سی پیک آج یا کل کیلئے نہیں، یہ قیامت تک چلے گا اور اس میں ارب ہا ڈالر مزید آئیں گے ،وزیر اعلی پنجاب
سی پیک چینی صدر کے” ون بیلٹ ون روڈ“ کے شاندار ویژن کا حصہ ہے جس قدر اس کی حمایت ہو رہی ہے ،اتنی مخالفت بھی سی پیک کیخلاف ہمسایہ ملک میں لابی کی جا رہی ہے ، مودی نے بلوچستان کے خلاف زبان درازی کی ہے اورنج لائن میٹروٹرین شفاف ترین عوامی منصوبہ ہے ، چین کی قیادت اور حکومت کو بھی اس منصوبے کی شفافیت پر پورا اعتماد ہے چینی حکومت میٹروٹرین کے منصوبے کے لئے اربوں روپے دے چکی ہے اور انہیں یقین ہے کہ منصوبے پر کام بھی اسی رفتار سے ہو گا پوری امید ہے کہ پاکستان میں میٹروریل کا یہ پہلا منصوبہ مشکلات و چیلنجز کے باوجود وقت پر مکمل ہو گا ،:شہباز شریف چائینیز لینگویج پروگرام ، شہباز شریف میرٹ سکالرشپ پروگرام اور نویں جماعت کے ہونہارطلباء و طالبات کے اعزاز میں تقریب سے خطاب
ہفتہ 10 ستمبر 2016 10:56
لاہور(اُردو پوائنٹ اخبارآن لائن۔10ستمبر۔2016ء ):وزیر اعلی پنجاب محمد شہباز شریف نے کہا ہے کہ پنجاب حکومت پاکستان کے روشن مستقبل پر سود مند سرمایہ کاری کر رہی ہے - پی ایچ ڈی کیلئے بیرون ملک پچاس بہترین یونیورسٹیوں میں جانے والے طلباء و طالبات اور چینی زبان سیکھنے چین جانے والے 130 طلباء و طالبات کا انتخاب خالصتا میرٹ اور اہلیت کی بنیاد پر کیا گیا ہے - بیرون ملک جانے والے قوم کے ان ہونہار بیٹوں اور بیٹیوں نے بغیر سفارش، بغیر رشوت،بغیر دھاندلی اور بغیر ملی بھگت اپنی محنت کے بل بوتے پر یہ سکالرشپس حاصل کئے ہیں - انشاء اللہ جب یہ بچے اور بچیاں تعلیم حاصل کرنے کے بعد واپس آئیں گے تو پاکستان کی ترقی اور خوشحالی میں اپنا بھرپور کردار ادا کریں گے - وزیر اعلی شہباز شریف نے ان خیالات کا اظہار ایوان وزیر اعلی میں چیف منسٹرز چائینیز لینگویج سکالرشپ پروگرام ، شہباز شریف میرٹ سکالرشپ پروگرام اور نویں جماعت کے امتحان میں 505 میں سے 500نمبر حاصل کرنے والے 18 طلباء و طالبات کے اعزاز میں منعقدہ تقریب سے خطاب کرتے ہوئے کیا- وزیر اعلی نے پی ایچ ڈی او رچینی زبان سیکھنے کے لئے بیرون ملک جانے والے طلباء و طالبات کے ساتھ نویں جماعت کے امتحان میں نمایاں نمبر حاصل کرنے والے طلباء و طالبات کو بھی مبارکباد دی-چین کے قونصل جنرل یوبورن، صوبائی وزراء ذکیہ شاہنواز ، رانا مشہود احمد، یونیورسٹیز کے وائس چانسلرز، اساتذہ ، دانشور ، کالم نگار ، طلباء و طالبات کے والدین کے علاوہ طلباء و طالبات کی بڑی تعداد بھی اس موقع پر موجود تھی- وزیر اعلی نے چینی زبان سیکھنے کیلئے چین جانے والے طلباء و طالبات، پی ایچ ڈی کے لئے دنیا کی نامور یونیورسٹیوں میں جانے والے طلباء وطالبات اور نویں جماعت کے امتحان میں 500 سے زائد نمبر حاصل کرنے والے طلباء وطالبات کو لیپ ٹاپ بھی دیئے- وزیر