پا ک ریلوے ، پی آئی اے ، بنکوں سمیت صوبائی وفاقی اداروں میں قائم معمر افراد اور خواتین کیلئے کاونٹر ختم

منگل 23 اگست 2016 10:40

پشاور(اُردو پوائنٹ اخبارآن لائن۔23اگست۔2016ء)پاکستان ریلوے ، پی آئی اے ، بنکوں سمیت صوبائی وفاقی اداروں میں قائم معمر افراد اور خواتین کے لئے کاونٹر کو ختم کر دیاگیا ہے ۔ کاونٹر ختم ہونے کے باعث معمر افراد اور خواتین کو شدید ترین مشکلات کاسامناکرنا پڑ رہاہے۔ اور لائنوں میں معمر افراد اور خواتین کھڑے ہوتے ہیں ۔

(جاری ہے)

معمر افراد کے لئے کاونٹر ختم ہونے کے باعث بنکوں میں معمر افراد کے گر جانے کے واقعات بھی رونماء ہو رہے ہیں ۔

سابق صدر پرویز مشرف کے دور حکومت میں وفاقی ، صوبائی حکومتوں ، اداروں ، بنکوں میں معمر افراد اور خواتین کے لئے علیحدہ کاونٹر ز قائم کئے گئے تھے تاکہ انہیں مشکلات کا سامنا نہ کرنا پڑے ۔ تاہم ان اداروں کی غفلت کے باعث کاونٹرز کو اداروں نے اپنے مرضی سے ختم کردیا ہے جس کے باعث معمر افراد اور خواتین نے شدید احتجاج کیا ہے