پرویز خٹک کا آج صبح دس بجے یوم تشکر منانے کے لیے اسلام آباد روانہ ہونے کا اعلان
ہمارا مطالبہ تھا نواز شریف تلاشی دے، عدالت عظمیٰ نے اس کی تلاشی کا عمل شروع کردیا عدالت نے تحریک انصاف کے موقف کی تائید کی ہے جو تحریک انصاف کی فتح ہے،وزیر اعلی خیبر پی کے
بدھ 2 نومبر 2016 11:26
پشاور(اُردو پوائنٹ اخبارآن لائن۔2نومبر۔2016ء)وزیر اعلیٰ خیبر پختونخوا پرویز خٹک نے تحریک انصاف کے چیئرمین عمران خان کی کال پر آج (بدھ کو ) صبح دس بجے یوم تشکر منانے کے لیے اسلام آباد کے لئے روانہ ہونے کا اعلان کیا ہے۔ انہوں نے کہا کہ ہمارا مطالبہ تھا کہ نواز شریف تلاشی دے۔ عدالت عظمیٰ نے اس کی تلاشی کا عمل شروع کردیااور نواز شریف اور اسکے حواریوں نے خود کو تلاشی کے لئے پیش کر دیا۔
عدالت نے تحریک انصاف کے موقف کی تائید کی ہے جو تحریک انصاف کی فتح ہے۔ ہم عدالت عظمیٰ کے اقدام کا خیر مقدم کرتے ہیں وہ آزاد اور با اختیار ہے ہمیں اس پر اعتماد ہے امید رکھتے ہیں کہ تلاشی کے غیر جانبدار عمل کے ذریعے چور کیفر کردار تک پہنچیں گے۔ انہوں نے کہا کہ تلاشی میں ہی نواز شریف اور اسکے حواریوں کی عافیت ہے۔(جاری ہے)
وزیراعلیٰ نے کہاکہ نواز شریف ہمارے عزائم سے واقف ہے اور ہم ان کے عزائم سے واقف ہیں ۔
ہمارا عزم تھا تلاشی لینا اور نواز شریف کا عزم تھا تلاشی سے بھاگنا ۔ وہ تلاشی سے راہ فرار اختیار کر رہا تھا ۔ ہم تلاشی اس لئے لے رہے ہیں کہ اسی میں ملک کی فلاح ہے۔ عوام کی خوشحالی نواز شریف کی تلاشی سے مشروط ہے اگر ملک نے آگے بڑھنا ہے اور عوام نے خوشحال ہونا ہے تو اسکی تلاشی ضروری ہے۔ ہم چوروں کی تلاشی کے لئے نکلے ہیں اور تلاشی لے کر دم لیں گے۔ ان خیالا ت کا اظہار انہوں نے صوابی انٹر چینج پر کارکنوں سے خطاب اور میڈیا سے گفتگو کرتے ہوئے کیا۔ اس موقع پر سپیکرخیبرپختونخوا اسمبلی اسد قیصر ، صوبائی وزراء میاں جمشیدا لدین کاکاخیل، عاطف خان، شاہ فرمان، ضلع ناظم لیاقت خان خٹک ایم این اے ڈاکٹر عمران خٹک، پارلیمانی سیکرٹری میاں خلیق الرحمن، ضلعی ترقیاتی و مشاورتی کمیٹی کے چیئرمین ادریس خٹک ، صوبائی آرگنائز فضل خان، ارکان قومی و صوبائی اسمبلی ، ضلعی اور تحصیل ناظمین منتخب بلدیاتی نمائندوں پی ٹی ائی کے کارکنوں کی کثیر تعداد موجود تھی ۔وزیر اعلیٰ نے حکومت کی طرف سے زہریلی گیس کے استعمال سے کارکنان کی شہادت پر دکھ کا اظہار کیا ہے اور حکومت کے ظالمانہ تشدد کی شدید الفاظ میں مذمت کی ہے۔انہوں نے کہاکہ کارکنوں کی جدوجہد قابل تحسین ہے ہمیں اپنے شہداء پر فخر ہے اور ہمیشہ فخر رہے گا۔ وزیر اعلیٰ نے شہداء کے اہل خانہ سے دلی ہمدردی کا اظہار کیا اور یقین دلایا کہ ان کے بہادر سپوتوں کی قربانی رائیگاں نہیں جائے گی۔یہ کارکنان ہمارے ہیر و ہیں انہوں نے نئے پاکستان کیلئے قربانی دی ہے ۔ آئندہ آنے والی نسلیں انکے جذبوں اور قربانیوں کو یاد رکھیں گی۔ یہ نئے پاکستان کی طرف قربانی کا عملی مظاہرہ ہے جو یقینی طور پر رنگ لائے گا۔ کارکنان نے ملک و ملت کی سلامتی کے عظیم مقصد کے لئے اپنی جانوں کا نذارنہ پیش کیا ہم اس قربانی کے مقاصد حاصل کرنے کے لئے جدوجہد جاری رکھیں گے۔ اس ملک کے غریب عوام کو ان چوروں سے نجات دلانے کے لئے آخری حد تک جائیں گے۔ پرویز خٹک نے کہا کہ شریف برادران اور ان کے درباریوں نے نہتے عوام پر ظلم کی حد کر دی ہے۔ اس طرح کا رویہ کوئی اپنے ازلی دشمن سے بھی نہیں رکھتا۔ ہم دہشتگرد نہیں تھے پر امن لوگ ہیں اور امن کی ضمانت لیکر اپنے قائد کے پاس اپنے ہی دارلحکومت میں جا رہے تھے۔ حکمرانوں کے عمل نے ثابت کر دیا ہے کہ وہ چھوٹے صوبوں کو ملک کا حصہ نہیں سمجھتے۔ ایسے لگ رہا تھا جیسے مقبوضہ کشمیر میں دشمن حملہ کر رہا ہو ۔ وزیر اعلیٰ نے کہا کہ اگر ہم نے اس چوری کے خلاف جدوجہد نہ کی تو ملک کمزور ہوتا چلا جائے گا۔ ہمارے حکمران صرف لوٹ مار کے لئے آتے ہیں ان کی چوری کی وجہ سے ہماری نسلیں بھی قرضدار رہیں گی۔ حکمرانوں کے بچے کھرب پتی بن گئے ان لوگوں کو کیا فکر ہے یہ ملک کو دیوالیہ بنا کر کل بھاگ سکتے ہیں۔ انہوں نے ملک کو دونوں ہاتھوں سے لوٹا ہے۔ ریاستی اداروں کو تباہ کیا ہے۔ غریب عوام پر ظلم کی انتہا کی ہے جب تلاشی کا وقت آتا ہے تو پھر اداروں کو استعمال کرتے ہیں ۔ وزیر اعلیٰ نے کہا کہ یہ لوگ کسی غلط فہمی میں نہ رہیں ہم ان کی تلاشی ہر حال میں لیں گے۔ برھان انٹر چینج پر پولیس کی مزاحمت سے متعلق وزیر اعلیٰ نے کہا کہ وہ گرفتاریوں سے ڈرنے والے نہیں ہیں۔ حکمرانوں کی بربریت کو دیکھ کار کارکنوں کو پیچھے رہنے کا کہا۔ ہمارے قائد عمران خان کا حکم تھا کہ وقتی طور پرپیچھے جائیں ہمیں اپنے کارکنوں کی جان عزیز ہے ہم نہیں چاہتے کہ ان کو کوئی نقصان پہنچے۔ نواز شریف ، شہباز شریف اور پنجاب پولیس اپنی چوری چھپانے کے لئے کچھ بھی کر سکتے ہیں عین ممکن تھا کہ وہ کارکنوں پر گولیا ں برسانے لگیں۔ کیونکہ ان کے سینے میں دل نہیں ہے انہیں انسانیت کا درد نہیں ہے اور نہ ہی انہیں اللہ کا خوف ہے اس وقت وہ اپنی فرعونیت اور بدمعاشی میں مست ہیں۔ وزیراعلیٰ نے واضح کیا کہ تحریک انصاف کے کارکنان اسلام آباد جانے پر بضد تھے ان کا دباؤ تھا کہ ہر حال میں اسلام آباد جائیں گے ۔ ظالموں سے وحشیانہ تشدد اور ظلم کا حساب لیں گے ۔ ہم واپس جانے والے نہیں ہیں۔ بڑی مشکل سے کارکنان کو سمجھا یا کہ ہم کسی صورت بھی قانون کو ہاتھ میں نہیں لیں گے۔ ہم امن کے داعی ہیں اور امن ہی ہمارا راستہ ہے ۔ ہم حکمرانوں سے ان کے ظلم کا حساب قانونی طریقے سے لیں گے۔وزیر اعلیٰ نے کہا کہ شہباز شریف نے کال کرکے کہا ہے کہ ہم دوست ہیں آپ اسلام آباد آ سکتے ہیں میں نے کہا کہ ایک طرف آپ چوری کریں، غنڈہ گردی کریں۔اور پھر کہتے ہیں کہ ہمارے اچھے تعلقات ہیں۔ اگر تعلقات اور دوستی کا لحاظ ہے تو بدمعاشی چھوڑو، غنڈہ گردی ختم کرو۔ یہ ہمارا بھی ملک ہے ہم اس میں غنڈہ گردی برداشت نہیں کریں گے۔ چوروں کی تلاشی لیکر دم لیں گے۔ ملک کوکرپشن سے پاک کریں گے اور غریب عوام کو ڈاکووٴں سے نجات دلائیں گے۔مزید متعلقہ خبریں پڑھئیے :