اعلی نے تقریب سے خطاب کرتے ہوئے کہا کہ آج کی تقریب ان ذہین اور قابل طلباء و طالبات کے اعزاز کیلئے منعقد کی گئی ہے جنہوں نے محنت ، میرٹ اور شفافیت کے ذریعے یہ مقام حاصل کیا ہے - پنجاب حکومت اپنے اخراجات پر 500 طلباء و طالبات کو چینی زبان سکھانے کے لئے چین بھجوا رہی ہے - 66 طلباء و طالبات پر مشتمل پہلا بیج بیجنگ میں چینی زبان سیکھ رہا ہے جبکہ 130 طلباء و طالبات کا یہ بیج بھی چینی زبان سیکھنے جلد بیجنگ جا رہا ہے - اسی طرح پی ایچ ڈی کیلئے 33 طلباء و طالبات کا انتخاب کیا گیا ہے اور یہ طلباء و طالبات کیمرج ، آکسفورڈ امپیریل یونیورسٹی ، نیشنل یونیورسٹی سنگا پور اور دنیا کی دیگر نامور یونیورسٹیوں میں پی ایچ ڈی کریں گے - پنجاب حکومت اس ضمن میں ان طلباء وطالبات پر جو خرچہ کر رہی ہے وہ اخراجات نہیں بلکہ قوم کے روشن مستقبل پر سود مند سرمایہ کاری ہے - چینی زبان سیکھ کر پاکستان واپس آنے والے طلباء و طالبات پاکستان اور چین کے مابین ایک پل کا کردار ادا کریں گے کیونکہ اس پروگرام میں پاکستان کے دیگر صوبوں کے بچو ں اور بچیوں کو بھی شامل کیا گیا ہے - اس طرح بیجنگ کا لاہور ، کوئٹہ ، پشاور اور کراچی کے درمیان رابطہ مضبوط ہو گا اور ترقی اور خوشحالی کا سفر مزید تیز ہو گا - مجھے یقین ہے کہ پاکستان کے یہ بچے و بچیاں ترقی اور خوشحالی کے سفر کو مزید آگے بڑھائیں گے اور ترقی کے نئے مینار کھڑے کریں گے - انہوں نے کہا کہ پاکستان کے یہ ہونہار بچے اور بچیاں سی پیک کو آگے بڑھانے میں ممدومعاون ثابت ہوں گے - کیونکہ میں سمجھتا ہوں کہ زبان سیکھنے کی اہمیت اپنی جگہ مسلمہ ہے اورزبان سیکھ کر ہمیں ایک دوسرے کی اقدار، معاشرتی پہچان اور سماجی تعلقات کو سمجھنے میں مدد ملتی ہے -چینی زبان سیکھ کر 500 بچے و بچیاں جب پاکستان کے کونے کونے میں پھیلیں گے تو یہ ایک بڑے پل کا کام کریں گے اور اس لئے حکومت پنجاب نے ان بچوں کو چینی زبان سیکھنے کے لئے بیجنگ بھجوانے کا انقلابی اقدام اٹھایا ہے - ان بچوں اور بچیوں کی وجہ سے سی پیک میں بے پناہ اضافہ ہو گا - سی پیک آج یا کل کیلئے نہیں یہ قیامت تک چلے گا اور اس میں ارب ہا ڈالر مزید آئیں گے - وزیر اعلی نے کہا کہ سی پیک بھی چین کے صدر شی جن پنگ کے” ون بیلٹ ون روڈ“ کا حصہ ہے لیکن جس قدر اس شاندار ویژن کی حمایت ہو رہی ہے اس کی مخالفت بھی اتنی شدید ہو چکی ہے اور ہمسایہ ملک میں اس کے خلاف لابی کی جا رہی ہے اور یہی وجہ ہے کہ ہماری بندرگاہ کے سامنے ایک اور بندرگاہ بنائی جارہی ہے اور اس ضمن میں مختلف ملکوں کا گٹھ جوڑ سامنے آرہا ہے کیونکہ سی پیک بھارت سمیت بعض ممالک کو ایک آنکھ نہیں بھاتااور یہ عظیم الشان منصوبہ ان کے پیٹ میں درد کر رہا ہے - خاص طور پر بھارت کے وزیر اعظم مودی نے بلوچستان کے خلاف زبان درازی کی ہے - وزیر اعلی نے