ٹیم پہلے سے زیادہ مضبوط، قوم کھلاڑیوں سے امید رکھے: اظہر علی

مصباح الحق بیشتر غیر ملکی کپتانوں کی نسبت زیادہ بہتر اور جارحانہ کپتان ہیں، پوری ٹیم محمد عامر کے ساتھ ہے اور حالیہ دورے میں فاسٹ باوٴلر دباوٴ محسوس نہیں کریں گے، ون ڈے کپتان

بدھ 1 جون 2016 09:35

لاہور(اُردو پوائنٹ اخبارآن لائن۔1 جون۔2016ء)قومی ون ڈے ٹیم کے کپتان اظہر علی کہتے ہیں کہ قوم دورہ انگلینڈ میں ٹیم سے اچھے کی امید رکھے، سب اچھا رہے گا۔ گورے بلے بازوں کے لئے قومی باوٴلرز ہمیشہ خطرہ رہے ہیں، مگر اس بار ٹیم پہلے سے زیادہ مضبوط ہے۔ دورہ انگلینڈ کے لئے قومی ٹیم کا تربیتی کیمپ دوسرے روز بھی جاری رہا۔ سلیکشن کمیٹی نے کھلاڑیوں کی کارکردگی کا جائزہ لیا۔

چیئرمین پاکستان کرکٹ بورڈ شہریار خان نے بھی کیمپ کا دورہ کیا اور سلیکٹرز سے گپ شپ لگائی۔

(جاری ہے)

ٹیسٹ ٹیم کے نائب کپتان اظہر علی کہتے ہیں کہ سری لنکا کے خلاف انگلینڈ کو آسان جیت ملی ہے لیکن قومی باوٴلرز کے خلاف گورے بلے باز ہمیشہ مشکلات میں نظر آئے اور اس بار ٹیم 2010ء کی نسبت زیادہ مضبوط ہے۔ انہوں نے کہا کہ کیمپ میں انگلش کنڈیشن کو دیکھ کر تربیت کر رہے ہیں جبکہ مصباح الحق بیشتر غیر ملکی کپتانوں کی نسبت زیادہ بہتر اور جارحانہ کپتان ہیں۔ چھ سال پہلے محمد عامر دورہ انگلینڈ میں ہی سپاٹ فکسنگ کیس میں پانچ سال کرکٹ سے دور رہے۔ اظہر علی سمجھتے ہیں کہ پوری ٹیم محمد عامر کے ساتھ ہے اور حالیہ دورے میں فاسٹ باوٴلر دباوٴ محسوس نہیں کریں گے۔

Facebook Twitter Google + Share on Whatsapp

ٹیم پہلے سے زیادہ مضبوط، قوم کھلاڑیوں سے امید رکھے: اظہر علی

بدھ 1 جون 2016 کی مزید خبریں