سانحہ منیٰ کا ابھی تک جائزہ لے رہے ہیں، سعودی وزیر حج

ہم نے اس مرتبہ بہت سے حفاظتی انتظامات کیے ہیں، گذشتہ برس کا سانحہ اس سال نہیں دہرایا جائے گا، پریس کانفرنس

بدھ 8 جون 2016 10:27

جدہ(اُردو پوائنٹ اخبارآن لائن۔8جون۔2016ء) سعودی عرب کے وزیر برائے حج وعمرہ کا کہنا ہے کہ حکام گذشتہ برس حج کے موقع پر پیش آنے والے سانحہ منیٰ کا ابھی تک جائزہ لے رہے ہیں۔سانحہ منیٰ کے بعد کسی سینئر سعودی عہدیدار کی جانب سے یہ ایک 'غیرمعمولی بیان' ہے۔یاد رہے کہ گذشتہ برس سانحہ منیٰ کے دوران 2 ہزار سے زائد حجاج جان کی بازی ہار گئے تھے۔وزیر برائے حج و عمرہ محمد صالح بن طاہر بنتن نے جدہ میں ایک پریس کانفرنس کے موقع پر تایا کہ 'ہم اس (سانحے) کا جائزہ لے چکے اور یہ جائزہ اب بھی جاری ہے، ہم نے اس مرتبہ بہت سے حفاظتی انتظامات کیے ہیں، گذشتہ برس کا سانحہ اس سال نہیں دہرایا جائے گا۔

'سعودی ولی عہد اور وزیر داخلہ شہزادہ محمد بن نائف، جو حج کمیٹی کے سربراہ بھی ہیں، نیگذشتہ برس 24 ستمبر کو پیش آنے والے سانحہ منیٰ کے بعد انکوائری کا حکم دیا تھا تاہم انکوائری رپورٹ کے حوالے سے اب تک کچھ بھی سامنے نہیں آسکا۔

(جاری ہے)

خارجہ حکام کے اعدادوشمار کے مطابق گذشتہ برس سانحہ منیٰ کے دوران تقریباً 2,297 حجاج کا انتقال ہوا، جبکہ سعودی عرب کی جانب سے ہلاکتوں کی تعداد 769 بتائی گئی تھی۔

واضح رہے کہ ہر سال ہزاروں کی تعداد میں مسلمان حج اور عمرہ کے لیے سعودی عرب آتے ہیں۔پریس کانفرنس میں دیگر کابینہ وزراء کے ہمراہ نیشنل ٹرانسفورمیشن پروگرام (این ٹی پی) کے حوالے سے تبادلہ خیال کرنے کے بعد اے ایف پی سے بات کرتے ہوئے وزیرحج و عمرہ محمد صالح بنتن نے بتایا کہ دیگر وزارتوں کی طرح ان کی وزارت بھی ان اہداف کو حاصل کرنے کی کوشش کرے گی تاکہ یہ دیکھا جاسکے کہ این ٹی پی پر کس طرح عملدرآمد ہوسکتا ہے۔واضح رہے کہ مذکورہ پروگرام کے تحت سعودی عرب 2020 تک عمرہ کے لیے آنے والے زائرین کی تعداد کو 6 ملین سے 15 ملین تک بڑھانا چاہتا ہے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اگر انتخابی نظام اور نئے الیکشن کی بات ہوتی ہے توسب بات کریں گے

بدھ 24 اپریل 2024 - 23:14

حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران ..

بدھ 24 اپریل 2024 - 20:23

پاک ایران تجارتی معاہدوں پر امریکی دھمکی ورلڈ آرڈر کی ناکام صورتحال میں ناکارہ دھمکی ہے

بدھ 24 اپریل 2024 - 20:17

صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات

بدھ 24 اپریل 2024 - 19:03

معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم

بدھ 24 اپریل 2024 - 16:51

معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد ..

بدھ 24 اپریل 2024 - 15:14

سانحہ منیٰ کا ابھی تک جائزہ لے رہے ہیں، سعودی وزیر حج

ہم نے اس مرتبہ بہت سے حفاظتی انتظامات کیے ہیں، گذشتہ برس کا سانحہ اس سال نہیں دہرایا جائے گا، پریس کانفرنس

مزید متعلقہ خبریں پڑھئیے‎ :

متعلقہ عنوان :

بدھ 8 جون 2016 کی مزید خبریں