کولمبیا میں تاریخی امن معاہدہ طے پا گیا

کولمبیا میں گذشتہ 52 برسوں سے جاری خانہ جنگی کا خاتمہ، یورپی یونین نے بھی کولمبیا کے فارک باغیوں کو شدت پسند تنظیموں کی فہرست سے خارج کر دیا ، امید ہے معا ہدے سے ایک نئے دور کا آغاز ہوگا،کولمبین صدر

بدھ 28 ستمبر 2016 10:23

کارٹیجینا(اُردو پوائنٹ اخبارآن لائن۔28ستمبر۔2016ء)کولمبیا کی حکومت اور بائیں بازو سے تعلق رکھنے والے فارک باغیوں کے درمیان تاریخی امن معاہدہ پر دستخط کر دیے گئے ہیں۔اس امن معاہدے کے بعد کولمبیا میں گذشتہ 52 برسوں سے جاری خانہ جنگی کا خاتمہ ہو جائے گا۔اس معاہدے کے ساتھ ہی یورپی یونین نے کولمبیا کے فارک باغیوں کو شدت پسند تنظیموں کی اپنی فہرست سے خارج کر دیا ہے۔

کارٹیجینا میں فارک باغیوں کے لیڈر تمانشکو اور کولمبیا کے صدر یوان مینوئل سینٹوس نے معاہدے پر دستخط کیے۔دونوں رہنماوٴں نے اس معاہدے پر جس قلم سے دستخط کیے وہ گولی سے بنائی گئی تھی۔اقوام متحدہ کے سیکرٹری جنرل بان کی مون کے علاوہ لاطینی امریکی ممالک کے رہنما اس موقع پر موجود تھے۔کولمبیا کے صدر سینٹوس نے کہا کہ انہیں امید ہے کہ اس سے ایک نئے دور کا آغاز ہوگا۔

(جاری ہے)

صدر سینٹوس نے امن معاہدے کو ’جنگ کی تکالیف، دکھ اور المیے‘ کے خاتمے کا آغاز قرار دیا۔امن سمجھوتہ نافذ ہونے کے بعد یورپی یونین کولمبیا کی ترقی میں مدد کر سکے گا۔52 سال تک جاری رہنے والی خانہ جنگی میں ڈھائی لاکھ سے زیادہ لوگ مارے جا چکے ہیں جبکہ 60 لاکھ لوگ بے گھر ہوئے۔اب کولمبیا کے لوگ اگلے ماہ ہونے والے ریفرنڈم میں طے کریں گے کہ اس امن معاہدے کو تسلیم کیا جائے یا نہیں۔

معاہدے پر دستخط ی تقریب میں باغیوں کا نشانہ بننے والے افراد کے اہل خانہ نے بھی شرکت کی۔کولمبیا کی انقلابی مسلح افواج، جنھیں ہسپانوی زبان میں ان کے نام کے پہلے حروف کی وجہ سے فارک کے نام سے جانا جاتا ہے، ملک کی بائیں بازو سے تعلق رکھنے والی سب سے بڑی باغی تنظیم ہے۔اس کا قیام سنہ 1964 میں کمیونسٹ پارٹی کے مسلح ونگ کی حیثیت سے آیا تھا اور اس کے ارکان مارکسسٹ لیننسٹ نظریے کے پیرو کار ہیں۔

فارک کے ارکان گذشتہ 52 سال سے کولمبیا کی حکومت کے خلاف مسلح جدوجہد کرتے آ رہے ہیں اور یہ لاطینی امریکی کی طویل ترین مسلح تحریک ہے۔اس تنظیم نے بانی ارکان چھوٹے کاشت کار اور ہاری تھے جنھوں نے مشترکہ طور پر اس وقت کولمبیا میں پائی جانے والی انتہائی عدم مساوات کے خلاف جدوجہد کا آغاز کیا تھا۔اگرچہ فارک میں کچھ شہری گروپ بھی تھے لیکن یہ نصف صدی سے زائد عرصے پر محیط اپنی تاریخ میں بڑی حد تک دیہی چھاپہ مار تنظیم ہی رہی ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اقوام متحدہ میں فلسطین کی مکمل رکنیت کی قرارداد کو امریکہ نے ویٹو کر دیا

جمعہ 19 اپریل 2024 - 12:20

ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری

جمعرات 18 اپریل 2024 - 22:32

وزیراعظم سے یورپی یونین کی سفیر کی ملاقات

جمعرات 18 اپریل 2024 - 21:56

وزیراعظم محمد شہباز شریف سے پاکستان میں یورپی یونین کی سفیر کی ملاقات

جمعرات 18 اپریل 2024 - 21:54

صدر کا مشکل وقت میں پاکستان کا ساتھ دینے پر دوست ممالک بالخصوص سعودی عرب، متحدہ عرب امارات، چین، ترکی اور قطر کا شکریہ

جمعرات 18 اپریل 2024 - 21:02

ملکی مسائل کے حل کیلئے بامعنی مذاکرات اور پارلیمانی اتفاق رائے درکارہے، پولرائزیشن سے ہٹ کر عصر حاضر کی سیاست کی طرف بڑھنا ملکی ضرورت ہے، صدر مملکت ..

جمعرات 18 اپریل 2024 - 20:14

کولمبیا میں تاریخی امن معاہدہ طے پا گیا

مزید متعلقہ خبریں پڑھئیے‎ :

متعلقہ عنوان :

بدھ 28 ستمبر 2016 کی مزید خبریں