داعش نے موصل میں 40 افراد کو قتل کرکے ہزاروں کو یرغمال بنالیا

داعش نے 25 ہزارافراد کو یرغمال بنایا جنہیں ڈھال کے طور پر استعمال کیے جانے کا خدشہ ہے، ترجمان اقوام متحدہ

بدھ 2 نومبر 2016 11:07

جنیوا(اُردو پوائنٹ اخبارآن لائن۔2نومبر۔2016ء) داعش نے عراقی سیکیورٹی فورسز کے 40 سابقہ اہلکاروں کو قتل ان کی لاشیں دریائے فرات میں بہادیں جب کہ 25 ہزار عام شہریوں کو اغوا بھی کرلیا جنہیں انسانی ڈھال کے طور پر استعمال کیے جانے کا خدشہ ہے۔اقوامِ متحدہ میں انسانی حقوق کی ترجمان کے مطابق شدت پسند تنظیم داعش نے موصل کے علاقے حمام العلیل سے گزشتہ روز 25 ہزار عام شہریوں کو ٹرکوں، گاڑیوں اور منی بس میں سوار کرایا اور غالباً انہیں انسانی ڈھال کے طور پر استعمال کیا جائے گا تاکہ فورسز داعش پر حملہ نہ کرسکیں۔

ترجمان کے مطابق اکثر گاڑیاں ضلع تل افعار کی جانب روانہ ہوئیں تو نگراں ہوائی جہازوں کے دباوٴ سے واپس ہوگئیں تاہم بعض گاڑیاں حمام العلیل سے 15 کلو میٹر دور ابو سیف کے علاقے تک پہنچنے میں کامیاب ہوگئیں۔

(جاری ہے)

ترجمان کا کہنا تھا کہ ہمیں اس امر پر شدید تشویش ہے کیونکہ ہزاروں افراد کو داعش جبر کے ذریعے ایک سے دوسرے مقام تک لے جارہی ہے اور گزشتہ دو ہفتے سے یہی عمل دیکھا جارہا ہے۔

اقوامِ متحدہ کے مطابق داعش کے جنگجو ان بے گناہ لوگوں کو اپنی تنصیبات اور دفاتر کے قریب رکھیں گے اور اس سے ظاہر ہوتا ہے کہ وہ انسانوں کو بطور ڈھال استعمال کریں گے جب کہ ان لوگوں کو گنجان آبادی والے علاقوں میں بھی رکھے جانے کا خدشہ ہے تاکہ داعش کے خلاف کوئی کارروائی نہ کی جاسکے۔ترجمان نے بتایا کہ داعش کئی لوگوں کو ہلاک کررہی ہے اور قتل ہونے والوں میں عراقی فورسز کے اہلکار شامل ہیں جب کہ ایسے ہی 40 سابق اہلکاروں کو موصل کے الشوریٰ ضلعے میں اور حمام العلیل کے دیہاتوں سے اغوا کرکے قتل کیا گیا تھا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

فرانس سے برطانیہ داخلے کی کوشش میں ایک بچے سمیت پانچ افراد ہلاک

منگل 23 اپریل 2024 - 17:20

پتا افراد کا معاملہ آسان نہیں، اسکی بہت سی جہتیں، سیاسی حل نکالنا ہے، وزیرقانون

منگل 23 اپریل 2024 - 16:27

امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی

منگل 23 اپریل 2024 - 15:22

ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ

منگل 23 اپریل 2024 - 15:06

شوہر نے پیسے نہ دینے پر بیوی کی ناک اور کان کاٹ دیئے

منگل 23 اپریل 2024 - 14:57

شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ

منگل 23 اپریل 2024 - 14:56

داعش نے موصل میں 40 افراد کو قتل کرکے ہزاروں کو یرغمال بنالیا

داعش نے 25 ہزارافراد کو یرغمال بنایا جنہیں ڈھال کے طور پر استعمال کیے جانے کا خدشہ ہے، ترجمان اقوام متحدہ

مزید متعلقہ خبریں پڑھئیے‎ :

متعلقہ عنوان :

بدھ 2 نومبر 2016 کی مزید خبریں