متعلقہ عنوان :
بدھ 2 نومبر 2016 کی مزید خبریں
-
پی ٹی آئی کا آ ج اسلام آباد میں جلسہ،پنجاب حکومت کا برہان انٹر چینج پر رکاوٹیں فوری ختم نہ کرنے کا فیصلہ
-
عمران خان صوبے کے حقوق کیلئے لڑیں گے تو انہیں اپنا کپتان مان لوں گا، اسفندیار ولی
-
عمران خان کے بعد بلاول بھٹو نے حکومت کیخلاف واقعی تحریک شروع کی تو کامیاب ہوسکتے ہیں، میں ساتھ دونگا ، نبیل گبول
-
حطار میں پاکستان کی تاریخ کی سب سے بڑی گیس چوری پکڑی گئی
-
کراچی، دہشت گردوں کو علاج معالجے کی سہولیات فراہم کرنے سے متعلق کیس
-
شیخ رشید نے جس طرح گاڑی پر چڑھ کر سگار لگایا انکا ایکسٹرا فین بن گیا ہوں ،عمران خان
-
شیخ رشید بہادر نکلنے لیکن ان کے اتحادی چھپ گئے،خواجہ آصف
-
نئی دہلی میں امریکی سفارتخانے میں دہشتگردحملے کاانتباہ
-
ڈونلڈ ٹرمپ نے ابتدائی سروے میں ہیلری کلنٹن پر سبقت حاصل کرلی
-
داعش نے موصل میں 40 افراد کو قتل کرکے ہزاروں کو یرغمال بنالیا
-
رولز روئس پر بھارتی ایجنٹ کو رشوت دینے کا الزام
-
سعودی فرمانروا نے اہم سرکاری عہدیداروں کو سبکدوش کردیا، بڑے پیمانے پر تقرریاں
-
سزائے موت پر محدود عمل درآمد کا سوچ رہے ہیں، ترک وزیراعظم
-
موزمبیق میں چار ٹانگوں والے بچے کی پیدائش
-
عراقی افواج کو بڑی کامیابی ، دولت اسلامیہ کے آخری گڑھ موصل میں داخل
-
وائٹ ہاوٴس کے مکین،موسیقی کی دھنوں پرجھوم اٹھے
-
پانامہ لیکس :سپریم کورٹ نے حکومت اور اپوزیشن سے ٹی او آرز مانگ لئے
-
تحریک انصاف کا2 نومبر کو دھرنا موخر کرنے کا اعلان
-
کسی کو فتح یا شکست نہیں پاکستان کی جیت ہوئی،چوہدری نثار
-
گڈانی میں شپ بریکنگ یارڈ میں بحری جہاز میں دھما کے، آگ لگنے سے جھلس کر ہلاکتوں کی تعداد14 ہو گئی،55 سے زائد زخمی
-
چوہدری نثار کی وزیراعظم نواز شریف سے ملاقات
-
احتجاج کی کامیابی پر تمام کارکنان (آج) پریڈ گراؤنڈ پہنچیں اور جشن منائیں ، ظالموں کا سورج غروب ہو رہاہے ، پرویز خٹک دیگر رہنماؤں کے ساتھ 10 گھنٹے آنسو گیس برداشت کرتے رہے ان کو خراج تحسین پیش کریں ... مزید
-
کنٹرول لائن پر بھارتی بلا اشتعال فائرنگ اور ہلاکتیں ، بھارتی ڈپٹی ہائی کمشنر کی دفتر خارجہ طلبی،شدید احتجاج ریکارڈ کرایا گیا
-
پلی بار گین کے نتیجے میں دھرنے کو اظہار تشکر میں تبدیل کردیا گیا، رحمان ملک
-
پرویز خٹک کا آج صبح دس بجے یوم تشکر منانے کے لیے اسلام آباد روانہ ہونے کا اعلان
-
میرے پاس تبصرہ کیلئے انا اللہ وانا الیہ راجعون سے بہتر الفاظ نہیں:ڈاکٹر طاہر القادری
-
وزیراعظم پانامہ معاملے کا جلد حل ،عدالت کے سامنے سرینڈرکرتے ہیں،خواجہ آصف
-
وزیراعظم سمیت800 ملزمان کیخلاف پانامہ کا مقدمہ درج کرنے کی درخواست خارج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.