کشمیر بھارت کا حصہ ہے اور رہے گا،پاکستان اس کے خواب دیکھنا چھوڑ دے،بھارت کی ایک بار پھر ہرزہ سرائی

پاکستان بتائے بلوچستان میں کیا ہورہا ہے،جن کے شیشے کے گھر ہوں وہ کسی دوسرے کو پتھر نہ ماریں، گرفتار مبینہ پاکستانی دہشتگرد بہادر علی کا اعتراف اس بات کا ثبوت ہے کہ پاکستان سرحد پار دہشگردی میں ملوث ہے ،پاکستان کے وزیر اعظم نے جن شرطوں کی بات کی بتایا جائے وہ کیا ہیں! یہ کون سی شرطوں کی بات ہورہی ہے بھارتی وزیر خارجہ سشما سوراج کااقوام متحدہ کی جنرل اسمبلی سے خطاب

منگل 27 ستمبر 2016 10:47

نیویارک/نئی دہلی (اُردو پوائنٹ اخبارآن لائن۔27ستمبر۔2016ء )بھارتی وزیر خارجہ سشما سوراج نے پاکستان کے خلاف ایک بار پھر ہرزہ سرائی کرتے ہوئے کہا ہے کہ پاکستان بتائے بلوچستان میں کیا ہورہا ہے،جن کے شیشے کے گھر ہوں ان کو کسی کو پتھر نہیں مارنے چاہئیں، گرفتار مبینہ پاکستانی دہشتگرد بہادر علی کا اعتراف اس بات کا ثبوت ہے کہ پاکستان سرحد پار دہشگردی میں ملوث ہے،کشمیر بھارت کا حصہ ہے پاکستان اس کا خواب دیکھنا چھوڑدے،کشمیر بھارت کا حصہ تھا اوررہے گا۔

(جاری ہے)

بھارتی میڈیا کے مطابق اقوام متحدہ کی جنرل اسمبلی سے خطاب کرتے ہوئے وزیر خارجہ سشما سوراج نے کہا کہ بھارت کا سب سے بڑا مسئلہ غربت ہے،اڑی میں دہشگردوں نے حملہ کرکے معصوموں کا خون کیا ہے،پوری دنیا میں دہشتگردی کے واقعات سے ثابت ہوتا ہے کہ ہم اسے روکنے میں ناکام ہورہے ہیں،ان کو پناہ دینے والے کون ہیں؟نہ ان کا بینک ہے،نہ اسلحہ فیکٹریاں ہیں تو کون ہے وہ جو ان کو پیسہ،اسلحہ فراہم کررہے ہیں؟ہم سب کو دہشتگردی کے خلاف اکٹھا ہونا ہوگا،جو سرپرستی کررہے ہیں وہ اس کی سزا بھگت رہا ہے،جو ملک اس دہشتگردی کے خلاف کارروائی نہیں کررہا ہے تو ان کو الگ کردیا جائے،انہوں نے کہا کہ پاکستان کے وزیر اعظم نے جن شرطوں کی بات کررہے ہیں وہ بتایا جائے کیا شرط ہے! یہ کون سی شرطوں کی بات ہورہی ہے؟پاکستان بتائے بلوچستان میں کیا ہورہا ہے،جن کے شیشے کے گھر ہوں ان کو کسی کو پتھر نہیں مارنے چاہئیں، گرفتار مبینہ پاکستانی دہشتگرد بہادر علی کا اعتراف اس بات کا ثبوت ہے کہ پاکستان سرحد پار دہشگردی میں ملوث ہے،کشمیر بھارت کا حصہ اس کا خواب دیکھنا چھوڑدیں،جموں و کشمیر پاکستان کا حصہ تھا حصہ رہے گا