مصطفیٰ کمال نے سانحہ 12 مئی اور بلدیہ ٹاوٴن کی ازسرنو تحقیقات کا مطالبہ کر دیا

دونوں واقعات میں گورنر سندھ ملوث ہیں، انکا نام ای سی ایل میں ڈال کر انہیں فوری گرفتار کیا جائے،چیئرمین پی ایس پی رشوت العباد کے خلاف اتنے ثبوت ہیں کہ گورنرکرپشن سیل کھولنا پڑے گا، بانی ایم کیو ایم اور عشرت العباد دونوں پاکستان کے لیے ناسور ہیں پہلاناسور بانی ایم کیوایم اوردوسراناسورعشرت العباد ہیں، گورنر صاحب اپنے کالے کرتوتوں اور گناہوں کے بوجھ کو ساتھ لے کر نامور لو گوں کے پیچھے چھپنا چاہتے ہیں،کراچی میں پریس کانفرنس

جمعہ 21 اکتوبر 2016 10:57

کراچی(اُردو پوائنٹ اخبارآن لائن۔21اکتوبر۔2016ء)پاک سرزمین پارٹی کے چیرمین مصطفیٰ کمال نے سانحہ 12 مئی اور بلدیہ ٹاوٴن کی ازسرنو تحقیقات کا مطالبہ کرتے ہوئے کہا کہ دونوں واقعات میں گورنر سندھ ملوث ہیں جب کہ عشرت العباد کا نام ای سی ایل میں ڈال کر انہیں فوری گرفتار کیا جائے،انہوں نے کہا کہ رشوت العباد کے خلاف اتنے ثبوت ہیں کہ گورنرکرپشن سیل کھولنا پڑے گا، بانی ایم کیو ایم اور عشرت العباد دونوں پاکستان کے لیے ناسور ہیں، پہلاناسور بانی ایم کیوایم اوردوسراناسورعشرت العباد ہیں، گورنر صاحب اپنے کالے کرتوتوں اور گناہوں کے بوجھ کو ساتھ لے کر نامور لو گوں کے پیچھے چھپنا چاہتے ہیں۔

کراچی میں پریس کانفرنس کرتے ہوئے پاک سرزمین پارٹی کے چیرمین مصطفیٰ کمال نے گورنرسندھ کی جانب سے لگائے گئے الزامات کو مسترد کرتے ہوئے کہا کہ مجھ پر لگائے گئے الزامات پر جے آئی ٹی بنائی جائے جب کہ سانحہ 12 مئی اور بلدیہ ٹاوٴن سانحہ کی ازسر نوتحقیقات کرائی جائیں اور میں دعوے سے کہتا ہوں کہ سانحہ بلدیہ ٹاوٴن کا سب سے بڑا مجرم عشرت العباد ہی نکلے گا جب کہ 12 مئی کے واقعے میں بھی گورنر سندھ ہی ملوث ہیں۔

(جاری ہے)

انہوں نے کہا کہ 12 مئی 2007 کو کمانڈ اینڈ کنٹرول روم گورنر ہاوٴس میں قائم تھا اور گورنر صاحب کراچی کی تمام انتظامیہ کو خود ڈیل کررہے تھے، رینجرز اور پولیس سمیت سب عشرت العباد کے ماتحت تھے اور اس وقت مشیرداخلہ وسیم اختر تھے جب کہ وسیم اختر نے خود کہا 12 مئی سے متعلق تمام اجلاس گورنر ہاوٴس میں ہوتے تھے۔چیرمین پی ایس پی کا کہنا تھا کہ ڈاوٴ یونیورسٹی میں عشرت العباد نے اپنے پرسنل سیکرٹری کو وائس چانسلر لگایا اور ان کے ساتھ ملکر اربوں روپے کی کرپشن کررکھی ہے، مسعود حمید کی بیوی کو پی ایچ ڈی کرایا جارہا ہے تاکہ وہ اگلی وائس چانسلر لگیں جب کہ عشرت العباد گورنر بننے کے بعد 5 سال تک برطانوی حکومت سے1 ہزار پاونڈ ماہانہ لیتے تھے اور گورنر سندھ عشرت العباد پرقتل سمیت 30 مقدمات بھی ہیں۔

انہوں نے وزیراعظم اور وزیرداخلہ سے مطالبہ کیا کہ عشرت العباد کی جائیدادوں کی تفصیلات حاصل کرکے اس کی انکوئری کی جائے اور ان دہری شہریت پرفوری کارروائی کی جائے جب کہ گورنرسندھ کا نام ای سی ایل میں ڈال کرانہیں گرفتار کیا جائے تاکہ وہ ملک سے فرار نہ ہونے پائیں۔مصطفیٰ کمال کا کہنا تھا کہ سانحہ12 مئی کو 53 افراد مارے گئے لیکن عشرت العباد پھر بھی گورنرشپ کے عہدے پر رہے اور انہیں 5 سال بعد کیوں سانحہ بلدیہ کے مجرم پکڑنے کا خیال آیا، عشرت العباد بانی ایم کیو ایم سے رابطے میں ہیں اورا نہیں محسن قرار دیتے ہیں۔

انہوں نے کہا کہ گورنر نے ایک طرف کہا میں اسٹیبلشمنٹ ہو ، دوسری طرف کہا کہ مجھ سے ڈرو لیکن ہم اللہ کے علاوہ کسی سے نہیں ڈرتے جب کہ میں نے کبھی نعمت اللہ خان کی برائی نہیں کی ،وہ میرے لیے محترم ہیں لیکن عشرت العباد ان کے پیچھے چھپننے کی کوشش نہ کریں، ہم انہیں چھپنے نہیں دیں گے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

عالمی شہرت یافتہ اداکار و کمپیئر معین اخترکی 13ویں برسی22اپریل کومنائی جائے گی

جمعہ 19 اپریل 2024 - 20:50

پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری

جمعہ 19 اپریل 2024 - 20:46

چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت

جمعہ 19 اپریل 2024 - 20:46

حکومت کا پیٹرولیم مصنوعات کی قیمتیں ڈی ریگولیٹ کرنے پر غور

جمعہ 19 اپریل 2024 - 20:35

انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی

جمعہ 19 اپریل 2024 - 20:27

اسلام آباد کے شہریوں کے لئے شروع کئے جانے والے ہائوسنگ کے منصوبوں کو ترجیحی بنیادوں پر مکمل کیا جائے گا ، کسی قسم کی کوتاہی برداشت نہیں کی جائے گی ..

جمعہ 19 اپریل 2024 - 20:27

مصطفیٰ کمال نے سانحہ 12 مئی اور بلدیہ ٹاوٴن کی ازسرنو تحقیقات کا مطالبہ کر دیا

مزید متعلقہ خبریں پڑھئیے‎ :

متعلقہ عنوان :

جمعہ 21 اکتوبر 2016 کی مزید خبریں