لاہور،تحریک انصاف کااحتساب مارچ 7گھنٹے میں شاہدرہ پہنچا
سست رفتاری کی وجہ عوام کاہجوم تھاجوقائدین کے ٹرک کے ہمراہ تھا ہم نے جنگ جیت لی توملک ٹھیک ہوجائے ا،ہمیں کرپشن کے بادشاہ کوبتاناہے کہ نوازشریف کواب چھوڑنانہیں،عمران خان کاخطاب
لاہور (اُردو پوائنٹ اخبارآن لائن۔4ستمبر۔2016ء) آخری اطلاعات تک پاکستان تحریک انصاف کا احتساب مارچ 12 بجکر 12منٹ پر جی پی او چوک پہنچا۔ شاہدرہ سے روانہ ہوکر جی پی او چوک تک احتساب مارچ نے 7 گھنٹے میں اپنا سفر طے کیا۔ سست رفتاری کی و جہ عوام کا وہ ہجوم تھا جو قائدین کے ٹرک کے ہمراہ تھا۔ عمران خان کا احتساب مارچ جب جی پی او چوک پہنچا تو ان کا وکلاء برادری جس کی قیادت ممتاز قانون دان حامدخان کررہے تھے نے بھرپور انداز میں استقبال کیا جہاں عمران خان نے خطاب کرتے ہوئے کہا کہ اگر ہم نے جنگ جیت لی تو ملک ٹھیک ہو جائے گا۔
انہوں نے کہا کہ ہمیں کرپشن کے بادشاہ کو بتاناہے۔ انہوں نے کہا کہ نواز شریف کو اب چھوڑنا نہیں انہوں نے عوام کے اربوں روپے لوٹ لیے پاکستان کے عوام غربت اور بے روزگاری میں پس رہے ہیں چوروں اور ڈاکوؤں کو پاکستان کا انصاف نہیں پکڑ رہا اب ہم نے ان کو پکڑنا ہے۔(جاری ہے)
رات تقریباً ساڑھے بارہ بجے پاکستان عوامی تحریک کے کارکنوں کی بڑی تعداد جی پی او چوک میں احتساب مارچ میں شامل ہوگی۔
عوامی تحریک کے نوجوانوں نے پارٹی پرچم اٹھا رکھے تھے جو اپنے قائد طاہر القادری کی حمایت اور حکومت کے خلاف نعرے لگا رہے تھے۔ عمران خان کے یہاں چوتھے مختصر خطاب کے بعد عمران خان کی قیادت میں یہ قافلہ فیصل چوک کی طرف روانہ ہو گیا۔ یہاں یہ امر بھی قابل ذکر ہے کہ شاہدرہ سے پی ٹی آئی کے احتساب مارچ کے روانہ ہوتے ہی شاہدرہ پر ٹریفک بحال کردی گئی، کنٹینر ہٹا دیئے، کنٹینروں کی وجہ سے جی ٹی روڈ پر لگی ہوئی لمبی قطاروں نے سکھ کا سانس لیا۔ قافلے کی روانگی کے وقت پاکستان پیپلزپارٹی کی شاہدرہ اور پاکستان مسلم لیگ (ق) کے کارکنوں کی کثیرتعداد نے اپنے پارٹی پرچموں کے ساتھ شمولیت اختیار کی۔مزید متعلقہ خبریں پڑھئیے :
متعلقہ عنوان :
ABOUT US
Our Network
Who We Are
Site Links: Ramadan 2024 - Education - Urdu News - Breaking News - English News - PSL 2024 - Live Tv Channels - Urdu Horoscope - Horoscope in Urdu - Muslim Names in Urdu - Urdu Poetry - Love Poetry - Sad Poetry - Prize Bond - Mobile Prices in Pakistan - Train Timings - English to Urdu - Big Ticket - Translate English to Urdu - Ramadan Calendar - Prayer Times - DDF Raffle - SMS messages - Islamic Calendar - Events - Today Islamic Date - Travel - UAE Raffles - Flight Timings - Travel Guide - Prize Bond Schedule - Arabic News - Urdu Cooking Recipes - Directory - Pakistan Results - Past Papers - BISE - Schools in Pakistan - Academies & Tuition Centers - Car Prices - Bikes Prices