فاقہ کشی اور کسمپرسی کی زندگی گزارنے کے بعد سعودی عرب میں پھنسے300کے قریب پاکستانیوں کی وطن واپسی
بے نظیر انٹرنیشنل ائر پورٹ پر 3گھنٹے سے زائد وقت تک ضابطے کی کاروائی مکمل ہونے کے بعد گھروں کو جانے کی اجازت دی گئی ، بڑی تعداد کو میڈیا سے اوجھل رکھ کر ائر پورٹ کے احاطے سے نکالا گیا، وطن واپس پہنچتے ہی سجدے میں گر گئے
ہفتہ 17 ستمبر 2016 11:21
راولپنڈی (اُردو پوائنٹ اخبارآن لائن۔17ستمبر۔2016ء) سعودی عرب میں مختلف تعمیراتی کمپنیوں سمیت 27پرائیوٹ کمپنیوں کے کنٹریکٹ منسوخ ہونے اورمالی خسارے کے نام پر کمپنیوں سے نکالے جانے کے بعد ایک سال سے فاقہ کشی اور کسمپرسی کی زندگی گزارنے کے بعد ریاض اوردمام میں پھنسے300کے قریب پاکستانی جمعہ کے روز وطن واپس پہنچ گئے ان پاکستانیوں کی واپسی نجی ائر لائن کی پرواز این ایل 714اور سعودی ائر لائن کی پرواز724کے ذریعے جمعہ کی دوپہر ہوئی بے نظیر انٹرنیشنل ائر پورٹ پہنچنے پر مذکورہ پاکستانیوں کو 3گھنٹے سے زائد وقت تک ضابطے کی کاروائی مکمل ہونے کے بعد گھروں کو جانے کی اجازت دی گئی جبکہ بڑی تعداد میں پاکستانیوں کو میڈیا سے اوجھل رکھ کر ائر پورٹ کے احاطے سے نکالا گیا وطن واپس پہنچنے والے پاکستانی ائر پورٹ پر پہنچتے ہی سجدے میں گر گئے اس موقع پر متاثرہ پاکستانیوں کے استقبال کے لئے ان کے عزیز و اقارب کی بڑی تعداد بھی ائر پورٹ پر موجود تھی دیار غیر سے آنے والے پاکستانی اپنے عزیز و اقارب سے لپٹ کر روتے رہے اس دوران ائر پورٹ پر رقت آمیز مناظر تھے سعودی عرب سے واپس وطن واپس آنے والے بعض پاکستانیوں نے ذرائع ابلاغ کے نمائندوں سے گفتگو کرتے ہوئے کہا کہ بن لادن کا کنٹریکٹ ختم ہونے اور مالی خسارے کے نام پر بندہونے والی بعض کمپنیوں کے متاثرہ سینکڑوں پاکستانی ایک سال سے وہاں کیمپوں اور کنٹینروں میں کسمپرسی کی زندگی گزارنے پر مجبور ہیں انہوں نے کہا کہ گزشتہ سال حج کے موقع پر کرین گرنے اور حاجیوں کے جاں بحق ہونے کے واقعہ کے بعد سعودی حکومت نے بن لاد ن کنسٹرکشن کمپنی کا کنٹریکٹ منسوخ کر دیا جس سے اس کمپنی میں کام کرنے والے سینکڑوں پاکستانیوں کے واجبات بھی رک گئے اسی طرح بعض کمپنیوں کا خسارہ ظاہر کر کے یہاں بھی پاکستانیوں کی تنخواہیں روکنے کے بعدانہیں کمپنیوں کے کفیلوں نے نکال دیا بیشتر پاکستانیوں کے واجبات کے ساتھ پاسپورٹ اور دیگر دستاویزات بھی کمپنیوں کے کفیل اپنے پاس دبا کر بیٹھے ہیں اس طرح ایک سال گزر جانے کے باوجود نہ تو سعودی حکومت نے اس جانب کوئی توجہ دی اور نہ ہی حکومت پاکستان نے اپنے شہریوں کی خبر لی انہوں نے کہا کہ واجبات ،پاسپورٹ اور دستاویزات کی واپسی کے لئے جب بھی سعودی حکومت یا پولیس سے رابطہ کیا تو یہ کہہ کر صاف انکار کر دیا جاتا کہ ہم خارجیوں کے لئے اپنے شہریوں کے خلاف کاروائی نہیں کر سکتے جبکہ سعودی عرب میں پاکستانی سفارتخانے سے رابطہ کرنے پر بھی کوئی شنوائی نہ ہوتی الٹا وہا تعینات اہلکار پیسوں کا مطالبہ کرتے انہوں نے کہا وہاں اب بھی سینکڑوں ایسے پاکستانی موجود ہیں جنہیں ان کی ملازمت سے نکال دیا گیا ہے اور انہیں گزشتہ9ماہ سے تنخواہ بھی نہیں ملی جس سے وہ شدید مشکلات کا شکا ر ہیں انہوں نے کہا کنٹینروں میں رہائش پذیر ان پاکستانیوں کے لئے نہ تو خوراک کا انتظام ہے اور نہ پینے کے پانی کی سہولت دستیاب ہے حتیٰ کہ کنٹینروں میں لگے ائر کنڈیشنڈ بھی خراب ہونے کے باعث لوگ جاگ کر راتیں گزارتے ہیں انہوں نے اوورسیز پاکستانیز فاؤنڈیشن اور وزارت کی سرد مہری پر بھی شدید تنقید کرتے ہوئے کہا کہ ان کے ساتھ سوتیلوں جیسا سلوک روا رکھا گیا انہوں نے اپیل کی کہ وہاں موجود مزید پاکستانیوں کی جلد واپسی کے لئے اقدامات کئے جائیں ۔
