ترک فوجی بغاوت کی کوشش میں امریکا ملوث نہیں، امریکی سفیر

امریکا نے ترکی میں پیش آنے والے واقعات کی منصوبہ بندی یا حمایت نہیں کی، نہ ہی اسے ان غیر آئینی سرگرمیوں کی پیشگی اطلاع تھی، اس لیے اب یہ باب بند ہونا چاہیے، وضاحت

اتوار 7 اگست 2016 12:02

استنبول( اُردو پوائنٹ اخبارآن لائن۔7اگست۔2016ء ) ترکی میں تعینات امریکی سفیر نے ایک بار پھر، گزشتہ ماہ ترکی میں فوجی بغاوت کی ناکام کوشش میں امریکا کے ملوث ہونے کے الزامات کی تردید کی ہے۔ غیر ملکی خبررساں ادارے کے مطابق امریکی سفیر کا کہنا تھا کہ ’میں بس یہ کہنا چاہتا ہوں، جیسا کہ میں پہلے بھی کہہ چکا ہوں اور واشنگٹن سے بھی یہ بیان سامنے آچکا ہے کہ امریکا نے 15 جولائی کی رات ترکی میں پیش آنے والے واقعات کی منصوبہ بندی یا حمایت نہیں کی اور نہ ہی اسے ان غیر آئینی سرگرمیوں کی پیشگی اطلاع تھی، اس لیے اب یہ باب بند ہونا چاہیے۔

‘ان کا کہنا تھا کہ انہیں اپنے ملک پر اس حوالے سے لگنے والے الزامات پر گہرا دکھ اور افسوس ہے۔واضح رہے کہ ترک صدر رجب طیب اردگان اور ان کی حکومت نے فوج کے ایک گروپ کی جانب سے بغاوت کی ناکام کوشش کا الزام امریکا میں مقیم مبلغ فتح اللہ گولن پر عائد کرتے ہوئے امریکا سے ان کی حوالگی کا مطالبہ کیا تھا۔

(جاری ہے)

ان الزامات کے بعد ترکی کے امریکا اور بغاوت کی سازش میں ملوث ہونے کے شبے میں سیکڑوں فوجیوں، ججوں اور دیگر افراد کی گرفتاری کے بعد یورپی یونین سے تعلقات کشیدہ ہوگئے تھے۔

رجب طیب اردگان نے مغرب پر بغاوت کی منصوبہ بندی کرنے والوں کی مدد کا الزام عائد کیا تھا اور امریکا کو خبردار کیا تھا کہ اگر اس نے فتح اللہ گولن کو حوالے نہیں کیا تو دونوں ممالک کے تعلقات خراب ہوسکتے ہیں۔فوجی بغاوت کی کوشش کے بعد ترکی کے وزیر محنت سلیمان سولو نے تو امریکا پر یہ تک الزام لگایا تھا کہ وہی اس کوشش کے پیچھے ہے، جبکہ ترک آرمی کے سابق چیف ِالکر باسبْگ نے دعویٰ کیا کہ امریکا کی سینٹرل انٹیلی جنس ایجنسی (سی آئی اے) کا بھی اس سازش کے پیچھے ہاتھ ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری

جمعرات 18 اپریل 2024 - 22:32

صدر کا مشکل وقت میں پاکستان کا ساتھ دینے پر دوست ممالک بالخصوص سعودی عرب، متحدہ عرب امارات، چین، ترکی اور قطر کا شکریہ

جمعرات 18 اپریل 2024 - 21:02

ملکی مسائل کے حل کیلئے بامعنی مذاکرات اور پارلیمانی اتفاق رائے درکارہے، پولرائزیشن سے ہٹ کر عصر حاضر کی سیاست کی طرف بڑھنا ملکی ضرورت ہے، صدر مملکت ..

جمعرات 18 اپریل 2024 - 20:14

ایران اسرائیل تنازعہ: کشیدگی کون کم کرا سکتا ہے؟

جمعرات 18 اپریل 2024 - 20:00

دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک سے دہشتگرد گروہوں کا سختی سے نوٹس لینے کی توقع رکھتے ہیں، صدر مملکت

جمعرات 18 اپریل 2024 - 19:13

فلائی جناح کا اسلام آباد سے مسقط نان سٹاپ پرواز کے آغاز کا اعلان

جمعرات 18 اپریل 2024 - 13:41

ترک فوجی بغاوت کی کوشش میں امریکا ملوث نہیں، امریکی سفیر

امریکا نے ترکی میں پیش آنے والے واقعات کی منصوبہ بندی یا حمایت نہیں کی، نہ ہی اسے ان غیر آئینی سرگرمیوں کی پیشگی اطلاع تھی، اس لیے اب یہ باب بند ہونا چاہیے، وضاحت

مزید متعلقہ خبریں پڑھئیے‎ :

متعلقہ عنوان :

اتوار 7 اگست 2016 کی مزید خبریں