کہا کہ سی پیک سے پاکستان کی معیشت کو جو تقویت اور طاقت ملے گی، مجھے یقین ہے اس سے پاکستان بھارت سے آگے نکل جائے گا اور اپنا لوہا منوائے گا- وزیر اعلی نے طلباء وطالبات کیلئے چین کے ویزوں کے اجراء میں بھرپور تعاون پر چینی قونصل جنرل یوبورن کا شکریہ ادا کرتے ہوئے طلباء و طالبات پر زور دیا کہ وہ اپنی تمام تر صلاحیتو ں اور محنت کے ساتھ چینی زبان سیکھیں اور چین میں ہونے والی ترقی کا مشاہدہ کریں کیونکہ آپ نے اس سرمایہ کاری کو پاکستان کو واپس کرنا ہے جو آپ پر کی جا رہی ہے لہذا آپ کی ذمہ داری ہے کہ چین میں تعلیم کے دوران وقت کی پابندی کریں اور پاکستانی اقدار کو ملحوظ خاطر رکھیں کیونکہ آپ چین میں پاکستان کے عظیم سفیر ہیں اور آپ نے کردار اور گفتار سے اس بات کو ثابت کرنا ہے - انہوں نے کہا کہ سی پیک چین کا پاکستان کے لئے ایک عظیم تحفہ ہے اور سی پیک کے منصوبوں پر جس تیز رفتاری سے کام ہو رہا ہے اس کی مثال ماضی میں نہیں ملتی- بہاولپور سولر پارک میں برق رفتاری سے سولر منصوبہ مکمل کیا گیا ہے - اسی طرح ساہیوال میں 1320 میگا واٹ کے کول پاور پراجیکٹ پر برق رفتاری سے کام کیا جا رہا ہے اور یہ منصوبہ 2017 ء کے وسط میں مکمل ہو جائے گا - سی پیک کے منصوبے سے ملک کے اندھیرے چھٹیں گے اور معیشت کا پہیہ تیزی سے گھومے گا ، زراعت اور صنعت کے شعبے ترقی کریں گے - انہوں نے کہا کہ اللہ تعالی کے فضل و کرم اور چین کے صدر شی جن پنگ ، چین کے وزیر اعظم ، چینی سفیر او رچینی عوام نے یہ عظیم الشان منصوبہ دے کر پاکستان کے عوام کی بھرپور مدد کی ہے اور اب اس منصوبے پر دن رات کام جاری ہے - اورنج لائن میٹروٹرین کے منصوبے کا ذکر کرتے ہوئے وزیر اعلی نے کہا کہ یہ شفاف ترین عوامی منصوبہ ہے اور چین کی قیادت اور حکومت کو بھی اس منصوبے کی شفافیت پر پورا اعتماد ہے -یہی وجہ ہے کہ چینی حکومت میٹروٹرین کے منصوبے کے لئے اربوں روپے دے چکی ہے اور انہیں یقین ہے کہ منصوبے پر کام بھی اسی رفتار سے ہو گا - یہ وہ منصوبہ ہے جس پر ایک مزدور ، بیوہ، کلرک ، طلباء و طالبات ، صحافی، سیاستدان ، اساتذہ ، وائس چانسلر، جج اور جرنیل بھی سفر کریں گے - مجھے پوری امید ہے کہ پاکستان میں میٹروریل کا یہ پہلا منصوبہ مشکلات و چیلنجز کے باوجود وقت پر مکمل ہو گا اور ٹرانسپورٹ نظام میں ایک انقلابی تبدیلی کا پیش خیمہ بنے گا-اگرچہ عدالت عالیہ نے کچھ مقامات پر سٹے آرڈر دیا ہے وہاں پر کام نہیں ہو رہا لیکن اس منصوبے کے دیگر مقامات پر دن رات کام جاری ہے اور ہم عدالت عالیہ کے فیصلے کے خلاف سپریم کورٹ میں اپیل دائرکر رہے ہیں- میں سمجھتا ہوں کہ 27 کلومیٹر طویل میٹروٹریک کے سول ورکس کو مکمل کرنا ایک چیلنج رہے گا لیکن عوام کی دعاؤں سے یہ منصوبہ وقت پر مکمل کرلیا جائے گا کیونکہ یہ لاہور یا پنجاب کا نہیں بلکہ پورے پاکستان کا منصوبہ ہے اور چین نے میٹروٹرین کا منصوبہ پاکستانی قوم کو تحفہ کے طور پر دیا ہے اور ہم پاکستان کے عوام اور چین کی توقعات پر پورا اتریں گے - وزیر اعلی نے کہا کہ جس طرح نویں جماعت کے ہونہار طلباء و طالبات نے 505 میں سے 500 سے زائد نمبر لئے ہیں، اگر اسی طرح کی مسابقت اور امنگ زندگی کے ہر شعبے میں پیدا ہو جائے تو کوئی پاکستان کا راستہ نہیں روک سکتاکیونکہ یہ محنت ، دیانت اور میرٹ کا راستہ ہے - صوبائی وزیر ہائر ایجوکیشن بیگم ذکیہ شاہنواز نے تقریب سے خطاب کرتے ہوئے کہا کہ پنجاب ایجوکیشنل انڈوومنٹ فنڈ کے ذریعے کم وسیلہ اور ذہین طلباء و طالبات کیلئے اعلی تعلیم کے دروازے کھول دیئے گئے ہیں اور وزیر اعلی شہباز شریف کی قیادت میں اس فنڈ کا حجم 17 ارب روپے ہو چکا ہے جس سے ڈیڑھ لاکھ طلباء و طالبات کو وظائف دیئے جا رہے ہیں جبکہ مزید 50 ہزار طلباء و طالبات کو وظائف دیئے جائیں گے - یونیورسٹی آف ایجوکیشن کے وائس چانسلر پروفیسر ڈاکٹر رؤف اعظم نے کہا کہ وزیر اعلی شہباز شریف نے چینی زبان سیکھنے کے لئے 500 طلباء و طالبات کو چین بھجوانے کی ہدایت کی ہے - طلباء و طالبات کا انتخاب بغیر سفارش مکمل طور پر شفافیت پر مبنی میرٹ کے نظام پر کیا گیا ہے - پنجاب ایجوکیشنل انڈوومنٹ فنڈ کے وائس چیئرمین ڈاکٹر امجد ثاقب نے کہا کہ وزیر اعلی شہباز شریف نے ان بچوں اور بچیوں کے سر پر دست شفقت رکھا ہے جو وسائل کی کمی کی بنا پر تعلیم حاصل نہیں کر سکتے تھے- یہ ایثار، قربانی اور اخوت کی وہ فصل ہے جو جب کٹے گی تو بردباری اور تحمل پر مبنی معاشرے کی تعمیر میں ممدو معاون ثابت ہو گی-چین کے قونصل جنرل یوبورن نے کہا کہ وزیر اعلی شہباز شریف جو کہتے ہیں وہ کر دکھاتے ہیں اور چین کی قیادت اور عوام میں بھی شہباز شریف پاکستان کے عوام کی طرح بہت مقبول اور ہردلعزیز ہیں - شہباز شریف مین آف ایکشن ہیں اور ان کا تعلیم کے شعبے کی بہتری کیلئے ویژن قابل ستائش ہے - انہوں نے کہا کہ سی پیک کے تحت پنجاب میں ایک مثالی سپیڈ کے ساتھ منصوبوں پرکام ہو رہا ہے - قائد اعظم سولر پارک بہاولپور میں 300 میگا واٹ کا سولر منصوبہ برق رفتاری سے مکمل کیا گیا ہے - اسی طرح ساہیوال میں 1320 میگا واٹ کول پاور پراجیکٹ پر 65 فیصد سول ورکس مکمل ہو چکا ہے اور یہ منصوبہ 2017 کے وسط میں مکمل ہو جائے گا - انہوں نے کہا کہ لاہور اورنج لائن میٹرو ٹرین کے منصوبے پر بھی انتہائی تیزی سے کام جاری ہے اور مجھے امید ہے کہ یہ منصوبہ مقررہ مدت میں مکمل ہو گا- وزیر اعظم محمدنواز شریف اور وزیر اعلی پنجاب محمد شہباز شریف کا نام پاک چین دوستی کو عروج پر پہنچانے کے حوالے سے ہمیشہ یاد رکھا جائے گا-
مزید متعلقہ خبریں پڑھئیے :
متعلقہ عنوان :
ہفتہ 10 ستمبر 2016 کی مزید خبریں
-
وزیراعظم نے پچھلے سال کی نسبت 4 لاکھ روپے کم ٹیکس دیا