مزید متعلقہ خبریں پڑھئیے :
ہفتہ 17 ستمبر 2016 کی مزید خبریں
-
متحدہ قومی موومنٹ فاروق ستار اور لندن گروپ میں بٹ چکی ہے،خورشید شاہ
-
ایس ایس پی ملیر راوٴ انوار کیلئے عہدے سے معطلی کے بعد ایک اور مشکل کھڑی ہوگئی
-
ہم بند گلی میں داخل ہوئے نہ تنہا ، حقیقت میں حکومت تحریک انصاف سے خوفزدہ ہے ، شاہ محمود قریشی
-
واہگہ بارڈر پر پریڈ کے دوران گرنے والے بھارتی فوجی کی ویڈیو وائرل
-
پاکستانی طالبہ 20ستمبرکواقوام متحدہ جنرل اسمبلی اجلاس میں شرکت کریں گی
-
پاکستان اسٹاک مارکیٹ ملکی تاریخ میں پہلی مرتبہ ایک اورتاریخی سنگ میل عبورکرگئی
-
معیار ی پٹرول استعمال کرنے سے صارفین کو سالانہ اربوں روپے کی بچت ہوگی
-
گلوکار علی عظمت موٹر بائیک پر چین کا سفر کرنے کیلئے تیار
-
ایران جوہری پرزوں کی تفصیلات دے، یورپی یونین کا مطالبہ
-
سنوڈن امریکی صدارتی انتخابات میں ووٹ ڈالیں گے
-
جنوبی سوڈان سے نکلنے والے مہاجرین کی تعداد 10 لاکھ تک پہنچ گئی ہے، اقوام متحدہ
-
دو فلسطینیوں نے مغربی کنارے کے ایک بس اسٹاپ پر کار چڑھا دی، فائرنگ کے نتیجے میں ایک ہلاک
-
سابق اطالوی صدر چامپی انتقال کر گئے
-
بھارت میں کانگریس کو تاریخ کا سب سے بڑا جھٹکا
-
فرانس بھارت کو رافیل طیارے اور میٹیور میزائل دیگا
-
امریکہ اپنے حمایت یافتہ باغی گروپوں کو انتہا پسندوں سے الگ کرلے
-
معاہدے کے مطابق شامی فوج نے حلب کی ایک سڑک سے پسپائی اختیار کر لی
-
انقرہ میں قائم برطانوی ایمبیسی سکیورٹی خدشات کی بنا پر بند
-
مہمند ایجنسی، نماز جمعہ کے دوران خود کش دھماکہ،کم از کم 28 نمازی شہید، 31 زخمی
-
متحدہ قومی موومنٹ پاکستان کے رہنماء خواجہ اظہارالحسن کورہاکردیاگیا
-
وزیر اعظم سے آرمی چیف کی ملاقات ،دورہ امریکہ پر تفصیلی مشاورت
-
بھارت کا جبر اور بربریت قابل قبول نہیں، کشمیریوں کی حمایت جاری رکھیں گے، وزیر اعظم
-
ممبئی حملہ کیس،بھارت نے ایک سال بعد پاکستان کے خط کا جواب دیدیا ، دستاویزی ثبوت شیئر کرنے پر تیار
-
نواز شریف ٹولہ ملک کو قرضوں میں جکڑ کر غیر ملکی غلامی میں دینے کی پالیسی پر گامزن ہے،عمران خان
-
جنوبی افریقہ میں ائر سپیس اینڈ ڈیفنس نمائش، پاکستانی مشتاق طیاروں نے دھوم مچادی
-
پاکستان نے بھارتی وزیراعظم سمیت بھارتی اعلیٰ حکام کے بیانات کاسنجیدگی سے نوٹس لیا،اسحاق ڈار
-
رواں سال دوران حج 54پاکستانی حجاج کا انتقال ہوا، آج ہفتہ سے حاجیوں کی واپسی کا عمل شروع ہوگا
-
پاکستان کا افغان صدر اشرف غنی کے بیان پر عدم اطمینان کا اظہا ر
-
عارف والا،لیگی ٹکٹ ہولڈر سینکڑوں ساتھیوں سمیت پی ٹی آئی میں شامل
-
فاقہ کشی اور کسمپرسی کی زندگی گزارنے کے بعد سعودی عرب میں پھنسے300کے قریب پاکستانیوں کی وطن واپسی
-
وزیر اعظم نا اہل ہیں، افتخار محمد چوہدری نے اہلیت لاہورہائی کورٹ میں چیلنج کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.