ایس ایس پی ملیر راوٴ انوار کیلئے عہدے سے معطلی کے بعد ایک اور مشکل کھڑی ہوگئی

سرکار کی مدعیت میں کاوٴنٹر ٹیررازم ڈیپارٹمنٹ کا نام استعمال کرنے پر مقدمہ درج کرنے کا فیصلہ

ہفتہ 17 ستمبر 2016 10:25

کراچی (اُردو پوائنٹ اخبارآن لائن۔17ستمبر۔2016ء)قائد حزب اختلاف خواجہ اظہار کو بلا اجازت اور قانونی تقاضے پورے کئے بغیر گرفتار کرنے پر ایس ایس پی ملیر راوٴ انوار کیلئے عہدے سے معطلی کے بعد ایک اور مشکل کھڑی ہوگئی، سرکار کی مدعیت میں کاوٴنٹر ٹیررازم ڈیپارٹمنٹ کا نام استعمال کرنے پر مقدمہ درج کرنے کا فیصلہ کرلیا گیا۔

(جاری ہے)

ذرائع کے مطابق پیپلزپارٹی کی اعلیٰ قیادت نے ایم کیو ایم پاکستان کے رہنماء اور سندھ اسمبلی میں اپوزیشن لیڈر خواجہ اظہار الحسن کو گرفتار کرنے والے ایس ایس پی ملیر راوٴ انوار کیخلاف سخت ایکشن کی ہدایت کردی، سندھ حکومت کو قانونی کارروائی کی بھی ہدایت کی، ساتھ ہی یہ بھی کہا گیا کہ اگر قانون کے مطابق کوئی مقدمہ بنتا ہے تو ایف آئی آر بھی کاٹی جائے۔

سندھ حکومت کی ہدایت پر راوٴ انوار کیخلاف سی ٹی ڈی اہلکاروں کی مدعیت میں محکمے کو بدنام کرنے پر مقدمہ درج کرنے کا فیصلہ کیا گیا ہے۔ ایف آئی آر میں موٴقف اختیار کیا جائے گا کہ راوٴ انوار نے خواجہ اظہار کے گھر چھاپے کیلئے سی ٹی ڈی کا نام استعمال کیا جس سے محکمے کی بدنامی ہوئی جبکہ چھاپے سے متعلق ضروری قانونی کارروائیاں نہیں کی گئیں، متعلقہ تھانے میں انٹری بھی نہیں کروائی گئی اور اہلکاروں نے اپنی شناخت کو بھی پوشیدہ رکھا۔

Facebook Twitter Google + Share on Whatsapp

ایس ایس پی ملیر راوٴ انوار کیلئے عہدے سے معطلی کے بعد ایک اور مشکل کھڑی ہوگئی

سرکار کی مدعیت میں کاوٴنٹر ٹیررازم ڈیپارٹمنٹ کا نام استعمال کرنے پر مقدمہ درج کرنے کا فیصلہ

ہفتہ 17 ستمبر 2016 کی مزید خبریں