وزیر اعظم نے پی آئی اے کی نئی پریمئر سروس کا افتتاح کر دیا
پی آئی اے حکام کی وزیر اعظم کو بریفنگ ،وزیر اعظم نے مسافروں سے پریمئر سروس سے متعلق آراء لیں، پریمئر سروس کیلئے طیارے سری لنکا سے لئے گئے، عملے کو تربیت بھی سری لنکن ماہرین نے دی
اسلام آباد (اُردو پوائنٹ اخبارآن لائن۔15اگست۔2016ء) وزیر اعظم نواز شریف نے پاکستان انٹرنیشنل ایئرلائنز کی نئی پریمئر سروس کا افتتاح کر دیا ہے پریمئر سروس میں مسافروں کے لئے سہولیات میں اضافہ کیا گیا ہے پریمئر سروس کی پہلی پرواز اسلام آبا د سے لندن روانہ ہو گئی ہے وزیر اعظم نے پریمئر سروس کے مسافروں کو رخصت کیا ۔ وزیر اعظم نواز شریف نے مسافروں سے پریمئر سروس سے متعلق آراء لیں جبکہ مسافروں نے پی آئی اے کی پریمئر سروس کے آغاز پر مسرت کا اظہار کیا اس موقع پر قومی ایئرلائن حکام کی جانب سے وزیر اعظم نواز شریف کو بریفنگ دی گئی جس میں انہیں بتایا گیا کہ پریمئر سروس کے لئے طیارے سری لنکن سے ویٹ پر لئے گئے ہیں جبکہ پریمئر سروس کے عملے کو تربیت بھی سری لنکن کے ماہرین نے دی پریمئر سروس کی پہلی پرواز میں کرائے بھی معمول کے مطابق ہیں بریفنگ میں مزید بتایا گیا کہ جدید طیارے A330 میں وائی فائی کی سہولت موجود ہے ۔
(جاری ہے)
مزید متعلقہ خبریں پڑھئیے :
