شام میں شدت پسند تنظیم داعش کے خلاف روس سے تعاون کرنا چاہتے ہیں ، ترکی

منگل 5 جولائی 2016 11:07

انقرہ(اُردو پوائنٹ اخبارآن لائن۔5جولائی۔2016ء) ترکی کا کہنا ہے کہ وہ شام میں شدت پسند تنظیم داعش کے خلاف روس سے تعاون کرنا چاہتا ہے، لیکن اس نے اس تجویز کی تردید کردی کہ وہ اس سلسلے میں روس کو، شامی سرحد کے قریب اپنی انکِرلک ایئر بیس استعمال کرنے کی اجازت دے گا۔گزشتہ ہفتے ترک صدر رجب طیب اردگان نے، گزشتہ سال روسی جنگی طیارہ مار گرانے کے واقعے پر ماسکو سے اظہار افسوس کیا تھا، واقعے میں روسی پائلٹ بھی ہلاک ہوا تھا۔

روس نے جہاز کے واقعے کے بعد ترکی سے اقتصادی و سیاحتی تعلق ختم کرلیے تھے، تاہم ترک صدر کی معافی کے بعد اس نے دوبارہ دونوں ممالک کے تعلقات میں بہتری کا عہد کیا تھا۔غیر ملکی خبر رساں ادارے کے مطابق گزشتہ روز ترکی کے سرکاری ٹی وی کو انٹرویو دیتے ہوئے ترک وزیر خارجہ نے تجویز دی تھی کہ شام میں داعش سے نبردآزما ہونے کے لیے ترکی کو، روس کے لیے اپنی انکِرلک ایئر بیس کھول دینی چاہیے، تاہم اس اقدام سے امریکا سمیت ترکی کے نیٹو پارٹنرز میں تشویش پیدا ہونے کا خطرہ ہے۔

(جاری ہے)

تاہم آج اپنے بیان میں ترک وزیر خارجہ نے کہا کہ ان کے الفاظ کی غلط تشریح کی گئی اور انہیں توڑ مروڑ کر پیش کیا گیا۔انہوں نے کہا کہ ’میں نے کہا تھا کہ ہمیں داعش کے خلاف روس سے تعاون کرنا چاہیے، اور روسی طیاروں کے انکرلک ایئر بیس آنے کے حوالے سے میں نے کوئی بات نہیں کی۔‘واضح رہے کہ ترکی کی انکرلک ایئر بیس امریکا، جرمنی، برطانیہ، سعودی عرب اور قطر، شام میں داعش کے خلاف لڑنے کے لیے استعمال کرتے ہیں۔

Facebook Twitter Google + Share on Whatsapp

مزید متعلقہ خبریں پڑھئیے‎ :

ضروریات زندگی کی بڑھتی قیمتوں سے خاندانوں پر دباﺅبڑھ رہا ہے‘شہریوں کے حقوق اورگڈ گورننس کیلئے اصلاحات ناگزیرہیں.صدر آصف زرداری

جمعرات 18 اپریل 2024 - 22:32

صدر کا مشکل وقت میں پاکستان کا ساتھ دینے پر دوست ممالک بالخصوص سعودی عرب، متحدہ عرب امارات، چین، ترکی اور قطر کا شکریہ

جمعرات 18 اپریل 2024 - 21:02

جرمنی میں روس کے لیے جاسوسی کے الزام میں دو افراد گرفتار

جمعرات 18 اپریل 2024 - 20:20

ملکی مسائل کے حل کیلئے بامعنی مذاکرات اور پارلیمانی اتفاق رائے درکارہے، پولرائزیشن سے ہٹ کر عصر حاضر کی سیاست کی طرف بڑھنا ملکی ضرورت ہے، صدر مملکت ..

جمعرات 18 اپریل 2024 - 20:14