو پیار کیا۔خیال رہے کہ یہ وہی بندر ہے، جس نے رواں سال یورپین فٹبال چیمپئن شپ کے فائنل میچ میں پرتگال کی ٹیم کی کامیابی کی پیش گوئی کی تھی۔صرف یہی نہیں بلکہ امریکا میں بھی اسی طرز پر کتوں کی رائے بھی حاصل کی گئی اور ہیلری اور ٹرمپ سے مشابہہ چیو ٹوائز کو کتوں کے سامنے رکھا گیا، جس میں کتوں کی اکثریت نے ٹرمپ کے چیو ٹوائے کو منہ میں دبا کر اپنی پیشگوئی ٹرمپ کے حق میں دی۔

امریکا میں صدارتی انتخابات میں تین روز رہ گئے ہیں، ہیلری کلنٹن اورڈونلڈ ٹرمپ کے درمیان کانٹے کے مقابلے کا امکان ہے۔۔تازہ عوامی جائزوں میں ٹرمپ کی مقبولیت میں اضافہ اور ہیلری کی حمایت میں کمی آئی ہے۔تازہ عوامی جائزوں کے مطابق ہیلری کی مقبولیت کے گراف میں کمی آئی ہے، ہیلری آٹھ ریاستوں میں اپنے حریف ٹرمپ سے آگیتھیں لیکن اب ان کی سبقت چار ریاستوں میں برقرار ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان ..

جمعہ 26 اپریل 2024 - 22:02