پاکستان تحریک انصاف نے اثاثوں کی تفصیلات غلط ظاہر کرنے پر الیکشن کمیشن آف پاکستان میں وزیراعظم نواز کی نا اہلی کا ریفرنس دائر کر دیا، نواز شریف 2013ء کے الیکشن کمیشن کو اپنے اثاثے سے متعلق جو بیان حلفی جمع کروایا گیا تھا، وہ غلط ہے،درخواست میں موقف،
جب کوئی راستے باقی نہ رہے تب عدالتوں کے دروازے کھٹکھٹانے پڑتے ہیں،نعیم الحق
اسلام آباد(اُردو پوائنٹ اخبارآن لائن۔25جون۔2016ء) پاکستان تحریک انصاف نے اثاثوں کی تفصیلات غلط ظاہر کرنے پر الیکشن کمیشن آف پاکستان میں وزیراعظم نواز کی نا اہلی کا ریفرنس دائر کر دیا۔ الیکشن کمیشن میں 72صفحات پر مشتمل شواہد کی پٹیشن ڈاکٹر یاسمین ارشد کی مدعیت میں جمع کروائی۔ تفصیلات کے مطابق جمعہ کے روز الیکشن کمیشن آف پاکستان اسلام آباد میں پاکستان تحریک انصاف کے ترجمان نعیم الحق، عندلیب عباس اور ڈاکٹر یاسمین ارشد نے الیکشن کمیشن کے ایڈیشنل سیکرٹری سے ملاقات کی اور 2013کے جنرل الیکشن میں وزیراعظم نواز شریف کی جانب سے الیکشن کمیشن میں اپنے اثاثوں کی غلط تفصیلات ظاہر کرنے پر ڈاکٹر یاسمین کی مدعیت میں 72صفحات پر مشتمل درخواست الیکشن کمیشن میں دائر کر دی درخواست میں موقف اختیار کیا گیا کہ نواز شریف 2013ء کے الیکشن کمیشن کو اپنے اثاثے سے متعلق جو بیان حلفی جمع کروایا گیا تھا وہ غلط ہے بلکہ وزیراعظم نواز شریف دیگر اثاثوں کے بھی مالک ہیں جو انہوں نے الیکشن کمیشن سے چھپائے رکھے۔
(جاری ہے)
مزید متعلقہ خبریں پڑھئیے :