-
وفاق کی طرف سے چھوٹے صوبوں کے ساتھ نا انصافی نا قابل فہم ہے ،پرویز خٹک
-
لاہور ، اہم مقامات پرچندوزتک دہشتگردحملوں کاخطرہ، صوبائی وزارت داخلہ نے مراسلہ جاری کردیا
-
”سفارش نہ رشوت،میرٹ کا ثمر، کلرک کا بیٹا سکالرشپ پر کیمرج سے پی ایچ ڈی کیلئے منتخب
-
سول ہسپتال کوئٹہ میں معصوم بچے کے ساتھ زیادتی کی ایف آئی آردرج
-
نیب سے سیدقائم علی شاہ کیخلاف کاروائی کامطالبہ کیاہے،لیاقت علی جتوئی
-
تیمرگرہ، پی ٹی آئی تحصیل کے صدارتی اُ میدوار عظیم اللہ خان کی لاش بر آمد،وجہ قتل معلوم نہ ہو سکی
-
پاکستان اسٹاک مارکیٹ ملکی تاریخ میں پہلی مرتبہ ایک اورتاریخی سنگ میل عبوکرگئی
-
ان فٹ کھلاڑیوں کو ٹیم میں برداشت نہیں کروں گا :مکی آرتھر
-
سمارٹ اسکوٹر کے ذریعے کعبہ کا طواف جائز ہے، سعودی عالم دین
-
سپین میں ٹرین حادثہ، کم از کم تین افراد ہلاک
-
افغان فورسز نے ترین کوٹ کے متعدد مقامات سے طالبان کو پسپا کردیا
-
انقلابی لیڈر ماوٴزے تنگ کی چالسیویں برسی منائی گئی
-
پیرس ، مہاجرین کے لیے پہلا شیلٹر ہاوٴس اکتوبر کے وسط سے فعال کر دیا جائے گا
-
بھارت‘ اڑیسہ میں بس پل سے گر گئی‘ 16 افراد ہلاک‘ 30 سے زائد زخمی
-
شنگھائی: نئی حکومتی اراضی پابندیوں بارے افواہیں پھیلانے والے سات افراد گرفتار
-
چین اور امریکہ کی جانب سے شمالی کوریا کے ایٹمی تجربے کی بھرپور مذمت
-
وزیراعظم کی زیر صدارت قومی سلامتی کے حوالے سے اہم اجلاس
-
پنجاب میں دہشت گرد و کالعدم تنظیموں کیخلاف کارروائی کیلئے 2 ماہ کیلئے رینجرز طلب
-
وفاقی کابینہ نے اقتصادی راہداری اور سائبر کرائم بل سمیت18نکات کی منظوری دیدی
-
رائے ونڈ مارچ محرم سے پہلے ہوگا تاریخ میں ردوبدل ہوسکتی ہے،عمران خان
-
رمضان شوگر مل سے 3سو سے زائد لیٹر انڈیا میں پاکستانی ہائی کمشنر کو بھجوائے گئے،پولیس رپورٹ اور چیکنگ سے استثنیٰ کی ہدایت کی گئی ،طاہرالقادری کا انکشاف
-
ایران اقتصادی راہداری میں بھرپور شرکت اور میگا پراجیکٹس، ریلوے اور ڈیموں میں سرمایہ کاری کرنا چاہتا ہے،مہدی ہنردوست
-
سی پیک آج یا کل کیلئے نہیں، یہ قیامت تک چلے گا اور اس میں ارب ہا ڈالر مزید آئیں گے ،وزیر اعلی پنجاب
-
ڈاکٹر امجد کی ایم کیو ایم پاکستان کو پرویز مشرف کی قیادت میں آنے کی دعوت
-
ملک کا سب سے زیادہ ٹیکس ادا کرنے والا شہری ہوں، جہانگیر ترین
-
بھارتی فوجی سربراہ دلبیر سنگھ کا دورہ مقبوضہ کشمیر ، فوج کی تعداد میں اضافے کا فیصلہ
-
شریف فیملی کی ملکیتی رمضان شوگر ملزم چنیوٹ کا تمام اکاؤنٹس اور ملازمین کا ریکارڈ جلا دیا گیا
-
مناسک حج آج شروع ہو ں گے ‘ سعودی حکومت نے تمام انتظامات مکمل کر لئے
-
انڈیاکی این ایس جی رکنیت:پاکستانی تحفظات کی امریکی کانگریس میں گونج
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.